Moto ಘರ್ಜನೆ ಶುರು..! ಸದ್ದಿಲ್ಲದೇ ಹೊಸ ಫೋನ್ ಲಾಂಚ್: ರಾಶಿ ಫೀಚರ್ಸ್.. ಇಷ್ಟು ಕಡಿಮೆ ಬೆಲೆಯೇ?

ಮೊಟೊರೊಲಾ ಸೈಲೆಂಟ್‌ ಆಗಿಯೇ ಮೊಬೈಲ್ ಪ್ರಿಯರಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ತನ್ನ ಹೊಚ್ಚ ಹೊಸ ಫೋನ್‌ನೊಂದಿಗೆ ಮಾರುಕಟ್ಟೆಯಲ್ಲಿ ದೊಡ್ಡ ಸೌಂಡ್‌ ಮಾಡುತ್ತಿದೆ. ಹೌದು, ಮೊಟೊರೊಲಾ ಕಂಪನಿಯು ಇಂದು ತನ್ನ 'Moto G' ಸರಣಿಯ ನೂತನ ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಿದೆ. ಇದುವೇ Moto G85 5G ಫೋನ್. ಈ ಹೊಸ 5G ಮೊಬೈಲ್‌ ಎಂಟ್ರಿಗೆ ಎದುರಾಳಿಗಳು ಕೂಡ ಬೆಚ್ಚಿಬಿದ್ದಿದ್ದಾರೆ. ಈ ಫೋನ್‌ನ ಸ್ಟನ್ನಿಂಗ್ ಡಿಸೈನ್‌, ಕ್ಯಾಮೆರಾ ಸೆಟಪ್ ಹಾಗೂ ಫೀಚರ್ಸ್‌ಗಳಿಗೆ ಮೊಟೊರೊಲಾ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಹಾಗಿದ್ರೆ, ಈ Moto G85 5G ಫೋನ್‌ನ ಬೆಲೆ ಎಷ್ಟು? ವಿಶೇಷತೆಗಳೇನು? ಎನ್ನುವುದನ್ನು ಈ ಲೇಖನದಲ್ಲಿ ತಿಳಿಯೋಣ ಬನ್ನಿ.

ಲೆನೊವೊ ಮಾಲೀಕತ್ವದ ಬ್ರ್ಯಾಂಡ್‌ನಿಂದ Moto G85 5G ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಹೊಸ Moto G-ಸರಣಿ ಫೋನ್ 12GB RAM ನೊಂದಿಗೆ Snapdragon 6s Gen 3 ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇದು 120Hz ರಿಫ್ರೆಶ್ ದರದೊಂದಿಗೆ 6.67-ಇಂಚಿನ pOLED ಡಿಸ್ಪ್ಲೇಯನ್ನು ಹೊಂದಿದೆ. 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಹೊಂದಿದೆ. ಇದು 33W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ ಬ್ಯಾಕಪ್ ಹೊಂದಿದೆ. ಹೊಸ ಫೋನ್ ಕಳೆದ ತಿಂಗಳು ಚೀನಾದಲ್ಲಿ ಅನಾವರಣಗೊಂಡ Moto S50 Neoನ ರೀಬ್ರಾಂಡ್ ಆಗಿದೆ.

ಭಾರತದಲ್ಲಿ Moto G85 5G ಬೆಲೆ ಎಷ್ಟು?

