ಭಾರತದಲ್ಲಿ Motorola Razr 50 Ultra ಲಾಂಚ್; ಬೆಲೆ ಎಷ್ಟು? ಏನೆಲ್ಲಾ ಫೀಚರ್ಸ್‌ ಇರಲಿವೆ ಗೊತ್ತಾ?

Motorola Razr 50 Ultra ಭಾರತದಲ್ಲಿ ಗುರುವಾರ ಬಿಡುಗಡೆಯಾಗಿದೆ. Motorola Razr 50 Ultra ಇದು ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ 8s Gen 3 ಚಿಪ್‌ಸೆಟ್‌ನಲ್ಲಿ ರನ್ ಆಗಲಿದೆ ಮತ್ತು ನೀರಿನ ಪ್ರತಿರೋಧಕ್ಕಾಗಿ IPX8 ರೇಟಿಂಗ್ ಅನ್ನು ಹೊಂದಿದೆ. ಇದು ವೈರ್ಡ್ ಮತ್ತು ವೈರ್‌ಲೆಸ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,000mAh ಬ್ಯಾಟರಿಯನ್ನು ಹೊಂದಿದೆ. Motorola Razr 50 Ultra ಮೊಬೈಲ್‌ ಅನ್ನು ಆರಂಭದಲ್ಲಿ ಚೀನಾದಲ್ಲಿ ಪರಿಚಯಿಸಲಾಯಿತು ಮತ್ತು ಕಳೆದ ತಿಂಗಳು Razr 50 ಮಾದರಿಯ ಜಾಗತಿಕ ಮಾರುಕಟ್ಟೆಗಳಲ್ಲಿ ಕೂಡ ಬಿಡುಗಡೆ ಮಾಡಲಾಗಿದೆ.

ಭಾರತದಲ್ಲಿ Motorola Razr 50 Ultra ಬೆಲೆ, ಲಭ್ಯತೆ:

Motorola Razr 50 Ultra 12GB RAM + 512GB ಸ್ಟೋರೇಜ್ ರೂಪಾಂತರಕ್ಕೆ ರೂ. 99,999 ಬೆಲೆ ಹೊಂದಿದೆ. ಇದನ್ನು ಮಿಡ್‌ನೈಟ್ ಬ್ಲೂ, ಸ್ಪ್ರಿಂಗ್ ಗ್ರೀನ್ ಮತ್ತು ಪೀಚ್ ಫಜ್ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿರಲಿದೆ. ಇದು ಜುಲೈ 20 ರಿಂದ ಜುಲೈ 21 ರವರೆಗೆ ದೇಶದಲ್ಲಿ ನಡೆಯಲಿರುವ ಅಮೆಜಾನ್ ಪ್ರೈಮ್ ಡೇ 2024ರ ಮಾರಾಟದ ಸಮಯದಲ್ಲಿ ಮಾರಾಟ ಆರಂಭಿಸಲಿದೆ. ಇದು Motorola.in ಮತ್ತು ರಿಲಯನ್ಸ್ ಡಿಜಿಟಲ್ ಸೇರಿದಂತೆ ಪ್ರಮುಖ ಚಿಲ್ಲರೆ ಅಂಗಡಿಗಳ ಮೂಲಕವೂ ಖರೀದಿಗೆ ಲಭ್ಯವಿರುತ್ತದೆ.

ಕಂಪನಿಯು ಆರಂಭಿಕವಾಗಿ ವಿಶೇಷ ರಿಯಾಯಿತಿ ನೀಡಿದ್ದು 5,000 ರೂ. ವಿಶೇಷ ರಿಯಾಯಿತಿ ಪಡೆಯಬಹುದು ಇದರಿಂದಾಗಿ ಪರಿಣಾಮಕಾರಿ ಬೆಲೆಯನ್ನು ರೂ. 94, 999 ಕ್ಕೆ ಇಳಿಕೆ ಮಾಡುತ್ತದೆ. ಖರೀದಿದಾರರು ಆಯ್ದ ಬ್ಯಾಂಕ್ ಕಾರ್ಡ್‌ಗಳ ಮೂಲಕ ಮೊಬೈಲ್‌ ಖರೀದಿಸಿದರೆ 5,000 ರೂ. ಗಳ ತ್ವರಿತ ಬ್ಯಾಂಕ್ ರಿಯಾಯಿತಿ ಪಡೆಯಬಹುದು.

