ಇದೇ ತಿಂಗಳು ವಿಶ್ವದ ಮೊದಲ 7 ಕ್ಯಾಮೆರಾಗಳ ​ಸ್ಮಾರ್ಟ್‌ಫೋನ್ ಬಿಡುಗಡೆ ಪಕ್ಕಾ!!

|

ಆಂಡ್ರಾಯ್ಡ್ ಮೊಬೈಲ್ ಮಾರುಕಟ್ಟೆಯಲ್ಲಿ ಹೊಸ ಅಲೆಯನ್ನು ಹುಟ್ಟುಹಾಕುತ್ತಿರುವ ಜನಪ್ರಿಯ 'ನೋಕಿಯಾ' ಬ್ರ್ಯಾಂಡ್ ಅಡಿಯಲ್ಲಿ ವಿಶ್ವದಲ್ಲೇ ಮೊಟ್ಟ ಮೊದಲ ಬಾರಿಗೆ ಏಳು ಕ್ಯಾಮೆರಾಗಳುಳ್ಳ ಸ್ಮಾರ್ಟ್‌ಫೋನ್ ಒಂದನ್ನು ಮಾರುಕಟ್ಟೆಗೆ ಪರಿಚಯಿಸಲು ತಯಾರಾಗಿದೆ. ಹೆಚ್​ಎಂಡಿ ಗ್ಲೋಬಲ್​ ಕಂಪೆನಿಯ ಹೊಸ ಈ ಹೊಸ ಸ್ಮಾರ್ಟ್​ಫೋನ್ ಬಿಡುಗಡೆಗೆ ಮುನ್ನವೇ ಸದ್ದು ಮಾಡುತ್ತಿದೆ.

ಹೌದು, ಹೆಚ್​ಎಂಡಿ ಗ್ಲೋಬಲ್​ ಜಾಗತಿಕವಾಗಿ 'ನೋಕಿಯಾ 9 ಪ್ಯೂರ್​ವೀವ್' ಎಂಬ ತನ್ನ ವಿನೂತನ ಆಂಡ್ರಾಯ್ಡ್ ಸ್ಮಾರ್ಟ್‌ಪೋನ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದ್ದು, ಈ ನೂತನ ಸ್ಮಾರ್ಟ್​ಫೋನ್​ನಲ್ಲಿ ಬರೋಬ್ಬರಿ 7 ಕ್ಯಾಮೆರಾಗಳಿವೆ ಎಂದು ತಿಳಿದುಬಂದಿದೆ. ಇಷ್ಟೊಂದು ಕ್ಯಾಮೆರಾ ಹೊಂದಿರುವ ವಿಶ್ವದ ಮೊದಲ ಮೊಬೈಲ್​ ಎಂಬ ಖ್ಯಾತಿ ನೋಕಿಯಾ 9 ಪಾಲಾಗಲಿದೆ.

ಇದೇ ತಿಂಗಳು ವಿಶ್ವದ ಮೊದಲ 7 ಕ್ಯಾಮೆರಾಗಳ ​ಸ್ಮಾರ್ಟ್‌ಫೋನ್ ಬಿಡುಗಡೆ ಪಕ್ಕಾ!!

ಗತಕಾಲದ ವೈಭವವನ್ನು ಮತ್ತೆ ವಾಪಸ್ ಪಡೆಯಲು ಯತ್ನಿಸುತ್ತಿರುವ ನೋಕಿಯಾ ಬ್ರ್ಯಾಂಡ್ ಪುನರ್‌ ಸ್ಥಾಪಿಸಲು ಹೆಚ್​ಎಂಡಿ ಗ್ಲೋಬಲ್ ಪ್ರಯತ್ನದ ಫಲವಾಗಿ 'ನೋಕಿಯಾ 9 ಪ್ಯೂರ್​ವೀವ್' ಮೊಬೈಲ್ ಮಾರುಕಟ್ಟೆಗೆ ಕಾಲಿಡುತ್ತದೆ. ಹಾಗಾದರೆ, ವಿಶ್ವದ ಮೊಟ್ಟ ಮೊದಲ ಏಳು ಕ್ಯಾಮೆರಾಗಳುಳ್ಳ ಸ್ಮಾರ್ಟ್‌ಫೋನಿನ ವಿಶೇಷತೆಗಳು ಯಾವುದು ಎಂಬುದನ್ನು ಮುಂದೆ ಓದಿ ತಿಳಿಯಿರಿ.

