ನೋಕಿಯಾ 8 ಹೇಗಿದೆ?..ಖರೀದಿಸಲು ಬೆಸ್ಟ್ ಫೋನ್ ಏಕೆ?

ನೋಕಿಯಾ 6, ನೋಕಿಯಾ 5 ಮತ್ತು ನೋಕಿಯಾ 3 ಆಂಡ್ಡ್ರಾಯ್ಡ್‌ಗಳ ನಂತರ ಇದೀಗ ನೋಕಿಯಾ 8 ಗ್ರಾಹಕರ ಕೈ ಸೇರುವ ಸಮಯ ಬಂದಿದೆ.!!

| Published: Saturday, October 14, 2017, 15:51 [IST]

ಜಾಗತಿಕವಾಗಿ ಈಗಲೂ ನೆಚ್ಚಿನ ಬ್ರ್ಯಾಂಡ್ ಆಗಿ ಉಳಿದಿರುವ ನೋಕಿಯಾ ಕಂಪೆನಿಯ ಆಂಡ್ರಾಯ್ಡ್ ಫೋನ್‌ಗಳು ಈಗಾಗಲೇ ಬಿಸಿತುಪ್ಪದಂತೆ ಖರ್ಚಾಗುದ್ದು, ನೋಕಿಯಾ 6, ನೋಕಿಯಾ 5 ಮತ್ತು ನೋಕಿಯಾ 3 ಆಂಡ್ಡ್ರಾಯ್ಡ್‌ಗಳ ನಂತರ ಇದೀಗ ನೋಕಿಯಾ 8 ಗ್ರಾಹಕರ ಕೈ ಸೇರುವ ಸಮಯ ಬಂದಿದೆ.!!

ನೋಕಿಯಾ 8 ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಮೂರು ವಿಷಯಗಳಿಗಾಗಿ ಈಗಾಗಲೇ ವೈರಲ್ ಆಗಿದ್ದು, ಸ್ಮಾರ್ಟ್‌ಫೋನ್ ಫೀಚರ್ಸ್, ಫೋನ್ ವಿನ್ಯಾಸ ಹಾಗೂ ಫೋನ್ ಗುಣಮಟ್ಟ ನೋಕಿಯಾ ಪ್ರಿಯರ ಕಣ್ಣುಕುಕ್ಕುತ್ತಿದೆ.! ಇದೇ ಸೆಪ್ಟೆಂಬರ್ 26 ಕ್ಕೆ ಮಾರುಕಟ್ಟೆಗೆ ಕಾಲಿಡಲಿದ್ದು, ಫೋನ್ ಗುಣ ವಿಶೇಷತೆಗಳೇನು ಎಂಬುದನ್ನು ಕೆಳಗಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.!!

ನೋಕಿಯಾ 8 ವಿನ್ಯಾಸ ಮತ್ತು ಡಿಸ್‌ಪ್ಲೇ!!

ನೋಕಿಯಾ 8 5.3 ಇಂಚಿನ IPS 2K ಗುಣಮಟ್ಟದ ಡಿಸ್‌ಪ್ಲೇಯ ಜೊತೆಗೆ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ಸುರಕ್ಷತೆಯನ್ನು ಹೊಂದಿದೆ.! ನೋಡಲು ನೋಕಿಯಾ 5 ಮಾದರಿಯಲ್ಲಿ ಫೋನ್ ಇದ್ದು, ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ಕಾಣಬಹುದಾಗಿದೆ. ಹೋಮ್ ಬಟನ್‌ನಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ನೀಡಲಾಗಿದೆ.

ಡ್ಯುಯಲ್ ಕ್ಯಾಮೆರಾ ಸೆಟಪ್!!

ನೋಕಿಯಾ 8 ಟಾಪ್ ಎಂಡ್ ಸ್ಮಾರ್ಟ್ ಪೋನ್ ಆಗಿದ್ದು, ಇದರಲ್ಲಿ ಟ್ರೆಂಡ್ ಆಗಿರುವ ಡ್ಯುಯಲ್ ಕ್ಯಾಮೆರಾ ಸೆಟಪ್ ಕಾಣಬಹುದಾಗಿದೆ. ಕಾರ್ಲ್ ಜೀಯಸ್ ಲೆನ್ಸ್ ನೊಂದಿಗೆ 13 + 13 MP ಕ್ಯಾಮೆರಾಗಳನ್ನು ಹೊಂದಿದೆ. ಇದಲ್ಲದೇ ಮುಂಭಾಗದಲ್ಲಿ 13 MP ಕ್ಯಾಮೆರಾವನ್ನು ಕಾಣಬಹುದಾಗಿದೆ.

ಪ್ರೊಸೆಸರ್ ಮತ್ತು RAM!!

ನೋಕಿಯಾ 8 ಕ್ವಾಲ್ಕಮ್ ಸ್ನಾಪ್‌ಡ್ರಾಗ್ 835 ಪ್ರೋಸೆಸರ್ ಜೊತೆಯಲ್ಲಿ 4GB ಮತ್ತು 6GB RAM ಮೂಲಕ ಫೋನ್ ಹೊರಬರುತ್ತಿದೆ. ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಮೂಲಕ 256 GB ವರೆಗೂ ಮೆಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಹೊಂದಿದೆ.

ಬ್ಯಾಟರಿ ಶಕ್ತಿ ಎಷ್ಟು?

ನೋಕಿಯಾ 8 ಸ್ಮಾರ್ಟ್‌ಫೋನ್ ನಾನ್ ರಿಮೂವೆಬಲ್ ಲಿ-ಅಯಾನ್ 3090mAh ಬ್ಯಾಟರಿಯನ್ನು ಹೊಂದಿದೆ. ಜಾಸ್ತಿ ಫೋನ್ ಬಳಕೆದಾರರಿಗೆ ಸಹಾಯವಾಗುವಂತೆ ಬಹುಬೇಗ ಚಾರ್ಜ್ ಆಗಲು ಸ್ಮಾರ್ಟ್‌ಫೋನ್‌ನಲ್ಲಿ ಕ್ವೀಕ್ ಚಾರ್ಜರ್ 3 ಲಭ್ಯವಿದೆ.!!

ಆಂಡ್ರಾಯ್ಡ್ ಓರಿಯೋ ಅಪ್‌ಡೇಟ್?

ನೋಕಿಯಾ 8 ಪ್ರಸ್ತುತ ಆಂಡ್ರಾಯ್ಡ್ 7.0 ಮೂಲಕ ರನ್ ಆಗುತ್ತಿದ್ದು, 'ಆಂಡ್ರಾಯ್ಡ್ ಓ'ಗೆ ಶೀಘ್ರವೇ ಅಪ್‌ಡೇಟ್ ಪಡೆಯಬಹುದಾಗಿದೆ.! ಇವುಗಳ ಜೊತೆಗೆ 4G LET, USB - C ಪೋರ್ಟ್, ಬ್ಲೂಟುತ್ 5.0 ಮತ್ತು Wi-Fi ಫೀಚರ್ಸ್ ಫೋನ್‌ನಲ್ಲಿವೆ.!!