ಭಾರತದಲ್ಲಿ ಕಡಿಮೆ ಬೆಲೆಯ ಹೊಸ Moto 5G ಫೋನ್ ಲಾಂಚ್: 7,000mAh ಬ್ಯಾಟರಿ!

ಭಾರತದಲ್ಲಿ ಮೋಟೊರೊಲಾ ಕಂಪೆನಿಯು ತನ್ನ ಮತ್ತೊಂದು ಬಜೆಟ್ ಸ್ಮಾರ್ಟ್‌ಫೋನ್ Moto G57 Power 5G ಅನ್ನು ಇಂದು (24,ಸೋಮವಾರ) ಭರ್ಜರಿಯಾಗಿ ಬಿಡುಗಡೆಗೊಳಿಸಿದೆ. ಕಳೆದ ಹಲವಾರು ದಿನಗಳಿಂದ ವದಂತಿಗಳಿಂದಲೇ ಹೆಚ್ಚು ಸುದ್ದಿಯಾಗಿದ್ದ ಈ ಫೋನ್, 33W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ 7,000mAh ಬ್ಯಾಟರಿ ಮತ್ತು Snapdragon 6s Gen 4 ಚಿಪ್‌ಸೆಟ್ ನಂತಹ ವೈಶಿಷ್ಟ್ಯಗಳನ್ನು ಹೊತ್ತು ಕೇವಲ ₹12,999 ರೂ.ಗೆ ಬಂದಿದೆ. ಹಾಗಾದರೆ, ಈ ಹೊಸ Moto G57 Power 5G ಫೋನ್ ಹೇಗಿದೆ?, ಫೀಚರ್ಸ್ ಯಾವುವು ಎಂಬ ಸಂಪೂರ್ಣ ಮಾಹಿತಿಯನ್ನು ನೋಡೋಣ ಬನ್ನಿ.

Moto G57 Power 5G: ಪ್ರಮುಖ ವೈಶಿಷ್ಟ್ಯಗಳು
ಹೊಸ Moto G57 Power 5G ಫೋನ್ 6.72 ಇಂಚಿನ Full-HD+ LCD ಡಿಸ್‌ಪ್ಲೇ ಹೊತ್ತು ಬಂದಿದೆ. ಇದು 120Hz ರಿಫ್ರೆಶ್ ರೇಟ್, 120Hz ಟಚ್ ಸ್ಯಾಂಪ್ಲಿಂಗ್, ಹಾಗೂ 1,050 ನಿಟ್ಸ್ ಪೀಕ್ ಬ್ರೈಟ್ನೆಸ್ ಅನ್ನು ಬೆಂಬಲಿಸುತ್ತದೆ. Corning Gorilla Glass 7i ರಕ್ಷಣೆಯನ್ನು ಹೊಂದಿರುವ ಈ ಡಿಸ್‌ಪ್ಲೇಯು Smart Water Touch 2.0 ತಂತ್ರಜ್ಞಾನವನ್ನೂ ಒಳಗೊಂಡಿದೆ. ಕಾರ್ಯಕ್ಷಮತೆಗಾಗಿ, 4nm ಆರ್ಕಿಟೆಕ್ಚರ್ ಮೇಲೆ ನಿರ್ಮಿಸಲಾಗಿರುವ Snapdragon 6s Gen 4 ಪ್ರೊಸೆಸರ್ ಇದ್ದು, ಇದನ್ನು 8GB LPDDR4X RAM ಮತ್ತು 128GB ಇಂಟರ್ನಲ್ ಸ್ಟೋರೇಜ್‌ನೊಂದಿಗೆ ಸಂಯೋಜಿಸಲಾಗಿದೆ.

ಕ್ಯಾಮೆರಾ ವಿಭಾಗದಲ್ಲಿ, Moto G57 Power 5G ಫೋನಿನ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಇದೆ. ಇದು 50MP Sony LYT-600 ಮುಖ್ಯ ಕ್ಯಾಮೆರಾ, 8MP ಅಲ್ಟ್ರಾವೈಡ್ ಲೆನ್ಸ್, ಮತ್ತು ಹೆಚ್ಚುವರಿ ಲೈಟ್ ಸೆನ್ಸರ್ ಹೊಂದಿದೆ. ಮುಂಭಾಗದಲ್ಲಿ 8MP ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ. ಈ ಫೋನ್ 2K 60fps ವಿಡಿಯೋ ರೆಕಾರ್ಡಿಂಗ್ ಅನ್ನು ಬೆಂಬಲಿಸುತ್ತದೆ ಎಂದು ಕಂಪೆನಿಯು ತಿಳಿಸಿದೆ. ಇದಲ್ಲದೆ, ಈ ಫೋನ್ ಬಳಕೆದಾರರಿಗಾಗಿ Shot Optimisation, Magic Eraser, Photo Unblur ಮತ್ತು Portrait Light ಸೇರಿದಂತೆ ಹಲವಾರು ಎಐ ಆಧಾರಿತ ಕ್ಯಾಮೆರಾ ವೈಶಿಷ್ಟ್ಯಗಳನ್ನು ಸಹ ತರಲಾಗಿದೆ.

