ಮೊಟೊ C ಸ್ಮಾರ್ಟ್‌ಫೋನ್ ಲಾಂಚ್: ರೆಡ್‌ಮಿ 4A ಫೋನಿಗೆ ಪ್ರಬಲ ಪ್ರತಿ ಸ್ಪರ್ಧಿ

ಲಾಂಚ್ ಆಗಿದೆ ಮೊಟೊ C ಮತ್ತು ಮೊಟೊ C ಪ್ಲಸ್:

ಈ ಮೊದಲೇ ಮೊಟೊರೊಲಾ ಬಜೆಟ್ ಸ್ಮಾರ್ಟ್‌ಫೋನ್‌ ವೊಂದನ್ನು ಬಿಡುಗಡೆ ಮಾಡಲಿದೆ ಎನ್ನುವ ಮಾಹಿತಿಯೂ ಲಭ್ಯವಾಗಿತ್ತು. ಅದರಂತೆ ಮೊಟೊ C ಮತ್ತು ಮೊಟೊ C ಪ್ಲಸ್ ಯೂರೋಪ್, ಅಮೇರಿಕಾ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿದೆ.

ಮೊಟೊ C ವಿಶೇಷತೆಗಳು:

ಸದ್ಯ ಮೊಟೊ C 3G ವರ್ಷನ್‌ನಲ್ಲಿ ಲಭ್ಯವಿದ್ದು, 5 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, 1.1 GHz ಕ್ವಾಡ್ ಕೋರ್ ಮಿಡಿಯಾ ಟೆಕ್ ಚಿಪ್ ಸೆಟ್ ನೊಂದಿಗೆ 1 GB RAM ಇದರಲ್ಲಿದೆ. ಅಲ್ಲದೇ 8GB/16GB ಇಂಟರ್‌ನಲ್ ಮೆಮೊರಿಯೊಂದಿಗೆ ದೊರೆಯಲಿದೆ. ಅಲ್ಲದೇ ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಮೂಲಕ 32GB ವರೆಗು ಮೆಮೊರಿ ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಾಗಿದೆ.

ಮೊಟೊ C ಪ್ರಮುಖ ಅಂಶಗಳು:

ಈ ಫೋನಿನ ಹಿಂಭಾಗದಲ್ಲಿ 5MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ ಜೊತೆಗೆ LED ಫ್ಲಾಸ್ ಸಹ ಇದೆ. ಅಲ್ಲದೇ ಮುಂಭಾಗದಲ್ಲಿ 2MP ಕ್ಯಾಮೆರಾ ನೀಡಲಾಗಿದ್ದು, ಜೊತೆಗೆ LED ಫ್ಲಾಸ್ ಇದೇ. 2,350mAh ಬ್ಯಾಟರಿಯೂ ಈ ಫೋನಿನಲ್ಲಿದೆ.

ಮೊಟೊ C ಪ್ಲಸ್ ವಿಶೇಷತೆಗಳು:

ಮೊಟೊ C ಪ್ಲಸ್ ಸ್ಮಾರ್ಟ್‌ಫೋನಿನಲ್ಲಿ 5 ಇಂಚಿನ HD ಡಿಸ್‌ಪ್ಲೇ ಅಳವಡಿಸಲಾದ್ದು, 1.4GHz ಮಿಡಿಯಾ ಟೆಕ್ ಚಿಪ್‌ಸೆಟ್ ಹೊಂದಿದೆ. ಅಲ್ಲದೇ 2GB RAM ಮತ್ತು 16 GB ಇಂಟರ್‌ನಲ್ ಮೆಮೊರಿಯನ್ನು ಈ ಫೋನ್ ಹೊಂದಿದೆ.

ಮೊಟೊ C ಪ್ಲಸ್ ಪ್ರಮುಖ ಅಂಶಗಳು:

ಹಿಂಭಾಗದಲ್ಲಿ 8 MP ಕ್ಯಾಮೆರಾವನ್ನ ನೀಡಲಾಗಿದ್ದು, ಮುಂಭಾಗದಲ್ಲಿ 2MP ಕ್ಯಾಮೆರಾ ಇದೆ. ಅಲ್ಲದೇ ಎರಡು ಕಡೆಯಲ್ಲೂ LED ಫ್ಲಾಶ್ ಅಳವಡಿಸಲಾಗಿದೆ. ಅಲ್ಲದೇ 4000mAh ಬ್ಯಾಟರಿಯೂ ಈ ಫೋನಿನಲ್ಲಿದೆ. ಅಲ್ಲದೇ ಈ ಫೋನ್ ಬೆಲೆ ಸುಮಾರು ರೂ.8,300 ಆಗಲಿದೆ.