ವಿಶ್ವದ ಮೊದಲ ಏಳು ಕ್ಯಾಮೆರಾಗಳುಳ್ಳ ಫೋನ್ ಬಿಡುಗಡೆ ದಿನಾಂಕ ಫಿಕ್ಸ್!

ಬಿಡುಗಡೆ ಯಾವಾಗ?

ವಿಶ್ವ ಮೊಬೈಲ್​ ಮಾರುಕಟ್ಟೆಯಲ್ಲಿ ಹೊಸ ಕ್ರಾಂತಿಗೆ ಕಾರಣವಾಗಲಿದೆ ಎಂದು ಹೇಳಲಾಗಿರುವ 'ನೋಕಿಯಾ 9 ಪ್ಯೂರ್​ವ್ಯೂ' ಸ್ಮಾರ್ಟ್‌ಪೋನ್ ಇದೇ ಫೆಬ್ರವರಿ ತಿಂಗಳಲ್ಲೇ ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಹೆಚ್​ಎಂಡಿ ಗ್ಲೋಬಲ್ ತಿಳಿಸಿದೆ. ಫೆಬ್ರವರಿ ತಿಂಗಳಿನ 24ನೇ ತಾರೀಖಿನಂದು ವಿಶ್ವ ಮೊಬೈಲ್ ಮಾರುಕಟ್ಟೆಗೆ ವಿಶ್ವದ ಮೊದಲ 7 ಕ್ಯಾಮೆರಾಗಳ ಸ್ಮಾರ್ಟ್​ಫೋನ್ ಮೊಬೈಲ್ ಮಾರುಕಟ್ಟೆಗೆ​ ಪರಿಚಯವಾಗಲಿದೆ.

ಒಟ್ಟು 7 ಕ್ಯಾಮೆರಾಗಳ ಸ್ಮಾರ್ಟ್‌ಫೋನ್!

ನೋಕಿಯಾ 9 ಪ್ಯೂರ್‌ವ್ಯೂ​ನಲ್ಲಿ ಒಟ್ಟು 7 ಕ್ಯಾಮೆರಾಗಳಿವೆ ಎಂಬುದನ್ನು ಹೆಚ್​ಎಂಡಿ ಗ್ಲೋಬಲ್​ ಮೂಲಗಳು ಖಚಿತಪಡಿಸಿವೆ. ಸ್ಮಾರ್ಟ್‌ಫೋನಿನ ಹಿಂಬದಿಯಲ್ಲಿ 5 ಕ್ಯಾಮೆರಾಗಳಿದ್ದರೆ, ಮುಂಭಾಗದಲ್ಲಿ ಎರಡು ಕ್ಯಾಮೆರಾಗಳನ್ನು ನೀಡಲಾಗಿದೆ ಎಂದು ತಿಳಿದುಬಂದಿದೆ. ಈ ಮೊಬೈಲ್​ನ​ ಹಿಂಬದಿಯಲ್ಲಿ ಐದು ಕ್ಯಾಮೆರಾ ಲೆನ್ಸ್ ಜೊತೆಗೆ ದೊಡ್ಡದಾದ ಎಲ್‌ಇಡಿ ಫ್ಲ್ಯಾಶ್ ಕೂಡ ನೀಡಲಾಗಿದೆ. ಆದರೆ, ಇದರಲ್ಲಿ ಯಾವೆಲ್ಲಾ ಕ್ಯಾಮೆರಾ ವೈಶಿಷ್ಟ್ಯಗಳನ್ನು ತರಲಾಗಿದೆ ಎಂಬುದು ಈ ವರೆಗೂ ಗುಟ್ಟಾಗಿ ಉಳಿದಿದೆ.

