ಭಾರತದಲ್ಲಿ ಲಾಂಚ್ ಆಯ್ತು 'ನೋಕಿಯಾ 8'!!.ಫೋನ್ ಬೆಲೆ ಎಷ್ಟು?..ಮಾರಾಟ ಯಾವಾಗ?

ಡ್ಯುಯಲ್ ಕ್ಯಾಮೆರಾ, ಸ್ನಾಪ್‌ಡ್ರಾಗನ್ ಪ್ರೊಸೆಸರ್ 835 ನಂತಹ ಅತ್ಯಾಧುನಿಕ ಫೀಚರ್ಸ್ ಹೊತ್ತು 'ನೋಕಿಯಾ 8' ಆಂಡ್ರಾಯ್ಡ್ ಫೋನ್ ಭಾರತದಲ್ಲಿ ಇಂದು ಬಿಡುಗಡೆಯಾಗಿದೆ.!

By Bhaskar N J

Published: Tuesday, September 26, 2017, 14:12 [IST]

ಡ್ಯುಯಲ್ ಕ್ಯಾಮೆರಾ, ಸ್ನಾಪ್‌ಡ್ರಾಗನ್ ಪ್ರೊಸೆಸರ್ 835 ನಂತಹ ಅತ್ಯಾಧುನಿಕ ಫೀಚರ್ಸ್ ಹೊತ್ತು 'ನೋಕಿಯಾ 8' ಆಂಡ್ರಾಯ್ಡ್ ಫೋನ್ ಭಾರತದಲ್ಲಿ ಇಂದು ಬಿಡುಗಡೆಯಾಗಿದೆ.! ಹೆಚ್‌ಎಮ್‌ಡಿ ಗ್ಲೋಬಲ್ ದೆಹಲಿಯಲ್ಲಿ ಆಯೋಜಿಸಿದ್ದ ಸಮಾರಂಭದಲ್ಲಿ ಭಾರತಕ್ಕೆ 'ನೋಕಿಯಾ 8 'ಬೆಲೆ ಎಷ್ಟು ಎಂಬುದು ಫೈನಲ್ ಆಗಿದೆ.!!

4GB RAM ಮತ್ತು 32GB ಆಂತರಿಕ ಮೆಮೊರಿಯನ್ನು ಹೊಂದಿರುವ ನೋಕಿಯಾ 8 ಭಾರತದಲ್ಲಿ 36,999 ರೂಪಾಯಿಗಳಿಗೆ ಬಿಡುಗಡೆಯಾಗಿದ್ದು, ಇದೇ ಅಕ್ಟೋಬರ್ 14 ನೇ ತಾರೀಖಿನಿಂದ ನೋಕಿಯಾ 8 ಅಮೆಜಾನ್‌ನಲ್ಲಿ ಮಾರಾಟಕ್ಕಿದ್ದು, ಆಫ್‌ಲೈನ್ ಸ್ಟೋರ್‌ಗಳಿಗೂ ಬಹುಬೇಗ ನೋಕಿಯಾ 8 ಕಾಲಿಡಲಿದೆ ಎಂದು ಹೆಚ್‌ಎಮ್‌ಡಿ ಗ್ಲೋಬಲ್ ತಿಳಿಸಿದೆ.!!

ಚೀನಾದ ಒನ್‌ಪ್ಲಸ್ ಕಂಪೆನಿಗೆ ನೇರಾನೇರಾ ಸೆಡ್ಡುಹೊಡೆಯುವಂತೆ 'ನೋಕಿಯಾ 8' ಫೀಚರ್ಸ್ ಮತ್ತು ಬೆಲೆ ಇದ್ದು, ಹಾಗಾದರೆ, ನೋಕಿಯಾ 8 ಸ್ಮಾರ್ಟ್‌ಫೋನ್ ಏನೆಲ್ಲಾ ಫೀಚರ್ಸ್ ಹೊಂದಿದೆ? ಮತ್ತು ಫೋನ್ ವಿಶೇಷತೆಗಳೆನು? ಎಂಬುದನ್ನು ಕೆಳಗಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.!!

ನೋಕಿಯಾ 8 ವಿನ್ಯಾಸ ಮತ್ತು ಡಿಸ್‌ಪ್ಲೇ!!