ಬಿಡುಗಡೆ ಯಾವಾಗ?

ಬಿಡುಗಡೆ ಯಾವಾಗ?

ವಿಶ್ವ ಮೊಬೈಲ್​ ಮಾರುಕಟ್ಟೆಯಲ್ಲಿ ಹೊಸ ಕ್ರಾಂತಿಗೆ ಕಾರಣವಾಗಲಿದೆ ಎಂದು ಹೇಳಲಾಗಿರುವ 'ನೋಕಿಯಾ 9 ಪ್ಯೂರ್​ವೀವ್' ಸ್ಮಾರ್ಟ್‌ಪೋನ್ ಇದೇ ಜನವರಿ ತಿಂಗಳಲ್ಲೇ ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಹೆಚ್​ಎಂಡಿ ಗ್ಲೋಬಲ್​ ಕಂಪೆನಿ ಈಗಾಗಲೇ ಹೇಳಿಕೊಂಡಿದೆ. ಕೆಲ ಮೂಲಗಳ ಪ್ರಕಾರ ಜನವರಿ 3ನೇ ವಾರ ಅಥವಾ 4ನೇ ವಾರ ವಿಶ್ವ ಮಾರುಕಟ್ಟೆಗೆ ವಿಶ್ವದ ಮೊದಲ 7 ಕ್ಯಾಮೆರಾಗಳ ಸ್ಮಾರ್ಟ್​ಫೋನ್ ಮೊಬೈಲ್ ಮಾರುಕಟ್ಟೆಗೆ​ ಪರಿಚಯವಾಗಲಿದೆ.

ಒಟ್ಟು 7 ಕ್ಯಾಮೆರಾಗಳ ಸ್ಮಾರ್ಟ್‌ಫೋನ್!

ಒಟ್ಟು 7 ಕ್ಯಾಮೆರಾಗಳ ಸ್ಮಾರ್ಟ್‌ಫೋನ್!

ನೋಕಿಯಾ 9 ಪ್ಯೂರ್‌ವೀವ್​ನಲ್ಲಿ ಒಟ್ಟು 7 ಕ್ಯಾಮೆರಾಗಳಿವೆ ಎಂಬುದನ್ನು ಹೆಚ್​ಎಂಡಿ ಗ್ಲೋಬಲ್​ ಮೂಲಗಳು ಖಚಿತಪಡಿಸಿವೆ. ಸ್ಮಾರ್ಟ್‌ಫೋನಿನ ಹಿಂಬದಿಯಲ್ಲಿ 5 ಕ್ಯಾಮೆರಾಗಳಿದ್ದರೆ, ಮುಂಭಾಗದಲ್ಲಿ ಎರಡು ಕ್ಯಾಮೆರಾಗಳನ್ನು ನೀಡಲಾಗಿದೆ ಎಂದು ತಿಳಿದುಬಂದಿದೆ. ಈ ಮೊಬೈಲ್​ನ​ ಹಿಂಬದಿಯಲ್ಲಿ ಐದು ಕ್ಯಾಮೆರಾ ಲೆನ್ಸ್ ಜೊತೆಗೆ ದೊಡ್ಡದಾದ ಎಲ್‌ಇಡಿ ಫ್ಲ್ಯಾಶ್ ಕೂಡ ನೀಡಲಾಗಿದೆ. ಆದರೆ, ಇದರಲ್ಲಿ ಯಾವೆಲ್ಲಾ ಕ್ಯಾಮೆರಾ ವೈಶಿಷ್ಟ್ಯಗಳನ್ನು ತರಲಾಗಿದೆ ಎಂಬುದು ಈ ವರೆಗೂ ಗುಟ್ಟಾಗಿ ಉಳಿದಿದೆ.

