ನೋಕಿಯಾದಿಂದ ಸದ್ದಿಲ್ಲದೇ ಮೂರು ಸ್ಮಾರ್ಟ್‌ಫೋನ್ ಲಾಂಚ್: ಬೆಸ್ಟ್‌ ಫೀಚರ್ಸ್, ಬೆಸ್ಟ್‌ ಬೆಲೆ..!

ನೋಕಿಯಾ 2.1 ಸ್ಮಾರ್ಟ್‌ಫೋನ್‌:

ನೋಕಿಯಾ 2.1 ಸ್ಮಾರ್ಟ್‌ಫೋನಿನಲ್ಲಿ 5.5 ಇಂಚಿನ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಇದು 16:9 ಅನುಪಾತದ ಡಿಸ್‌ಪ್ಲೇಯಾಗಿದೆ. ಆಂಡ್ರಾಯ್ಡ್ ಒರಿಯೋ (ಗೋ ಆವೃತ್ತಿ)ಯಲ್ಲಿ ಈ ಸ್ಮಾರ್ಟ್‌ಫೋನ್ ಕಾರ್ಯನಿರ್ವಹಿಸಲಿದೆ. ಸ್ನಾಪ್‌ಡ್ರಾಗನ್ 425 ಪ್ರೋಸೆಸರ್, 1 GB RAM ಮತ್ತು 8 GB ಇಂಟರ್ನಲ್ ಮೆಮೊರಿಯೊಂದಿಗೆ ದೊರೆಯಲಿದೆ. ಇದಲ್ಲದೇ 4000mAh ಬ್ಯಾಟರಿಯನ್ನು ಇದರಲ್ಲಿ ಕಾಣಬಹುದಾಗಿದೆ. ಮೆಮೊರಿ ಕಾರ್ಡ್ ಮೂಲಕ 12 8GB ವರೆಗೂ ಮೆಮೊರಿ ವಿಸ್ತರಿಸಿಕೊಳ್ಳುವ ಅವಕಾಶವು ಲಭ್ಯವಿದೆ. ಹಿಂಭಾಗದಲ್ಲಿ 8 MP ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 5 MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್‌ಫೋನ್ ರೂ.6,999ಕ್ಕೆ ಲಭ್ಯವಿದೆ.

ನೋಕಿಯಾ 5.1 ಸ್ಮಾರ್ಟ್‌ಫೋನ್:

ನೋಕಿಯಾ 5.1 ಸ್ಮಾರ್ಟ್‌ಫೋನ್ 5.5 ಇಂಚಿನ FHD + ಗುಣಮಟ್ಟದ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 18:9 ಅಸುಪಾತದ ಕೂಡಿದೆ ಜೊತೆಗೆ ಗೊರಿಲ್ಲಾ ಗ್ಲಾಸ್ 3 ಸುರಕ್ಷತೆಯನ್ನು ನೀಡಲಾಗಿದೆ. ಮಿಡಿಯಾ ಟೆಕ್ MT6755S ಪ್ರೋಸೆಸರ್ ಜೊತೆಯಲ್ಲಿ 3GB RAM ಮತ್ತು 32 GB ಇಂಟರ್ನಲ್ ಮೆಮೊರಿಯನ್ನು ನೋಡಬಹುದಾಗಿದೆ. ಅಲ್ಲದೇ 3000mAh ಬ್ಯಾಟರಿ ಇದರಲ್ಲಿದೆ. ಇದಲ್ಲದೇ ಹಿಂಭಾಗದಲ್ಲಿ 16 MP ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 8 MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ರೂ.14499ಕ್ಕೆ ನೋಕಿಯಾ 5.1 ಸ್ಮಾರ್ಟ್‌ಫೋನ್ ದೊರೆಯುತ್ತಿದೆ.

ನೋಕಿಯಾ 3.1 ಸ್ಮಾರ್ಟ್‌ಫೋನ್:

ಈಗಾಗಲೇ ಮಾರುಕಟ್ಟೆಯಲ್ಲಿ ನೋಕಿಯಾ 3.1 ಸ್ಮಾರ್ಟ್‌ಫೋನ್ ಲಾಂಚ್ ಆಗಿದ್ದು, ಈ ಬಾರಿ ಇದಕ್ಕೆ ಹೊಸ ಆವೃತ್ತಿಯ ಸೇರ್ಪಡೆಗೊಳಿಸಲಾಗಿದೆ. 3GB RAM ಮತ್ತು 32 GB ಇಂಟರ್ನಲ್ ಮೆಮೊರಿಯೊಂದಿಗೆ ಹೊಸದಾಗಿ ದೊರೆಯುತ್ತಿರುವ ನೋಕಿಯಾ 3.1 ಸ್ಮಾರ್ಟ್‌ಫೋನ್ ರೂ.11,999ಕ್ಕೆ ಮಾರಾಟವಾಗಲಿದೆ.

ಪೇಟಿಎಂ ಮಾಲ್‌ನಲ್ಲಿ:

ನೋಕಿಯಾ 2.1, ನೋಕಿಯಾ 3.1 ಮತ್ತು ನೋಕಿಯಾ 5.1 ಸ್ಮಾರ್ಟ್‌ಫೋನ್‌ಗಳು ಆಗಸ್ಟ್ 12 ರಿಂದ ಪೇಟಿಎಂ ಮಾಲ್‌ನಲ್ಲಿ ಮಾರಾಟವಾಗಲಿದೆ. ಇದರೊಂದಿಗೆ ನೋಕಿಯಾ ಆನ್‌ಲೈನ್‌ ಸ್ಟೋರಿನಲ್ಲಿಯೂ ಈ ಸ್ಮಾರ್ಟ್‌ಫೋನ್‌ಗಳನ್ನು ಖರೀದಿ ಮಾಡಬಹುದಾಗಿದೆ.

ಆಫರ್:

ಇದಲ್ಲದೇ ಪೇಟಿಎಂ ಮಾಲ್‌ನಲ್ಲಿ ಈ ಸ್ಮಾರ್ಟ್‌ಫೋನ್‌ಗಳನ್ನು ಖರೀದಿ ಮಾಡುವವರಿಗೆ 10% ಕ್ಯಾಷ್ ಬ್ಯಾಕ್ ಸಹ ದೊರೆಯಲಿದೆ ಎನ್ನಲಾಗಿದೆ. ಇದಲ್ಲದೇ ವೊಡಾಫೋನ್ ಮತ್ತು ಐಡಿಯಾ ಕಂಪನಿಗಳು ನೋಕಿಯಾ 2.1, ನೋಕಿಯಾ 3.1 ಮತ್ತು ನೋಕಿಯಾ 5.1 ಸ್ಮಾರ್ಟ್‌ಫೋನ್ ಖರೀದಿಸಿದವರಿಗೆ ಡೇಟಾ ಆಫರ್ ಅನ್ನು ನೀಡುತ್ತಿವೆ. ICICI ಕಾರ್ಡುದಾರರಿಗೆ ಹೆಚ್ಚುವರಿ 5% ಕ್ಯಾಷ್ ಬ್ಯಾಕ್ ಇದೆ.