Motorola Razr 50 Ultra ವಿಶೇಷತೆಗಳು:

Motorola Razr 50 Ultra ಡ್ಯುಯಲ್ ಸಿಮ್ (ನ್ಯಾನೋ ಸಿಮ್ + e ಸಿಮ್) ಆಂಡ್ರಾಯ್ಡ್ 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 6.9 ಇಂಚಿನ ಪೂರ್ಣ HD+ (1,080x2,640 ಪಿಕ್ಸೆಲ್‌ಗಳು) LTPO ಪೋಲ್ಡ್ ಒಳಗಿನ ಡಿಸ್‌ಪ್ಲೇ ಜೊತೆಗೆ 165Hz ವರೆಗೆ ರಿಫ್ರೆಶ್ ರೇಟ್, 300Hz ವರೆಗೆ ಮಾದರಿ ದರ, ಮತ್ತು 413ppi ಪಿಕ್ಸೆಲ್ ಸಾಂದ್ರತೆ ಹೊಂದಿದೆ.

Razr 50 ಅಲ್ಟ್ರಾದಲ್ಲಿನ ಕವರ್ ಡಿಸ್‌ಪ್ಲೇಯು 4 ಇಂಚಿನ (1,080x1,272 ಪಿಕ್ಸೆಲ್‌ಗಳು) LTPO ಪೋಲ್ಡ್ ಪ್ಯಾನೆಲ್ ಅನ್ನು 165Hz ರಿಫ್ರೆಶ್ ರೇಟ್‌ನೊಂದಿಗೆ ಮತ್ತು HDR10+ ಬೆಂಬಲವನ್ನು ಹೊಂದಿದೆ. ಇದು ಮುಂಭಾಗದಲ್ಲಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ ರಕ್ಷಣೆ ಮತ್ತು ಹಿಂಭಾಗದಲ್ಲಿ ವೆಗಾನ್ ಲೆದರ್ ಲೇಪನವನ್ನು ಹೊಂದಿದೆ. ಫ್ರೇಮ್ ಅಲ್ಯೂಮಿನಿಯಂನಿಂದ ಮಾಡಲ್ಪಟ್ಟಿದೆ.

Motorola Razr 50 Ultra ಕ್ವಾಲ್‌ಕಾಮ್‌ನಿಂದ Snapdragon 8s Gen 3 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ, 12GB ವರೆಗಿನ LPDDR5X RAM ಮತ್ತು 512GB UFS 4.0 ಸಂಗ್ರಹಣೆಯೊಂದಿಗೆ ಜೋಡಿಸಲಾಗಿದೆ.

ಕ್ಯಾಮೆರಾ:

Motorola Razr 50 Ultra ಡ್ಯುಯಲ್ ಔಟರ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಸಜ್ಜುಗೊಂಡಿದೆ, ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಬೆಂಬಲದೊಂದಿಗೆ 50-ಮೆಗಾಪಿಕ್ಸೆಲ್ ಮುಖ್ಯ ಸಂವೇದಕ ಮತ್ತು 2x ಆಪ್ಟಿಕಲ್ ಜೂಮ್‌ನೊಂದಿಗೆ 50 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ.

ಫೋಲ್ಡಬಲ್ ಫೋನ್ ಒಳಗಿನ ಡಿಸ್‌ಪ್ಲೇ 32 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಸಹ ಹೊಂದಿದೆ. ಕ್ಯಾಮೆರಾ ಸೆಟಪ್ ವಿಭಿನ್ನ ಶೂಟಿಂಗ್ ಮೋಡ್‌ಗಳನ್ನು ಬೆಂಬಲಿಸುತ್ತದೆ ಮತ್ತು ಆಕ್ಷನ್ ಎಂಜಿನ್, ಸ್ವಯಂ ಸ್ಮೈಲ್ ಕ್ಯಾಪ್ಚರ್ ಮತ್ತು ಗೆಸ್ಚರ್ ಕ್ಯಾಪ್ಚರ್‌ನಂತಹ ವಿಭಿನ್ನ AI-ಚಾಲಿತ ಸಾಧನಗಳನ್ನು ಸಹ ಬೆಂಬಲಿಸುತ್ತದೆ ಎಂದು ಕಂಪನಿ ತಿಳಿಸಿದೆ.