ಭಾರತದಲ್ಲಿ ಇಂದಿನಿಂದ 'ನೋಕಿಯಾ 7 ಪ್ಲಸ್' ಮಾರಾಟ ಆರಂಭ!..ಬೆಲೆ ಮತ್ತು ವಿಶೇಷತೆಗಳು!!

By Bhaskar N J

Updated: Monday, April 30, 2018, 12:19 [IST]

ಭಾರತದ ಮೊಬೈಲ್ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ ನೋಕಿಯಾ 8 ಸಿರೊಕ್ಕಾ ಮತ್ತು ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್‌ಗಳ ಮಾರಾಟ ಇಂದಿನಿಂದ ಆರಂಭವಾಗಿದೆ. ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್ ನೋಕಿಯಾ.ಕಾಮ್ ಹಾಗೂ ಅಮೇಜಾನ್‌ನಲ್ಲಿ ಮಾರಟಕ್ಕಿದ್ದು, ನೋಕಿಯಾ 8 ಸಿರೊಕ್ಕಾ ಸ್ಮಾರ್ಟ್‌ಪೋನ್ ಅನ್ನು ನೋಕಿಯಾ.ಕಾಮ್ ಹಾಗೂ ಪ್ಲಿಪ್‌ಕಾರ್ಟ್‌ನಲ್ಲಿ ಮಾರಾಟಕ್ಕಿದೆ.

ಮಾರುಕಟ್ಟೆಯಲ್ಲಿ ಈಗಾಗಲೇ ಟ್ರೆಂಡ್ ಸೃಷ್ಟಿಸಿರುವ ಎರಡೂ ಸ್ಮಾರ್ಟ್‌ಪೋನ್‌ಗಳ ಮೇಲೆ ಮಾರಾಟದ ಕೊಡುಗೆಯಾಗಿ ನೋಕಿಯಾ ಸಂಸ್ಥೆ ನೋಕಿಯಾ 8 ಸಿರೊಕ್ಕಾ, ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್‌ಗಳನ್ನು ಖರೀದಿಸುವವರಿಗೆ ಆಕರ್ಷಕ ಲಾಂಚ್ ಆಫರ್ಗಳನ್ನು ನೀಡಿದೆ. ಶೇ.10 ರಷ್ಟು ಕ್ಯಾಶ್ ಬ್ಯಾಕ್, 120 ಜಿಬಿ ಏರ್ಟೆಲ್ 4ಜಿ ಹೆಚ್ಚುವರಿ ಡೇಟಾ, 12 ತಿಂಗಳ ವರೆಗೆ ವಿಮೆ ಸೌಲಭ್ಯಗಳನ್ನು ಮೊಬೈಲ್ ಖರೀದಿದಾರರು ಪಡೆಯಬಹುದಾಗಿದೆ.!

ಭಾರತದಲ್ಲಿ ಇಂದಿನಿಂದ 'ನೋಕಿಯಾ 7 ಪ್ಲಸ್' ಮಾರಾಟ ಆರಂಭ!..ಬೆಲೆ ಮತ್ತು ವಿಶೇಷತೆಗಳು

6 ಇಂಚಿನ ಬಿಗ್ ಸ್ಕ್ರೀನ್, ಸ್ನ್ಯಾಪ್‌ಡ್ರಾಗನ್ 660 ಪ್ರೊಸೆಸರ್ ಹಾಗೂ 16ಎಂಪಿ ಸೆಲ್ಫಿ ಕ್ಯಾಮೆರಾದಂತಹ ಫೀಚರ್ಸ್ ಹೊಂದಿರುವ ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್ ಭಾರತದಲ್ಲಿ 25,999 ರೂಪಾಯಿಗಳೀಗೆ ಬಿಡುಗಡೆಯಾಗಿದ್ದು, ಹಾಗಾದರೆ, ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್ ಹೊಂದಿರುವ ಇತರೆ ಫೀಚರ್ಸ್ ಯಾವುವು ಎಂಬುದನ್ನು ಮುಂದಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.

ನೋಕಿಯಾ 7 ಪ್ಲಸ್ ಡಿಸ್‌ಪ್ಲೇ!

ಮಲ್ಟಿಮೀಡಿಯಾದ ಉತ್ತಮ ಅನುಭವ ನೀಡುವ ಸಲುವಾಗಿ ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್, 18:9 ಆಕಾರ ಅನುಪಾತದ 6 ಇಂಚಿನ ಪೂರ್ಣ ಹೆಚ್‌ಡಿ + (1080x2160) ಐಪಿಎಸ್ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಡಿಸ್‌ಪ್ಲೇಯು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ಮತ್ತು 500-ನಿಟ್‌ಗಳ ಗರಿಷ್ಠ ಬ್ರೈಟ್‌ನೆಸ್ ರೇಟಿಂಗ್‌ನೊಂದಿದೆ ಬಂದಿದೆ.

ನೋಕಿಯಾ 7 ಪ್ಲಸ್ ಪ್ರೊಸೆಸರ್ ಮತ್ತು RAM!

