ಪ್ರೀಮಿಯಂ ಕ್ಲಾಸ್ Motorola Signature: ಭಾರತದಲ್ಲಿ ಲಾಂಚ್ ಡೇಟ್, ಬೆಲೆ ಲೀಕ್!

ಇದೇ ತಿಂಗಳ ಆರಂಭದಲ್ಲಿ ನಡೆದ CES 2026 ವೇದಿಕೆಯಲ್ಲಿ ಮೊದಲ ಬಾರಿಗೆ ಪ್ರದರ್ಶನಗೊಂಡ Motorola Signature ಸ್ಮಾರ್ಟ್‌ಫೋನ್ ಇದೀಗ ಅತ್ಯಂತ ಕುತೂಹಲ ಹುಟ್ಟಿಸಿರುವ ಫ್ಲಾಗ್‌ಶಿಪ್ ಆಗಿದೆ. ಮೊಟೊರೊಲಾ ಮೊದಲ ಬಾರಿಗೆ ಈ Motorola Signature ಸರಣಿಗೆ ಚಾಲನೆ ನೀಡಿದ್ದು, ಈ ಪ್ರೀಮಿಯಂ ಫೋನ್ ಶೀಘ್ರದಲ್ಲೇ ಭಾರತದಲ್ಲಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ ಎಂಬುದಕ್ಕೆ ಸ್ಪಷ್ಟ ಸೂಚನೆಗಳು ಲಭ್ಯವಾಗಿವೆ. ಇತ್ತೀಚೆಗೆ ಫ್ಲಿಪ್‌ಕಾರ್ಟ್‌ನಲ್ಲಿ ಲೈವ್ ಆದ ವಿಶೇಷ ಪೇಜ್, Motorola Signature ಶೀಘ್ರದಲ್ಲೇ ಲಭ್ಯವಾಗಲಿದೆ ಎಂಬ ನಿರೀಕ್ಷೆಯನ್ನು ಮತ್ತಷ್ಟು ಬಲಪಡಿಸಿದೆ.

X ನಲ್ಲಿ ಪೋಸ್ಟ್‌ನಲ್ಲಿ, ಟಿಪ್‌ಸ್ಟರ್ ಸಂಜು ಚೌಧರಿ ಮುಂಬರುವ ಮೊಟೊರೊಲಾ ಸಿಗ್ನೇಚರ್‌ನ ವಿವರಗಳನ್ನು ಸೋರಿಕೆ ಮಾಡಿ, ಜನವರಿ 23 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಿಕೊಂಡಿದ್ದಾರೆ. ಇದಲ್ಲದೆ, 16GB RAM ಮತ್ತು 1TB ಆಂತರಿಕ ಸಂಗ್ರಹಣೆಯನ್ನು ಹೊಂದಿರುವ Signature ಮಾದರಿ ಸ್ಮಾರ್ಟ್‌ಫೋನ್‌ನ ಬಾಕ್ಸ್ ಬೆಲೆ ರೂ. 84,999 ಎಂದು ನಿಗದಿಪಡಿಸಲಾಗುವುದು ಎಂದು ಲೀಕರ್ ಹೇಳಿಕೊಂಡಿದ್ದಾರೆ. ಸಾಮಾನ್ಯವಾಗಿ ಬಾಕ್ಸ್ ಬೆಲೆಗಳು ಅಧಿಕೃತ ಮಾರಾಟ ಬೆಲೆಗಿಂತ ಹೆಚ್ಚಾಗಿರುವುದರಿಂದ, ಗ್ರಾಹಕರಿಗೆ ಸ್ವಲ್ಪ ಕಡಿಮೆ ದರದಲ್ಲಿ ಈ ಫೋನ್ ಲಭ್ಯವಾಗುವ ನಿರೀಕ್ಷೆಯಿದೆ.

ಫ್ಲಿಪ್‌ಕಾರ್ಟ್‌ನಲ್ಲಿ Motorola Signature ಗಾಗಿ ಮೀಸಲಾದ ಮೈಕ್ರೋಸೈಟ್ ಲೈವ್ ಆಗಿದ್ದು, ಅಲ್ಯೂಮಿನಿಯಂ ಫ್ರೇಮ್ ಅನ್ನು ಹೊಂದಿರುವ ಈ ಫೋನ್ 6.99 ಮಿಮೀ ದಪ್ಪವಾಗಿದೆ ಮತ್ತು ಸುಮಾರು 186 ಗ್ರಾಂ ತೂಕವಿದೆ. ಇದನ್ನು ಮಾರ್ಟಿನಿ ಆಲಿವ್ ಮತ್ತು ಕಾರ್ಬನ್ ಎಂದು ಕರೆಯಲ್ಪಡುವ ಎರಡು ಪ್ಯಾಂಟೋನ್-ಕ್ಯುರೇಟೆಡ್ ಬಣ್ಣಗಳಲ್ಲಿ ತರಲಾಗುವುದು ಎಂದು ಟೀಸ್ ಮಾಡಲಾಗಿದೆ. ಇದು 3.5x ಆಪ್ಟಿಕಲ್ ಜೂಮ್ ಸಾಮರ್ಥ್ಯಗಳನ್ನು ನೀಡುವ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ. ಮತ್ತು ಹಿಂಭಾಗದಲ್ಲಿ 50-ಮೆಗಾಪಿಕ್ಸೆಲ್ ಸೋನಿ LYT-828 ಕ್ಯಾಮೆರಾ ಇದೆ.

