ಐಫೋನ್ 6 ಎಸ್ ಪ್ಲಸ್ ಅನ್ನು ಮೀರಿಸಿದ ಲೀಕೊ ಸ್ಮಾರ್ಟ್‌ಫೋನ್

By Shwetha

Published: Thursday, February 18, 2016, 12:05 [IST]

ಲೀಕೊ ಇತ್ತೀಚೆಗೆ ತಾನೇ ಫ್ಲ್ಯಾಗ್‌ಶಿಪ್ ಕಿಲ್ಲರ್ ಎಂದೆನಿಸಿರುವ ಲೀ 1ಎಸ್ ಸ್ಮಾರ್ಟ್‌ಫೋನ್ ಅನ್ನು ಮಾರುಕಟ್ಟೆಗೆ ಲಾಂಚ್ ಮಾಡಿ ಹೊಸ ಬ್ರ್ಯಾಂಡ್ ಒಂದನ್ನು ಹುಟ್ಟುಹಾಕಿದೆ. ಕೆಲವೇ ಸೆಕೆಂಡ್‌ಗಳಲ್ಲಿ ಈ ಡಿವೈಸ್ ಮಾರಾಟವಾಗಿ ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ. ಫೋನ್ ಬೆಲೆ ರೂ 10,999 ಆಗಿದ್ದು ರೂ 33,900 ರ ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್6, ರೂ 41,000 ದ ಎಚ್‌ಟಿಸಿ ಒನ್ ಎಮ್9+ ಗೆ ತೀಕ್ಷ್ಣ ಪೈಪೋಟಿಯನ್ನು ನೀಡುತ್ತಿದೆ.

ಆಕರ್ಷಕ ವಿನ್ಯಾಸ, ಉತ್ತಮ ತಂತ್ರಜ್ಞಾನ, ಅದ್ಭುತ ಫೀಚರ್‌ಗಳು ಲೀ 1 ಎಸ್ ಅನ್ನು ವಿಜಯಿಯಾಗಿ ನಿಲ್ಲಿಸಿವೆ. ಲೀ 1 ಎಸ್ ಪೂರ್ಣ ಮೆಟಲ್ ಬಾಡಿಯನ್ನು ಪಡೆದುಕೊಂಡಿದ್ದು ಏರ್‌ಕ್ರಾಫ್ಟ್ ಗ್ರೇಡ್ ಅಲ್ಯುಮಿನಿಯಮ್ ಅನ್ನು ಹೊಂದಿದೆ. ಲೀ ಸೂಪರ್ ಫೋನ್‌ಗಳು ವಿಶ್ವದ ಮೆಟಲ್ ಯೂನಿಬಾಡಿ ಡಿವೈಸ್‌ಗಳು ಎಂಬ ಹೆಸರನ್ನು ಪಡೆದುಕೊಂಡಿದ್ದು ನಿಜಕ್ಕೂ ಅತ್ಯಪೂರ್ಣ ಎಂದೆನಿಸಿವೆ.

ಐಫೋನ್ 6ಎಸ್ ಪ್ಲಸ್ ಸ್ಕ್ರೀನ್ ಗಾತ್ರ

5.5 ಇಂಚಿನ ಐಫೋನ್ 6ಎಸ್ ಪ್ಲಸ್ ಸ್ಕ್ರೀನ್ ಗಾತ್ರವನ್ನೇ ಈ ಡಿವೈಸ್ ಪಡೆದುಕೊಂಡಿದ್ದು ಐಫೋನ್ 6ಎಸ್ ಪ್ಲಸ್‌ಗಿಂತಲೂ ಉತ್ತಮ ಕಾರ್ಯಕ್ಷಮತೆ ಅಂತೆಯೇ ವಿನ್ಯಾಸವನ್ನು ಪಡೆದುಕೊಂಡಿದೆ. 2ಜಿ, 3ಜಿ ಮತ್ತು 4ಜಿ ಅಂತೆಯೇ ವೈಫೈನಲ್ಲೂ ಇದು ಉತ್ತಮವಾಗಿ ಕಾರ್ಯನಿರ್ವಹಿಸಲಿದೆ.

ಮಲ್ಟಿ ಟಾಸ್ಕಿಂಗ್

ಲೀ 1 ಎಸ್ ಓಕ್ಟಾ ಕೋರ್ 2.2 GHz, ಹೇಲಿಯೊ X10 ಟರ್ಬೊ ಪ್ರೊಸೆಸರ್ ಅನ್ನು ಒಳಗೊಂಡಿದೆ. 3ಜಿಬಿ RAM ಡಿವೈಸ್‌ನಲ್ಲಿದ್ದು ಮಲ್ಟಿ ಟಾಸ್ಕಿಂಗ್ ನಿರ್ವಹಿಸಲು ಇದು ಹೇಳಿಮಾಡಿಸಿರುವಂಥದ್ದಾಗಿದೆ.