ಭಾರತದಲ್ಲಿ Moto G85 5G ಫೋನ್‌ನ 8GB RAM+128GB ಸ್ಟೋರೇಜ್ ರೂಪಾಂತರದ ಬೆಲೆಯು 17,999 ರೂ. ಇದೆ. 12GB RAM+256GB ಸ್ಟೋರೇಜ್ ಹೊಂದಿರುವ ಟಾಪ್ ಎಂಡ್ ವೇರಿಯಂಟ್‌ ಬೆಲೆ 19,999 ರೂ. ಇದೆ. ಇದು ಆಲಿವ್ ಗ್ರೀನ್, ಕೋಬಾಲ್ಟ್ ಬ್ಲೂ ಮತ್ತು ಅರ್ಬನ್ ಗ್ರೇ ಬಣ್ಣಗಳಲ್ಲಿ ಬರುತ್ತದೆ. ಈ ಫೋನ್ Motorola.in, Flipkart ಮತ್ತು ದೇಶದ ಆಯ್ದ ಚಿಲ್ಲರೆ ಅಂಗಡಿಗಳ ಮೂಲಕ ಜುಲೈ 16 ರಿಂದ ಮೊದಲ ಮಾರಾಟ ಪ್ರಾರಂಭಿಸಲಿದೆ.

ಈ ಫೋನ್‌ ಖರೀದಿಸುವವರಿಗೆ ಭರ್ಜರಿ ಡಿಸ್ಕೌಂಟ್

ಈ ಫೋನ್‌ ಖರೀದಿಸುವವರಿಗೆ ಭರ್ಜರಿ ಲಾಂಚ್‌ ಆಫರ್‌ ಲಭ್ಯವಿರಲಿದೆ. ಈ ಫೋನ್‌ ಖರೀದಿ ಮೇಲೆ ಗ್ರಾಹಕರು 1,000 ರೂ.ಗಳ ತ್ವರಿತ ಬ್ಯಾಂಕ್ ಡಿಸ್ಕೌಂಟ್ ಪಡೆಯಬಹುದು. ಅಥವಾ 1,000 ರೂಪಾಯಿಗಳ ಎಕ್ಸ್‌ಚೇಂಜ್ ಬೋನಸ್ ಅನ್ನು ನಿಮ್ಮದಾಗಿಸಿಕೊಳ್ಳಬಹುದು. ಈ ಮೂಲಕ 16,999 ರೂ. ಆರಂಭಿಕ ಬೆಲೆಯಲ್ಲಿ ನೀವು ಖರೀದಿಸಬಹುದು. ಇದಲ್ಲದೆ, ಗ್ರಾಹಕರು ಒಂಬತ್ತು ತಿಂಗಳವರೆಗೆ ಯಾವುದೇ ವೆಚ್ಚವಿಲ್ಲದ EMI ಆಫರ್‌ಗಳನ್ನು ಸಹ ಪಡೆಯಬಹುದು.

Moto G85 5G ವಿಶೇಷತೆಗಳೇನು?

ಇದು 6.67-ಇಂಚಿನ ಪೂರ್ಣ-HD+ (1,080 x 2,400 ಪಿಕ್ಸೆಲ್‌ಗಳು) 3D ಕರ್ವ್ಡ್ ಪೋಲ್ಡ್ ಡಿಸ್ಲ್ಪೇಯನ್ನು ಹೊಂದಿದೆ. ಜೊತೆಗೆ 120Hz ರಿಫ್ರೆಶ್ ದರ, 240Hz ಟಚ್ 1,600ನಿಟ್ಸ್‌ಗಳ ಗರಿಷ್ಠ ಬ್ರೈಟ್‌ನೆಸ್‌ ಮತ್ತು 20:9 ಆಕಾರ ಅನುಪಾತ ಹೊಂದಿದೆ. ಡಿಸ್ಲ್ಪೇಯು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ರಕ್ಷಣೆಯನ್ನು ಹೊಂದಿದೆ. ಇದು Adreno 619 GPU, 12GB RAM ಮತ್ತು 256GB UFS 2.2 ಆನ್‌ಬೋರ್ಡ್ ಸ್ಟೋರೇಜ್‌ನೊಂದಿಗೆ Qualcomm ನ ಸ್ನಾಪ್‌ಡ್ರಾಗನ್ 6s Gen 3 ಚಿಪ್‌ಸೆಟ್ ಅನ್ನು ರನ್ ಮಾಡುತ್ತದೆ. ಬಳಕೆಯಾಗದ ಸ್ಟೋರೇಜ್‌ನೊಂದಿಗೆ RAM ಅನ್ನು ವಾಸ್ತವಿಕವಾಗಿ 24GB ವರೆಗೆ ವಿಸ್ತರಿಸಬಹುದು.

