ಫೋಟೊಗ್ರಫಿಗೂ ಸೈ ಈ ನೂತನ ಮೊಟೊರೊಲಾ ಮೊಬೈಲ್

ಮೊಟೊರೊಲಾ ಕಂಪನಿ ಗ್ರಾಹಕರಿಗೆಂದು ದಿನೇ ದಿನೇ ವಿಶೇಷ ಶೈಲಿಯ ಮೊಬೈಲ್ ಗಳನ್ನು ಹೊರತರುತ್ತಲೇ ಇದೆ. ಈಗ ಮತ್ತೊಂದು ಆಂಡ್ರಾಯ್ಡ್ ಬೆಂಬಲಿತ ಮೊಟೊರೊಲಾ XT928 ಎಂಬ ಮೊಬೈಲನ್ನು ಬಿಡುಗಡೆಗೊಳಿಸುವುದಾಗಿ ಕಂಪನಿ ಘೋಷಿಸಿದೆ.

ಸ್ಮಾರ್ಟ್ ಆಗಿರುವ ಈ ಹ್ಯಾಂಡ್ ಸೆಟ್ ಇನ್ನೇನು ಕೆಲವೇ ದಿನಗಳಲ್ಲಿ ಮೊಬೈಲ್ ಸ್ಟೋರ್ ಗಳಿಗೆ ಕಾಲಿಡಲಿದೆ. ವಿಸ್ತಾರವಾದ ಸ್ಕ್ರೀನ್ ಮತ್ತು ಕಟಿಂಗ್ ಎಡ್ಜ್ ಗಳಿಂದ ಅತ್ಯುನ್ನತ ವಿನ್ಯಾಸ ಪಡೆದುಕೊಂಡಿರುವ ಈ ಮೊಬೈಲ್ ನೋಕಿಯಾ N73 ಮಾದರಿಯನ್ನು ಹೋಲುತ್ತದೆ.

2.3 ಆಯಾಮದ ಆಂಡ್ರಾಯ್ಡ್ ಆಪರೇಟಿಂಗ್ ಸಿಸ್ಟಮ್ ಹೊಂದಿರುವ ಈ ಮೊಬೈಲ್ 1.2 GHz ಡ್ಯೂಯಲ್ ಕೋರ್ ಪ್ರೊಸೆಸರ್ ಬಳಸಿಕೊಳ್ಳಲಿದೆ. ಅತ್ಯುನ್ನತ ಮಟ್ಟದ 13 ಮೆಗಾ ಪಿಕ್ಸಲ್ ಕ್ಯಾಮೆರಾ ಹೊಂದಿರುವುದು ಈ ಮೊಬೈಲಿನ ಆಕರ್ಷಣೆಯೆಂದೂ ಹೇಳಬಹುದು.

ಮೊಟೊರೊಲಾ XT928 ಮೊಬೈಲ್ ವಿಶೇಷತೆ:

* 4.5 ಇಂಚಿನ ಡಿಸ್ಪ್ಲೇ, 1280 x 720 ಪಿಕ್ಸಲ್ ರೆಸೊಲ್ಯೂಷನ್

* ಟಚ್ ಸೌಲಭ್ಯ

* 13 ಮೆಗಾ ಪಿಕ್ಸಲ್ ಕ್ಯಾಮೆರಾ

* ಸೆಕೆಂಡರಿ ಕ್ಯಾಮೆರಾ

* ವೈ-ಫೈ, ಬ್ಲೂಟೂಥ್, USB ಸೌಲಭ್ಯ

* 16 ಜಿಬಿ ಆಂತರಿಕ ಮೆಮೊರಿ ಸಾಮರ್ಥ್ಯ

* 32 ಜಿಬಿವರೆಗೂ ಮೆಮೊರಿ ವಿಸ್ತರಣೆಗೆ ಅವಕಾಶ

* 3.5 ಎಂಎಂ ಆಡಿಯೋ ಜ್ಯಾಕ್

ಮನರಂಜನೆ ಮತ್ತು ಸಾಮಾಜಿಕ ತಾಣಗಳ ಆಯ್ಕೆಗೆ ಹ್ಯಾಂಡ್ ಸೆಟ್ ನಲ್ಲಿ ಅವಕಾಶವಿದೆ. ಮಲ್ಟಿ ಫಾರ್ಮೆಟ್ ವಿಡಿಯೋ ಮತ್ತು ಆಡಿಯೋ ಪ್ಲೇಯರ್ ಕೂಡಇದರಲ್ಲಿದೆ. ಒಳ್ಳೆಯ ಬ್ಯಾಟರಿ ಹೊಂದಿರುವ ಈ ಮೊಬೈಲ್ ಬೆಲೆಯನ್ನು ಕಂಪನಿ ಇನ್ನು ಕೆಲವೇ ದಿನಗಳಲ್ಲಿ ಘೋಷಿಸಲಿದೆ.