13,999 ಸಾವಿರದ ಈ ನೋಕಿಯಾ ಫೋನಿನಲ್ಲಿದೆ ನೋಚ್ ಡಿಸ್‌ಪ್ಲೇ!!

ನೋಕಿಯಾ ನಂಬರ್ ಗೇಮ್!!

ನೋಕಿಯಾ 5, ನೋಕಿಯಾ 3, ಮತ್ತು ನೋಕಿಯಾ 2 ಯಶಸ್ಸನ್ನು ಹೆಚ್ಚು ಮಾಡಿಕೊಳ್ಳಲು ಹೆಚ್‌ಎಮ್‌ಡಿ ಗ್ಲೋಬಲ್ ಸಂಸ್ಥೆ ಇದೀಗ ನೋಕಿಯಾ 5.1, ನೋಕಿಯಾ 3.1, ಮತ್ತು ನೋಕಿಯಾ 2.1 ಹೆಸರಿನಲ್ಲಿ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಿದೆ. ಮೊದಲಿನ ಸ್ಮಾರ್ಟ್‌ಫೋನ್‌ಗಳಿಗಿಂತ ಈ ಸ್ಮಾರ್ಟ್‌ಫೋನ್‌ಗಳ ಬೆಲೆ ಕಡಿಮೆ ಇರುವುದನ್ನು ಹೆಚ್‌ಎಮ್‌ಡಿ ಸ್ಪಷ್ಟಪಡಿಸಿದೆ.

ಫೋನ್‌ಗಳ ಬಿಡುಗಡೆ ಯಾವಾಗ?

ಹೆಚ್‌ಎಮ್‌ಡಿ ಗ್ಲೋಬಲ್ ಸಂಸ್ಥೆ ಹೊಸದಾಗಿ ಬಿಡುಗಡೆ ಮಾಡುತ್ತಿರುವ ನೋಕಿಯಾ 5.1, ನೋಕಿಯಾ 3.1, ಮತ್ತು ನೋಕಿಯಾ 2.1 ಮೂರು ಸ್ಮಾರ್ಟ್‌ಫೋನ್‌ಗಳು ಇದೇ ಜುಲೈ ತಿಂಗಳಿನಲ್ಲಿ ಮಾರುಕಟ್ಟೆಗೆ ಎಂಟ್ರಿ ನೀಡುತ್ತಿವೆ. ಹೆಚ್‌ಎಮ್‌ಡಿ ಗ್ಲೋಬಲ್ ಸಂಸ್ಥೆ ಜುಲೈ ತಿಂಗಳಿನಲ್ಲಿ ಈ ಮೂರು ಸ್ಮಾರ್ಟ್‌ಫೋನ್‌ಗಳನ್ನು ಕಡಿಮೆ ಬೆಲೆಗೆ ಮಾರಾಟ ಮಾಡುವುದಾಗಿ ತಿಳಿಸಿದೆ.

ನೋಕಿಯಾ 5.1!

ನೋಕಿಯಾ 5.1 ಸ್ಮಾರ್ಟ್‌ಫೋನಿನಲ್ಲಿ ನೋಚ್ ವಿನ್ಯಾಸದಲ್ಲಿರುವ 18: 9 ಆಕಾರ ಅನುಪಾತ ಫುಲ್‌ ಹೆಚ್‌ಡಿ + (1,080 x 2,160 ಪಿಕ್ಸೆಲ್) ಡಿಸ್‌ಪ್ಲೇನ್ನು ನೀಡಲಾಗಿದೆ. 2.5 ಡಿ ಗೊರಿಲ್ಲಾ ಗ್ಲಾಸ್, ಡ್ಯುಯಲ್ ರಿಯರ್ ಹಾಗೂ 8 MP ಸೆಲ್ಫಿ ಕ್ಯಾಮರಾ, 2,970 mAh ಬ್ಯಾಟರಿ, 3 ಜಿಬಿ RAM / 32 ಜಿಬಿ ಮೆಮೊರಿಯನ್ನು ಹೊಂದಿರುವ ನೋಕಿಯಾ 5.1 ಸ್ಮಾರ್ಟ್‌ಫೋನ್ 13,999 ಸಾವಿರ ರೂ. ಬೆಲೆಯನ್ನು ಹೊಂದಿರಲಿದೆ ಎನ್ನಲಾಗಿದೆ.