50MP ಮುಖ್ಯ ಕ್ಯಾಮೆರಾ ಮತ್ತು 32MP ಸೆಲ್ಫಿ ಶೂಟರ್

ಈ Moto G85 5G ಫೋನ್‌ನ ಕ್ಯಾಮೆರಾ ಸೆಟಪ್‌ ಬಗ್ಗೆ ಹೇಳುವುದಾದರೆ, ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ 50 ಮೆಗಾಪಿಕ್ಸೆಲ್ Sony Lytia 600 ಪ್ರಾಥಮಿಕ ಸಂವೇದಕದೊಂದಿಗೆ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಹೊಂದಿದೆ. 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಆಂಗಲ್ ಕ್ಯಾಮೆರಾ ಜೊತೆಗೆ ಸಿಂಗಲ್ LED ಫ್ಲ್ಯಾಷ್ ಅನ್ನು ಹೊಂದಿದೆ. ಇದು ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ 32 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾದೊಂದಿಗೆ ಬರುತ್ತದೆ.

ಈ ಫೋನ್‌ ಬ್ಯಾಟರಿ ಬ್ಯಾಕಪ್ ಸೂಪರ್

Moto G85 5G ಸ್ಮಾರ್ಟ್‌ಫೋನ್ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್‌ ಹೊಂದಿದೆ. ಜೊತೆಗೆ, 33W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್‌ ಪಡೆದಿದೆ. ಬ್ಯಾಟರಿಯು ಒಂದೇ ಚಾರ್ಜ್‌ನಲ್ಲಿ 34 ಗಂಟೆಗಳ ಪ್ಲೇಟೈಮ್ ಅನ್ನು ನೀಡುತ್ತದೆ. ಎರಡು ವರ್ಷಗಳ OS ಅಪ್ಡೇಟ್‌ಗಳು ಮತ್ತು ನಾಲ್ಕು ವರ್ಷಗಳ ಭದ್ರತಾ ಅಪ್ಡೇಟ್‌ಗಳನ್ನು ಪಡೆಯಬಹುದು. ಈ ಫೋನ್ 161.91x73.06x7.59 ಮಿಮೀ ಅಳತೆ ಮತ್ತು ಸುಮಾರು 172 ಗ್ರಾಂ ತೂಕ ಹೊಂದಿದೆ.

ಏನೆಲ್ಲಾ ಕನೆಕ್ಟಿವಿಟಿ ಆಯ್ಕೆಗಳಿವೆ?

Moto G85 5Gನಲ್ಲಿನ ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ನೋಡುವುದಾದರೆ, ಇದು ಬ್ಲೂಟೂತ್, Wi-Fi 802.11 a/b/g/n/ac, GPS, A-GPS, GLONASS, ಗೆಲಿಲಿಯೋ, LTEPP, ಮತ್ತು USB ಟೈಪ್-C ಪೋರ್ಟ್ ಅನ್ನು ಒಳಗೊಂಡಿದೆ. ಬಯೋಮೆಟ್ರಿಕ್ ದೃಢೀಕರಣಕ್ಕಾಗಿ ಫೋನ್ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಹೊಂದಿದೆ. ಇದು ಫೇಸ್ ಅನ್‌ಲಾಕ್ ವೈಶಿಷ್ಟ್ಯವನ್ನು ಬೆಂಬಲಿಸುತ್ತದೆ ಮತ್ತು ಡಾಲ್ಬಿ ಅಟ್ಮಾಸ್ ತಂತ್ರಜ್ಞಾನದಿಂದ ಬೆಂಬಲಿತವಾದ ಸ್ಟಿರಿಯೊ ಸ್ಪೀಕರ್‌ಗಳನ್ನು ಹೊಂದಿದೆ.