ನೋಕಿಯಾ 9 ಪ್ಯೂರ್​ವ್ಯೂ ಫೀಚರ್ಸ್​

ನೋಕಿಯಾ 9 ಬಗ್ಗೆ ಸೋರಿಕೆಯಾದ ಮಾಹಿತಿಯ ಪ್ರಕಾರ, ನೋಕಿಯಾ 9 ಪ್ಯೂರ್​ವ್ಯೂ ಸ್ಮಾರ್ಟ್‌ಫೋನಿನಲ್ಲಿ ಡಿಸ್​ಪ್ಲೇ- 5.9 ಇಂಚಿನ ಕ್ಯೂಹೆಚ್​ಡಿ ಡಿಸ್​ಪ್ಲೇ( ಗೊರಿಲ್ಲಾ ಗ್ಲಾಸ್- 5) ಡಿಸ್​ಪ್ಲೇ, ಕ್ವಾಲ್​ಕಾಮ್ ಸ್ನಾಪ್​ಡ್ರಾಗನ್ 845 ಪ್ರೊಸೆಸರ್, RAM- 8 ಜಿಬಿ RAM, 256 ಜಿಬಿ ಸ್ಟೋರೇಜ್, ಅಂಡ್ರಾಯ್ಡ್​ 9 ಅಪರೇಟಿಂಗ್​ ಸಿಸ್ಟಂ ಮತ್ತು 4,150 mAh ಬ್ಯಾಟರಿ ಸಾಮರ್ಥ್ಯ ಸೇರಿದಂತೆ ಎಲ್ಲಾ ಹೈ ಎಂಡ್ ಫೀಚರ್ಸ್‌ಗಳನ್ನು ಸ್ಮಾರ್ಟ್‌ಪೋನ್ ಒಳಗೊಂಡಿರುತ್ತದೆ ಎಂದು ಹೇಳಲಾಗಿದೆ.

ನೋಕಿಯಾ 9 ಪ್ಯೂರ್​ವ್ಯೂ ಬೆಲೆ ಎಷ್ಟು?

ಕೆಲವೇ ಕೆಲವು ದಿನಗಳಲ್ಲಿ ವಿಶ್ವ ಮೊಬೈಲ್ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿರುವ ನೋಕಿಯಾ 9 ಪ್ಯೂರ್​ವ್ಯೂ ಬೆಲೆ ಕೂಡ ಈಗಾಗಲೇ ಲೀಕ್ ಆಗಿದೆ. ನೋಕಿಯಾ ಲೀಕ್ಸ್​ ಎಂಬ ಸಾಮಾಜಿಕ ಖಾತೆಯಲ್ಲಿ ನೋಕಿಯಾ 9 ಪ್ಯೂರ್​ವ್ಯೂ ಬೆಲೆಯನ್ನು ಬಹಿರಂಗಪಡಿಸಲಾಗಿದ್ದು, ಯುರೋಪ್​ನಲ್ಲಿ ಬಿಡುಗಡೆಯಾಗಲಿರುವ ಈ ಸ್ಮಾರ್ಟ್​ಫೋನ್​ಗೆ 749 ರಿಂದ 799 ಯುರೋ ನಿಗದಿಪಡಿಸಲಾಗುತ್ತದೆ ಎಂದು ಹೇಳಲಾಗಿದೆ.

ಭಾರತದಲ್ಲೂ ಬಿಡುಗಡೆ!?

ಗತಕಾಲದ ವೈಭವವನ್ನು ಮತ್ತೆ ವಾಪಸ್ ಪಡೆಯಲು ಯತ್ನಿಸುತ್ತಿರುವ ನೋಕಿಯಾ ಬ್ರ್ಯಾಂಡ್ ಪುನರ್‌ ಸ್ಥಾಪಿಸಲು ಹೆಚ್​ಎಂಡಿ ಗ್ಲೋಬಲ್ ಪ್ರಯತ್ನಿಸುತ್ತಿದೆ. ಈ ಪ್ರಯತ್ನದ ಫಲವಾಗಿ ಫೆಬ್ರವರಿ ತಿಂಗಳಿನ 24 ರಂದು ಭಾರತದಲ್ಲೂ ಸಹ 'ನೋಕಿಯಾ 9 ಪ್ಯೂರ್​ವ್ಯೂ' ಫೋನ್ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ. ಈಗಾಗಲೇ ಇದರ ಬೆಲೆಯು ಭಾರತದಲ್ಲಿ 59 ಸಾವಿರದಿಂದ 65 ಸಾವಿರದವರೆಗೆ ಇರಲಿದೆ ಎಂದು ಅಂದಾಜಿಸಲಾಗಿದೆ.