ಈ Moto G57 Power 5G ಫೋನ್‌ನ ಪ್ರಮುಖ ಆಕರ್ಷಣೆ ಅದರ 7,000mAh ದೊಡ್ಡ ಬ್ಯಾಟರಿ. ಜೊತೆಗೆ ಇದು 33W ವೇಗದ ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಸಂಪರ್ಕ ಆಯ್ಕೆಗಳಲ್ಲಿ, 5G, Bluetooth 5.1, ಡ್ಯುಯಲ್ ಬ್ಯಾಂಡ್ ವೈ-ಫೈ, USB ಟೈಪ್-ಸಿ ಪೋರ್ಟ್, GPS, A-GPS, GLONASS, ಗೆಲಿಲಿಯೋ, QZSS, ಮತ್ತು BeiDou ಗಳನ್ನು ಬೆಂಬಲಿಸುತ್ತದೆ. ಭದ್ರತೆಗಾಗಿ Side-mounted Fingerprint Scanner ಹೊಂದಿದೆ. ಆನ್‌ಬೋರ್ಡ್ ಸಂವೇದಕಗಳ ಪಟ್ಟಿಯಲ್ಲಿ ಅಕ್ಸೆಲೆರೊಮೀಟರ್, ಗೈರೊಸ್ಕೋಪ್, ಸಾಮೀಪ್ಯ ಸಂವೇದಕ, ಆಂಬಿಯೆಂಟ್ ಲೈಟ್ ಸೆನ್ಸರ್ ಮತ್ತು ಇ-ದಿಕ್ಸೂಚಿ ಇವೆ.

Moto G57 Power 5G: ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ 8GB + 128GB ಸ್ಟೋರೇಜ್ ಮಾದರಿಯ Moto G57 Power 5G ಬೆಲೆಯನ್ನು 14,999 ರೂ.ಗೆ ನಿಗದಿಪಡಿಸಲಾಗಿದೆ. ಆದರೆ, ಪರಿಚಯಾತ್ಮಕ ಕೊಡುಗೆಯ ಭಾಗವಾಗಿ, ಈ ಫೋನ್ 12,999 ರ ರಿಯಾಯಿತಿ ಬೆಲೆಯಲ್ಲಿ ಲಭ್ಯವಿರುತ್ತದೆ, ಮತ್ತು ಇದರಲ್ಲಿ ಬ್ಯಾಂಕ್ ಕೊಡುಗೆ ಮತ್ತು ವಿಶೇಷ ಬಿಡುಗಡೆ ರಿಯಾಯಿತಿ ಸೇರಿದೆ ಎಂದು ಕಂಪೆನಿ ತಿಳಿಸಿದೆ. ಇನ್ನು ಈ ಫೋನ್ ಇದೇ ಡಿಸೆಂಬರ್ 3 ರಿಂದ ಪ್ಯಾಂಟೋನ್ ರೆಗಟ್ಟಾ, ಪ್ಯಾಂಟೋನ್ ಫ್ಲೂಯಿಡಿಟಿ ಮತ್ತು ಪ್ಯಾಂಟೋನ್ ಕೋರ್ಸೇರ್ ಬಣ್ಣಗಳಲ್ಲಿ ಮತ್ತು ಫ್ಲಿಪ್‌ಕಾರ್ಟ್, ಮೊಟೊರೊಲಾ ಇಂಡಿಯಾ ಆನ್‌ಲೈನ್ ಸ್ಟೋರ್‌ಗಳಲ್ಲಿ ಮಾರಾಟಕ್ಕೆ ಬರುತ್ತಿದೆ.

ಈ ಹೊಸ Moto G57 Power 5G ಬಜೆಟ್ ಸೆಗ್ಮೆಂಟ್‌ನಲ್ಲಿ ಹೆಚ್ಚಿನ ಬ್ಯಾಟರಿ ಮತ್ತು ಉತ್ತಮ ಕಾರ್ಯಕ್ಷಮತೆಯೊಂದಿಗೆ ಸ್ಪರ್ಧಾತ್ಮಕ ಆಯ್ಕೆಯಾಗಿ ಪರಿಣಮಿಸಬಹುದು. ದೊಡ್ಡ ಬ್ಯಾಟರಿ ಅಗತ್ಯ ಮತ್ತು ಉತ್ತಮ ಕ್ಯಾಮೆರಾ ಫೀಚರ್‌ಗಳನ್ನು ಬಯಸುವ ಗ್ರಾಹಕರಿಗೆ ಇದು ಆಕರ್ಷಕ ಆಯ್ಕೆಯಾಗಿ ಕಾಗುತ್ತಿದೆ.