ನೋಕಿಯಾ 3.1

ನೋಕಿಯಾದ ಅತ್ಯಂತ ಯಶಸ್ವಿ ಸ್ಮಾರ್ಟ್‌ಫೋನ್ ನೋಕಿಯಾ 3 ಮಾದರಿಯು ಹಲವಾರು ಸುಧಾರಣೆಗಳೊಂದಿಗೆ ನೋಕಿಯಾ 3.1 ಸ್ಮಾರ್ಟ್‌ಫೋನ್ ಪ್ರವೇಶಿಸುತ್ತಿವೆ. 18: 9 ಅನುಪಾತದಲ್ಲಿ 5.2 ಇಂಚಿನ ಹೆಚ್‌ಡಿ ಪ್ಲಸ್ ಡಿಸ್‌ಪ್ಲೇ, ಒಕ್ಟಾ ಕೋರ್ ಚಿಪ್‌ಸೆಟ್, 2 ಜಿಬಿ / 3 ಜಿಬಿ RAM, 16 ಜಿಬಿ / 32 ಜಿಬಿ ಮೆಮೊರಿ, 13 ಎಂಪಿ ರಿಯರ್ ಕ್ಯಾಮೆರಾ, ನೋಕಿಯಾ 3 (2018) , ಆಂಡ್ರಾಯ್ಡ್ 8.1 ಓರಿಯೊ ಮತ್ತು 2,990mAh ಬ್ಯಾಟರಿ ಶಕ್ತಿಯನ್ನು ಹೊಂದಿರುವ ನೋಕಿಯಾ 3.1 ಸ್ಮಾರ್ಟ್‌ಫೋನ್ 9,000 ರೂಪಾಯಿ ಬೆಲೆಯನ್ನು ಹೊಂದಿರಲಿದೆ ಎನ್ನಲಾಗಿದೆ.

How to Send Message to Multiple Contacts on WhatsApp - GIZBOT KANNADA

ನೋಕಿಯಾ 2.1!

ನೋಕಿಯಾ 5.1, ನೋಕಿಯಾ 3.1 ಸ್ಮಾರ್ಟ್‌ಫೋನ್‌ಗಳ ಜೊತೆಯಲ್ಲಿ ಆಂಡ್ರಾಯ್ಡ್ ಓರಿಯೊ ಗೋ ಆವೃತ್ತಿಯ ನೋಕಿಯಾ 2.1 ಸ್ಮಾರ್ಟ್‌ಫೋನ್ ಕೂಡ ಬಿಡುಗಡೆಯಾಗುತ್ತಿದೆ. 5.5 ಇಂಚಿನ ಹೆಚ್‌ ಡಿಸ್‌ಪ್ಲೇ, ಸ್ನಾಪ್ಡ್ರಾಗನ್ 425 ಚಿಪ್‌ಸೆಟ್, 1 ಜಿಬಿ RAM, 8 ಜಿಬಿ ಶೇಖರಣಾ (4.7 ಜಿಬಿ ಲಭ್ಯವಿದೆ), ಮೈಕ್ರೊ ಎಸ್‌ಡಿ ಸ್ಲಾಟ್ ಮತ್ತು 4,000mAh ಬ್ಯಾಟರಿಯೊಂದಿಗೆ ಬಿಡುಗಡೆಯಾಗುತ್ತಿರುವ ನೋಕಿಯಾ 2.1 ಬೆಲೆ 7,೦೦೦ ಸಾವಿರ ರೂಪಾಯಿಗಳಾಗಿರಲಿದೆ ಎನ್ನಲಾಗಿದೆ.