ಇಂದಿನಿಂದ ನೋಕಿಯಾ ಮಾರಾಟ ಆರಂಭ: ಆಫ್‌ಲೈನ್‌ನಲ್ಲಿ ಮಾತ್ರ ಫೋನ್ ಲಭ್ಯ..!!

ಸದ್ಯ ನೋಕಿಯಾ 3310 ಮಾತ್ರ ಲಭ್ಯ:

ಸದ್ಯ ಆಫ್ ಲೈನ್ ಮಾರುಕಟ್ಟೆಯಲ್ಲಿ ಇಂದಿನಿಂದ ನೋಕಿಯಾ 3310 ಮಾತ್ರ ಲಭ್ಯವಿರಲಿದ್ದು, ಇದಾದ ನಂತರದಲ್ಲಿ ಜೂನ್ ಆರಂಭದಲ್ಲಿ ನೋಕಿಯಾ 6, ನೋಕಿಯಾ ಮತ್ತು ನೋಕಿಯಾ 5 ಸ್ಮಾರ್ಟ್‌ಫೋನ್‌ಗಳು ಲಭ್ಯವಿರಲಿದೆ ಎಂದು ನೋಕಿಯಾ ಫೋನ್ ಮಾರಾಟದ ಹಕ್ಕು ಪಡೆದಿರುವ HMD ಗ್ಲೂಬಲ್ ಸಂಸ್ಥೆಯೂ ತಿಳಿಸಿದೆ.

ನೋಕಿಯಾ 3310 ಬೆಲೆ:

ಭಾರತದಲ್ಲಿ ಮತ್ತೇ ನೋಕಿಯಾ ತನ್ನ ಶಕೆಯನ್ನು ಆರಂಭಿಸಲು ಮುಂದಾಗಿದೆ. ಈ ಹಿನ್ನಲೆಯಲ್ಲಿ ಮೊದಲ ಹಂತವಾಗಿ ಆಪ್‌ಲೈನ್ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದ್ದು, ನೋಕಿಯಾ 3310 ಫೀಚರ್ ಫೋನಿನ ಬೆಲೆ ರೂ. 3310 ಗಳಾಗಲಿದೆ.

ನೋಕಿಯಾ 3310 ವಿಶೇಷತೆಗಳು:

ಹಿಂದೆ ಭಾರತೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡಿದ್ದ ನೋಕಿಯಾ 3310 ಫೀಚರ್ ಫೋನನ್ನು ಮತ್ತೇ ರಿಲಾಂಚ್ ಮಾಡುತ್ತಿದ್ದು, ಹೊಸ ಫೋನಿನಲ್ಲಿ ಹಳೇ ಫೋನಿಗಿಂತ ಹೆಚ್ಚಿನ ಆಯ್ಕೆಗಳನ್ನು ಒಳಗೊಂಡಿದೆ ಎನ್ನಲಾಗಿದೆ. ಇದರಲ್ಲಿ 2.4 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ನೋಕಿಯಾ ಸುಪರ್ 30+ ಓಎಸ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಒಂದು ತಿಂಗಳ ಬ್ಯಾಟರಿ ಬ್ಯಾಕಪ್ ಹೊಂದಿದೆ.

ನೋಕಿಯಾ 3310ದಲ್ಲಿದೆ ಕ್ಯಾಮೆರಾ:

ನೋಕಿಯಾ 3310 ಪೋನಿನಲ್ಲಿ ಕ್ಯಾಮೆರಾ ಅಳವಡಿಸಲಾಗಿದೆ. 2 MP ಕ್ಯಾಮೆರಾವನ್ನು ನೀಡಲಾಗಿದೆ. ಜೊತೆಗೆ LED ಫ್ಲಾಷ್ ಸಹ ಇದರಲ್ಲಿದೆ. ಅಲ್ಲದೇ ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಅವಕಾಶವನ್ನು ಮಾಡಿಕೊಟ್ಟಿದೆ. ಅಲ್ಲದೇ ಒಂದು ತಿಂಗಳ ಬ್ಯಾಟರಿ ಬ್ಯಾಕಪ್ ಹೊಂದಿದೆ ಎನ್ನಲಾಗಿದೆ. ಇದು ವಿವಿಧ ಬಣ್ಣಗಳಲ್ಲಿ ಲಭ್ಯವಿದೆ.