ಮಧ್ಯಮ ಬೆಲೆಯ ಆಂಡ್ರಾಯ್ಡ್ ಒನ್ ಸ್ಮಾರ್ಟ್‌ಫೋನ್ ನೋಕಿಯಾ 7 ಪ್ಲಸ್, ಆಕ್ಟಕೋರ್ ಸ್ನ್ಯಾಪ್‌ಡ್ರಾಗನ್ 660 SoC ಪ್ರೊಸೆಸರ್ ಅನ್ನು ಹೊಂದಿದೆ. 4GB RAM ಮತ್ತು 64GB ಮೆಮೊರಿಯನ್ನು ಹೊಂದಿರುವ ಈ ಸ್ಮಾರ್ಟ್‌ಫೋನ್ ಮೆಮೊರಿಯನ್ನು ಎಸ್‌ಡಿ ಕಾರ್ಡ್ ಮೂಲಕ 256GB ವರೆಗೂ ವಿಸ್ತರಿಸಿಕೊಳ್ಳಬಹುದಾದ ಆಯ್ಕೆ ಕೂಡ ಲಭ್ಯವಿದೆ.

ನೋಕಿಯಾ 7 ಪ್ಲಸ್ ಕ್ಯಾಮೆರಾ!!

ಸೆಲ್ಫಿ ಆಧಾರಿತ ಸ್ಮಾರ್ಟ್‌ಫೋನ್ ತಯಾರಿಕಾ ಕಂಪೆನಿಗಳಿಗೆ ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್ ಟಾಂಗ್ ನೀಡಿದೆ. ಹಿಂಬಾಗದಲ್ಲಿ f/1.75 ಅಪಾರ್ಚರ್ ಹೊಂದಿರುವ 12 ಮೆಗಾಪಿಕ್ಸೆಲ್ ಕ್ಯಾಮೆರಾ ಇದ್ದರೆ, ವಿಶೇಷವೆಂಬಂತೆ f/1.75 ಅಪಾರ್ಚರ್ ಹೊಂದಿರುವ 16ಎಂಪಿ ಸೆಲ್ಫಿ ಕ್ಯಾಮೆರಾವನ್ನು ಸ್ಮಾರ್ಟ್‌ಫೋನಿನಲ್ಲಿ ನೀಡಲಾಗಿದೆ. 2ಎಕ್ಸ್ ಆಪ್ಟಿಕಲ್ ಜ್ಹೂಮ್, ಡ್ಯುಯಲ್ ಟೋನ್ ಎಲ್‌ಇಡಿ ಫ್ಲಾಶ್, ಜಿಯೋಸ್ ಆಪ್ಟಿಕ್ಸ್ ಮತ್ತು ಆಟೊ ಪೋಕಸ್ ತಂತ್ರಜ್ಞಾನವನ್ನು ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನಿನ ಕ್ಯಾಮೆರಾ ತಂತ್ರಜ್ಞಾನವನ್ನು ಹೆಚ್ಚಿಸಿವೆ.

ನೋಕಿಯಾ 7 ಪ್ಲಸ್ ಬ್ಯಾಟರಿ!

ಮಲ್ಟಿಮೀಡಿಯಾ ಆಧಾರಿತ ಸ್ಮಾರ್ಟ್‌ಫೋನ್ ನೋಕಿಯಾ 7 ಪ್ಲಸ್ 3,800mAh ಬ್ಯಾಟರಿಯನ್ನು ಹೊಂದಿದೆ. ಫಾಸ್ಟ್ ಚಾರ್ಜಿಂಗ್ (2.0) ತಂತ್ರಜ್ಞಾನವನ್ನು ಹೊಂದಿರುವ ಸ್ಮಾರ್ಟ್‌ಫೋನ್ 723 ಗಂಟೆಗಳ ಸ್ಟಾಂಡ್ ಬೈ ಮತ್ತು 19 ಗಂಟೆಗಳ ಟಾಕ್ ಟೈಮ್ ಚಾರ್ಜ್ ನೀಡಲಿದೆ ಎಂದು ಎಚ್ಎಂಡಿ ಗ್ಲೋಬಲ್ ಸಂಸ್ಥೆ ಹೇಳಿಕೊಂಡಿದೆ.

ಇತರೆ ಏನೆಲ್ಲಾ ಫೀಚರ್ಸ್?

4 ಜಿ ವೋಲ್ಸ್, ವೈ-ಫೈ 802.11ac, ಬ್ಲೂಟೂತ್ ವಿ 5.0, ಜಿಪಿಎಸ್ / ಎ-ಜಿಪಿಎಸ್, ಎನ್ಎಫ್ಸಿ, ಯುಎಸ್‌ಬಿ ಟೈಪ್-ಸಿ (2.0), ಮತ್ತು 3.5 ಎಂಎಂ ಆಡಿಯೋ ಜಾಕ್‌ನಂತಹ ಫೀಚರ್ಸ್‌ಗಳನ್ನು ನೋಕಿಯಾ 7 ಪ್ಲಸ್ ಸ್ಮಾರ್ಟ್‌ಫೋನ್ ಒಳಗೊಂಡಿದೆ. ಇನ್ನು ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ ಓರಿಯೋ ಮೂಲಕ ಕಾರ್ಯನಿರ್ವಹಣೆ ನೀಡಲಿದೆ.