Motorola Signature ಸ್ಮಾರ್ಟ್‌ಫೋನ್ ಚಿಪ್‌ಸೆಟ್ ಮತ್ತು ಬ್ಯಾಟರಿ ಸಾಮರ್ಥ್ಯ ಸೇರಿದಂತೆ ಇತರ ವಿವರಗಳು ಮುಂಬರುವ ದಿನಗಳಲ್ಲಿ ಬಹಿರಂಗಗೊಳ್ಳುವ ನಿರೀಕ್ಷೆಯಿದೆ. ಆನ್‌ಲೈನ್‌ನಲ್ಲಿ ಹರಿದಾಡುತ್ತಿರುವ ಲೀಕ್ ಮಾಹಿತಿಯ ಪ್ರಕಾರ, ಜಾಗತಿಕವಾಗಿ ಬಿಡುಗಡೆಯಾಗಿರುವ Motorola Signature ಫೋನಿನ ಅದೇ ವೈಶಿಷ್ಟ್ಯಗಳೊಂದಿಗೆಯೇ ಭಾರತೀಯ ಮಾದರಿಯು ಸಹ ಬಿಡುಗಡೆಯಾಗಲಿದೆ. ಇದೇ Motorola Signature ಭಾರತದಲ್ಲಿ ಬಿಡುಗಡೆಯಾದರೆ, ಇದು ಪ್ರೀಮಿಯಂ ಸ್ಮಾರ್ಟ್‌ಫೋನ್ ಸೆಗ್ಮೆಂಟ್‌ನಲ್ಲಿ ಹೊಸ ಮಾನದಂಡವನ್ನು ಸ್ಥಾಪಿಸುವ ಸಾಧ್ಯತೆ ಇದೆ. ಏಕೆಂದರೆ, ಈ ಫೋನ್ ಅಂತಹ ಫೀಚರ್ಸ್ ಹೊಂದಿದೆ.

ಡಿಸ್‌ಪ್ಲೇ ಮತ್ತು ಕಾರ್ಯಕ್ಷಮತೆಯ ವಿಷಯಕ್ಕೆ ಬಂದರೆ, ಜಾಗತಿಕ ವೇರಿಯಂಟ್‌ Motorola Signature ಫೋನಿನಲ್ಲಿ 6.8 ಇಂಚಿನ LTPO AMOLED Super HD ಡಿಸ್‌ಪ್ಲೇ ನೀಡಲಾಗಿದ್ದು, ಇದು 165Hz ರಿಫ್ರೆಶ್ ರೇಟ್, 450ppi ಪಿಕ್ಸೆಲ್ ಡೆನ್ಸಿಟಿ ಮತ್ತು ಗರಿಷ್ಠ 6,200 ನಿಟ್ಸ್ ಬ್ರೈಟ್‌ನೆಸ್ ಬೆಂಬಲಿಸುತ್ತದೆ. ಈ ಸ್ಮಾರ್ಟ್‌ಫೋನ್ Android 16 ಆಧಾರಿತ Hello UI ಮೇಲೆ ಕಾರ್ಯನಿರ್ವಹಿಸುತ್ತದೆ. ಪ್ರೊಸೆಸರ್ ಆಗಿ Qualcomm Snapdragon 8 Gen 5 (3nm) ಚಿಪ್‌ಸೆಟ್ ಬಳಸಲಾಗಿದ್ದು, ಇದು ಫ್ಲಾಗ್‌ಶಿಪ್ ವೇಗವಾದ ಮತ್ತು ಸ್ಥಿರ ಕಾರ್ಯಕ್ಷಮತೆಯನ್ನು ನೀಡುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ Motorola Signature ಫ್ಲ್ಯಾಗ್‌ಶಿಪ್ ಮಟ್ಟದ ಅನುಭವವನ್ನು ನೀಡುತ್ತದೆ. ಇದರ ಹಿಂಭಾಗದಲ್ಲಿ 50MP ಮುಖ್ಯ ಕ್ಯಾಮೆರಾ, 50MP ಅಲ್ಟ್ರಾವೈಡ್ ಲೆನ್ಸ್ ಮತ್ತು 50MP ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾ ಒಳಗೊಂಡ ಟ್ರಿಪಲ್ ಸೆಟಪ್ ಇದೆ. ಬ್ಯಾಟರಿಗಾಗಿ 5,200mAh ಸಿಲಿಕಾನ್ ಕಾರ್ಬನ್ ಬ್ಯಾಟರಿ ನೀಡಲಾಗಿದ್ದು, ಇದು 90W ವೈರ್ಡ್ ಮತ್ತು 50W ವೈರ್‌ಲೆಸ್ ಫಾಸ್ಟ್ ಚಾರ್ಜಿಂಗ್ ಬೆಂಬಲಿಸುತ್ತದೆ. ಒಟ್ಟಾರೆತಾಗಿ, ಶಕ್ತಿಶಾಲಿ ಪ್ರೊಸೆಸರ್, ಅತ್ಯಾಧುನಿಕ ಕ್ಯಾಮೆರಾ ತಂತ್ರಜ್ಞಾನ ಮತ್ತು ಪ್ರೀಮಿಯಂ ಡಿಸೈನ್ ಜೊತೆಗೆ, ಈ ಫೋನ್ ಟೆಕ್ ಪ್ರಿಯರ ಗಮನ ಸೆಳೆಯುವುದು ಖಚಿತ.