Moto G85 5G ಸಂಪೂರ್ಣ ವಿಶೇಷತೆಗಳು

• ಡಿಸ್‌ಪ್ಲೇ: 6.67-ಇಂಚಿನ (2400×1080 ಪಿಕ್ಸೆಲ್‌ಗಳು) FHD+ ಡಿಸ್‌ಪ್ಲೇ, 10-ಬಿಟ್ ಕರ್ವ್ಡ್ ಪೋಲೆಡ್ ಡಿಸ್‌ಪ್ಲೇ, 360Hz ಟಚ್ ಸ್ಯಾಂಪ್ಲಿಂಗ್ ರೇಟ್, 1600 ನಿಟ್ಸ್ ವರೆಗೆ ಬ್ರೈಟ್‌ನೆಸ್, ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ರಕ್ಷಣೆ.
• ರಿಫ್ರೆಶ್ ರೇಟ್‌: 120Hz ರಿಫ್ರೆಶ್ ದರ.
• ಪ್ರೊಸೆಸರ್: Adreno 619 GPU ಜೊತೆಗೆ Qualcomm Snapdragon 6s Gen 3 6nm 5G SoC ಪ್ರೊಸೆಸರ್.
• ಸ್ಟೋರೇಜ್: 8GB / 12GB LPDDR4x RAM, 128GB / 256GB (UFS 2.2) ಸ್ಟೋರೇಜ್.
• ಸಿಮ್: ಡ್ಯುಯಲ್ ಸಿಮ್ (ನ್ಯಾನೋ+ನ್ಯಾನೋ)
• OS: Android 14 ಜೊತೆಗೆ My UX
• ಕ್ಯಾಮೆರಾ: 1/1.95″ ಸೋನಿ LYT-600 ಸಂವೇದಕದೊಂದಿಗೆ 50MP ಹಿಂಬದಿಯ ಕ್ಯಾಮೆರಾ, f/1.8 ಅಪರ್ಚರ್, OIS, LED ಫ್ಲ್ಯಾಷ್, 8MP 118° ಅಲ್ಟ್ರಾ-ವೈಡ್/ಮ್ಯಾಕ್ರೋ ಕ್ಯಾಮೆರಾ ಜೊತೆಗೆ f/2.2 ಅಪರ್ಚರ್.
• ಫ್ರಂಟ್ ಕ್ಯಾಮೆರಾ: f/2.45 ಅಪರ್ಚರ್‌ನೊಂದಿಗೆ 32MP ಫ್ರಂಟ್ ಕ್ಯಾಮೆರಾ, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕ.
• ಆಡಿಯೋ: USB ಟೈಪ್-ಸಿ ಆಡಿಯೋ, ಸ್ಟೀರಿಯೋ ಸ್ಪೀಕರ್‌ಗಳು, ಡಾಲ್ಬಿ ಅಟ್ಮಾಸ್, ಡ್ಯುಯಲ್ ಮೈಕ್ರೊಫೋನ್‌ಗಳು.
• ಪ್ರೊಟೆಕ್ಷನ್: ನೀರು ನಿರೋಧಕ (IP52 ರೇಟಿಂಗ್).
• ಅಳತೆ: 161.91 x 74.06 x 7.59mm.
• ತೂಕ: 171 ಗ್ರಾಂ (Vegan Leather) / 173g (PMMA)
• ಬ್ಯಾಟರಿ: 5000mAh ಬ್ಯಾಟರಿ
• ಚಾರ್ಜಿಂಗ್: 30W ಟರ್ಬೋಚಾರ್ಜಿಂಗ್
• ಕನೆಕ್ಟಿವಿಟಿ ಆಯ್ಕೆಗಳು: 5G SA/NSA, ಡ್ಯುಯಲ್ 4G VoLTE, Wi-Fi 802.11 ac (2.4GHz + 5GHz), ಬ್ಲೂಟೂತ್ 5.1, GPS/ GLONASS/ Beidou, USB ಟೈಪ್-C