ಐಪೋನ್ X ಗಿಂತಲೂ ದುಬಾರಿ LG ಸಿಗ್ನೇಚರ್ ಸ್ಮಾರ್ಟ್‌ಫೋನ್: ಯಾಕೆ ಗೊತ್ತಾ..?

ಐಫೋನ್ X ಗಿಂತಲೂ ದುಬಾರಿ:

ಸದ್ಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ದುಬಾರಿ ಬೆಲೆಯ ಫೋನ್ ಎನ್ನುವ ಖ್ಯಾತಿಯನ್ನು ಐಪೋನ್ ‍‍‍‍‍X ಪಡೆದುಕೊಂಡಿದೆ. ಸದ್ಯ LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಲಾಂಚ್ ಆಗಲಿದೆ ದುಬಾರಿ ಬೆಲೆಗೆ. ಈ ಹಿಂದೆ ಐಫೋನ್ X ರೂ.1,02,425ಕ್ಕೆ ಮಾರಾಟವಾಗುತಿತ್ತು. ಈಗ LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನ್ ರೂ.1.22.820ಕ್ಕೆ ಲಾಂಚ್ ಆಗಲಿದೆ ಎನ್ನಲಾಗಿದೆ.

ದುಬಾರಿಗೆ ಕಾರಣ:

LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನ್ ಅನ್ನು ಪ್ರೀಮಿಯಮ್ ಮೆಟಿರಿಯಲ್ ಆಗಿರುವ ಜಿರ್ಕೋನಿಯಮ್ ಸೆರೆಮಿಕ್ ಬ್ಲಾಕ್ ನಿಂದ ಮಾಡಲಾಗಿದೆ. ಇದರಿಂದಾಗಿ ಸ್ಮಾರ್ಟ್‌ಫೋನಿಗೆ ಯಾವುದೇ ಮಾದರಿಯಲ್ಲಿ ಸ್ಕ್ರಾಚ್ ಆಗುವುದಿಲ್ಲ ಎನ್ನಲಾಗಿದೆ. ಅಲ್ಲದೇ ಸ್ಮಾರ್ಟ್‌ಫೋನಿನ ಮೇಲೆ ಬಳಕೆದಾರರು ಅವರ ಹೆಸರನ್ನು ಬರೆಸಿಕೊಳ್ಳಬಹುದಾಗಿದೆ.

ವೇಗದ ಪ್ರೋಸೆಸರ್ ಇದೆ:

LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನ್ ದುಬಾರಿಯಾಗಲು ಮತ್ತೊಂದು ಕಾರಣ ಎಂದರೆ ಇದರಲ್ಲಿ ಟಾಪ್ ಎಂಡ್ ಪ್ರೋಸೆಸರ್ ಅನ್ನು ಕಾಣಬಹುದಾಗಿದೆ. ಸ್ನಾಪ್‌ಡ್ರಾಗನ್ 845 ಪ್ರೋಸೆಸರ್ ಅನ್ನು ಇದರಲ್ಲಿ ಅಳವಡಿಸಲಾಗಿದೆ. ಇದಲ್ಲದೇ ಆಡ್ರಿನೋ 630 GPUವನ್ನು ನೀಡಲಾಗಿದೆ. ಇದು ವೇಗದ ಗ್ರಾಫಿಕ್ಸ್ ಗಳಿಗೆ ಸಫೋರ್ಟ್ ಮಾಡಲಿದೆ.

6 ಇಂಚಿನ ಡಿಸ್‌ಪ್ಲೇ:

LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನಿನಲ್ಲಿ QHD+ ಗುಣಮಟ್ಟದ OLED ಡಿಸ್‌ಪ್ಲೇಯನ್ನು ಕಾಣಬಹುದಾಗಿದ್ದು, ಇದು 6 ಇಂಚಿನದಾಗಿದೆ. ಇದಲ್ಲದೇ ಇದು 18:9 ಅನುಪಾತದಿಂದ ಕೂಡಿದೆ. ಅಲ್ಲದೇ ಡಿಸ್‌ಪ್ಲೇ ಸ್ಕ್ರಾಚ್ ಆಗಬಾರದು ಎನ್ನುವ ಕಾರಣಕ್ಕೆ ಗೊರಿಲ್ಲಾ ಗ್ಲಾಸ್ 5 ಸುರಕ್ಷತೆಯನ್ನು ನೀಡಲಾಗಿದೆ.

6GB RAM:

LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನ್ ವೇಗವಾಗಿ ಕಾರ್ಯನಿರ್ವಹಿಸುವ ಸಲುವಾಗಿ 6 GB RAM ಅನ್ನು ನೀಡಲಾಗಿದೆ. ಇದರೊಂದಗೆ 256 GB ಇಂಟರ್ನಲ್ ಮೆಮೊರಿಯನ್ನು ಹೊಂದಿದೆ. ಇದಲ್ಲದೇ ಬಳಕೆದಾರರು 2 TB ವರೆಗೆ ಮೆಮೊರಿ ಕಾರ್ಡ್ ಅನ್ನು ಹಾಕಿಕೊಳ್ಳುವ ಅವಕಾಶವನ್ನು ಈ ಸ್ಮಾರ್ಟ್‌ಫೋನಿನಲ್ಲಿ ಮಾಡಿಕೊಡಲಾಗಿದೆ.

ಡ್ಯುಯಲ್ ಕ್ಯಾಮೆರಾ:

LG ಸಿಗ್ನೇಚರ್ ಎಡಿಷನ್ ಸ್ಮಾರ್ಟ್‌ಫೋನಿನ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾವನ್ನು ಕಾಣಬಹುದಾಗಿದೆ. 16 MP + 16 MP ಡ್ಯುಯಲ್ ಕ್ಯಾಮೆರಾವನ್ನು ನೀಡಲಾಗಿದ್ದು, ಉತ್ತಮ ಚಿತ್ರಗಳನ್ನು ಇದರಲ್ಲಿ ಸೆರೆಹಿಡಿಯಬಹುದಾಗಿದೆ. ಇದಲ್ಲದೇ ಮುಂಭಾಗದಲ್ಲಿ 8 MP ಸೆಲ್ಪೀ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.