ಹೊಸ ಮ್ಯಾಕ್ಸ್ ಪ್ರೊಜೆಕ್ಟರ್ ಮೊಬೈಲ್ ಬಂದಿದೆ ನೋಡಿ

Posted By: Staff
ಹೊಸ ಮ್ಯಾಕ್ಸ್ ಪ್ರೊಜೆಕ್ಟರ್ ಮೊಬೈಲ್ ಬಂದಿದೆ ನೋಡಿ

ಸ್ಮಾರ್ಟ್ ಫೋನ್ ಇದೀಗ ಹೆಚ್ಚು ಪ್ರಚಲಿತದಲ್ಲಿದೆ. ಎಲ್ಲ ರೀತಿಯಿಂದಲೂ ಮೊಬೈಲ್ ಉಪಯೋಗಕ್ಕೆ ಬರುವಂತೆ ಮಾಡುವುದೇ ತಂತ್ರಜ್ಞಾನದ ಉದ್ದೇಶ. ಇದೀಗ ಪ್ರೊಜೆಕ್ಟರ್ ತಂತ್ರಜ್ಞಾನವನ್ನು ಮೊಬೈಲ್ ಫೋನ್ ಗಳಿಗೆ ಅಳವಡಿಸುವುದು ಹೊಸ ಆವಿಷ್ಕಾರ. ಈಗಾಗಲೇ ಸ್ಪೈಸ್ ಮತ್ತು ಇಂಟೆಕ್ಸ್ ಮೊಬೈಲ್ ಗಳು ತಮ್ಮದೇ ಪ್ರೊಜೆಕ್ಟರ್ ಫೋನ್ ಗಳನ್ನು ಹೊರತಂದಿದೆ.

ಮ್ಯಾಕ್ಸ್ ಮೊಬೈಲ್ ಪ್ರೊಜೆಕ್ಟರ್ ಹೊಂದಿರುವ ಪೂರ್ಣ ಟಚ್ ಸ್ಕ್ರೀನ್ ಮೊಬೈಲೊಂದನ್ನು ಪರಿಚಯಿಸಿದೆ. ಮ್ಯಾಕ್ಸ್ ಫೋಕಸ್ ಅಥವಾ MTP9 ಎಂಬ ಈ ಮೊಬೈಲ್ ಬಾರ್ ಫೋನ್ ಮಾದರಿಯಲ್ಲಿದೆ. ಕಪ್ಪು ಮತ್ತು ಬೆಳ್ಳಿ ಕಂದು ಬಣ್ಣದ ಮಿಶ್ರಣದಿಂದ ಮೂಡಿಬಂದಿರುವ ಈ ಮ್ಯಾಕ್ಸ್ ಫೋಕಸ್ ಮೊಬೈಲ್ 208MHz ಪ್ರೊಸೆಸರ್ ಹೊಂದಿದೆ.

ಮ್ಯಾಕ್ಸ್ ಫೋಕಸ್ ವಿಶೇಷತೆ:

* 2.8 ಇಂಚಿನ ಟಚ್ ಸ್ಕ್ರೀನ್ ಡಿಸ್ಪ್ಲೇ

* 5 ಮೆಗಾ ಪಿಕ್ಸಲ್ ಕ್ಯಾಮೆರಾ

* ಮಲ್ಟಿ ಮೀಡಿಯಾ ಬೆಂಬಲಿತ

* 1200mAh ಬ್ಯಾಟರಿ

ಚಿಕ್ಕ ಸ್ಕ್ರೀನ್ ನಲ್ಲಿ ವೀಡಿಯೋ ಮತ್ತು ಚಿತ್ರಗಳನ್ನು ನೋಡಲು ಕಷ್ಟವೆನಿಸಿದರೆ ಪ್ರೊಜೆಕ್ಟರನ್ನು ಬಳಸಬಹುದು. ಯಾವುದಾದರೂ ಬ್ಯಾಕ್ ಗ್ರೌಂಡ್ ಸಹಾಯದಿಂದ ವಿಡಿಯೋ ಅಥವಾ ಚಿತ್ರಗಳನ್ನು ಪ್ರೊಜೆಕ್ಟ್ ಮಾಡಬಹುದು.  ಫೋನ್ ನಲ್ಲಿ ಕಿಂಗ್ ಮೂವಿ ಪ್ಲೇಯರನ್ನೂ ಮುಂಚಿತವಾಗಿಯೇ ಅಳವಡಿಸಲಾಗಿದೆ. ಈ ಮೊಬೈಲ್ ಜಾವಾ ಬೆಂಬಲಿತವೂ ಹೌದು. ಜೊತೆಗೆ ಒಪೆರಾ ಮಿನಿ ಬ್ರೌಸರ್ ಕೂಡ ಇದೆ.

ಈ ಮ್ಯಾಕ್ಸ್ ಫೋಕಸ್ ಮೊಬೈಲ್ ಬೆಲೆ 6,500 ರೂ ಎಂದು ಅಂದಾಜಿಸಲಾಗಿದೆ.

Please Wait while comments are loading...
Opinion Poll

Social Counting