ನೋಕಿಯಾ 9 ಪ್ಯೂರ್​ವೀವ್ ಫೀಚರ್ಸ್​

ನೋಕಿಯಾ 9 ಪ್ಯೂರ್​ವೀವ್ ಫೀಚರ್ಸ್​

ನೋಕಿಯಾ 9 ಬಗ್ಗೆ ಸೋರಿಕೆಯಾದ ಮಾಹಿತಿಯ ಪ್ರಕಾರ, ನೋಕಿಯಾ 9 ಪ್ಯೂರ್​ವೀವ್ ಸ್ಮಾರ್ಟ್‌ಫೋನಿನಲ್ಲಿ ಡಿಸ್​ಪ್ಲೇ- 5.9 ಇಂಚಿನ ಕ್ಯೂಹೆಚ್​ಡಿ ಡಿಸ್​ಪ್ಲೇ( ಗೊರಿಲ್ಲಾ ಗ್ಲಾಸ್- 5) ಡಿಸ್​ಪ್ಲೇ, ಕ್ವಾಲ್​ಕಾಮ್ ಸ್ನಾಪ್​ಡ್ರಾಗನ್ 845 ಪ್ರೊಸೆಸರ್, RAM- 8 ಜಿಬಿ RAM, 256 ಜಿಬಿ ಸ್ಟೋರೇಜ್, ಅಂಡ್ರಾಯ್ಡ್​ 9 ಅಪರೇಟಿಂಗ್​ ಸಿಸ್ಟಂ ಮತ್ತು 4,150 mAh ಬ್ಯಾಟರಿ ಸಾಮರ್ಥ್ಯ ಸೇರಿದಂತೆ ಎಲ್ಲಾ ಹೈ ಎಂಡ್ ಫೀಚರ್ಸ್‌ಗಳನ್ನು ಸ್ಮಾರ್ಟ್‌ಪೋನ್ ಒಳಗೊಂಡಿರುತ್ತದೆ ಎಂದು ಹೇಳಲಾಗಿದೆ.

ನೋಕಿಯಾ 9 ಪ್ಯೂರ್​ವೀವ್ ಬೆಲೆ ಎಷ್ಟು?

ನೋಕಿಯಾ 9 ಪ್ಯೂರ್​ವೀವ್ ಬೆಲೆ ಎಷ್ಟು?

ಕೆಲವೇ ಕೆಲವು ದಿನಗಳಲ್ಲಿ ವಿಶ್ವ ಮೊಬೈಲ್ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿರುವ ನೋಕಿಯಾ 9 ಪ್ಯೂರ್​ವೀವ್ ಬೆಲೆ ಕೂಡ ಈಗಾಗಲೇ ಲೀಕ್ ಆಗಿದೆ. ನೋಕಿಯಾ ಲೀಕ್ಸ್​ ಎಂಬ ಸಾಮಾಜಿಕ ಖಾತೆಯಲ್ಲಿ ನೋಕಿಯಾ 9 ಪ್ಯೂರ್​ವೀವ್ ಬೆಲೆಯನ್ನು ಬಹಿರಂಗಪಡಿಸಲಾಗಿದ್ದು, ಯುರೋಪ್​ನಲ್ಲಿ ಬಿಡುಗಡೆಯಾಗಲಿರುವ ಈ ಸ್ಮಾರ್ಟ್​ಫೋನ್​ಗೆ 749 ರಿಂದ 799 ಯುರೋ ನಿಗದಿಪಡಿಸಲಾಗಿದೆ. ಇದರ ಬೆಲೆಯು ಭಾರತದಲ್ಲಿ 59 ಸಾವಿರದಿಂದ 65 ಸಾವಿರದವರೆಗೆ ಇರಲಿದೆ ಎಂದು ಅಂದಾಜಿಸಲಾಗಿದೆ.

Best Mobiles in India

English summary
Nokia 9 PureView will be the first smartphone in the market to feature not two, not three, not four but five cameras on the rear. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X