ನೋಕಿಯಾ 8 5.3 ಇಂಚಿನ IPS 2K ಗುಣಮಟ್ಟದ ಡಿಸ್‌ಪ್ಲೇಯ ಜೊತೆಗೆ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ಸುರಕ್ಷತೆಯನ್ನು ಹೊಂದಿದೆ.! ನೋಡಲು ನೋಕಿಯಾ 5 ಮಾದರಿಯಲ್ಲಿ ಫೋನ್ ಇದ್ದು, ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಪಟ್ ಕಾಣಬಹುದಾಗಿದೆ. ಹೋಮ್ ಬಟನ್‌ನಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ನೀಡಲಾಗಿದೆ.

ಡ್ಯುಯಲ್ ಕ್ಯಾಮೆರಾ ಸೆಟಪ್!!

ನೋಕಿಯಾ 8 ಟಾಪ್ ಎಂಡ್ ಸ್ಮಾರ್ಟ್ ಪೋನ್ ಆಗಿದ್ದು, ಇದರಲ್ಲಿ ಟ್ರೆಂಡ್ ಆಗಿರುವ ಡ್ಯುಯಲ್ ಕ್ಯಾಮೆರಾ ಸೆಟಪ್ ಕಾಣಬಹುದಾಗಿದೆ. ಕಾರ್ಲ್ ಜೀಯಸ್ ಲೆನ್ಸ್ ನೊಂದಿಗೆ 13 + 13 MP ಕ್ಯಾಮೆರಾಗಳನ್ನು ಹೊಂದಿದೆ. ಇದಲ್ಲದೇ ಮುಂಭಾಗದಲ್ಲಿ 13 MP ಕ್ಯಾಮೆರಾವನ್ನು ಕಾಣಬಹುದಾಗಿದೆ.

ಪ್ರೊಸೆಸರ್ ಮತ್ತು RAM!!

ನೋಕಿಯಾ 8 ಕ್ವಾಲ್ಕಮ್ ಸ್ನಾಪ್‌ಡ್ರಾಗ್ 835 ಪ್ರೋಸೆಸರ್ ಜೊತೆಯಲ್ಲಿ 4GB ಮತ್ತು 6GB RAM ಮೂಲಕ ಫೋನ್ ಹೊರಬರುತ್ತಿದೆ. ಮೆಮೊರಿ ಕಾರ್ಡ್ ಹಾಕಿಕೊಳ್ಳುವ ಮೂಲಕ 256 GB ವರೆಗೂ ಮೆಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಹೊಂದಿದೆ.

ಬ್ಯಾಟರಿ ಶಕ್ತಿ ಎಷ್ಟು?

ನೋಕಿಯಾ 8 ಸ್ಮಾರ್ಟ್‌ಫೋನ್ ನಾನ್ ರಿಮೂವೆಬಲ್ ಲಿ-ಅಯಾನ್ 3090mAh ಬ್ಯಾಟರಿಯನ್ನು ಹೊಂದಿದೆ. ಜಾಸ್ತಿ ಫೋನ್ ಬಳಕೆದಾರರಿಗೆ ಸಹಾಯವಾಗುವಂತೆ ಬಹುಬೇಗ ಚಾರ್ಜ್ ಆಗಲು ಸ್ಮಾರ್ಟ್‌ಫೋನ್‌ನಲ್ಲಿ ಕ್ವೀಕ್ ಚಾರ್ಜರ್ 3 ಲಭ್ಯವಿದೆ.!!

ಆಂಡ್ರಾಯ್ಡ್ ಓರಿಯೋ ಅಪ್‌ಡೇಟ್?

ನೋಕಿಯಾ 8 ಪ್ರಸ್ತುತ ಆಂಡ್ರಾಯ್ಡ್ 7.0 ಮೂಲಕ ರನ್ ಆಗುತ್ತಿದ್ದು, 'ಆಂಡ್ರಾಯ್ಡ್ ಓ'ಗೆ ಶೀಘ್ರವೇ ಅಪ್‌ಡೇಟ್ ಪಡೆಯಬಹುದಾಗಿದೆ.! ಇವುಗಳ ಜೊತೆಗೆ 4G LET, USB - C ಪೋರ್ಟ್, ಬ್ಲೂಟುತ್ 5.0 ಮತ್ತು Wi-Fi ಫೀಚರ್ಸ್ ಫೋನ್‌ನಲ್ಲಿವೆ.!!