CMF Phone 2 ಫೋನಿನ ಅಧಿಕೃತ ವಿನ್ಯಾಸ ಬಹಿರಂಗ!..ಇಲ್ಲಿದೆ ಸಂಪೂರ್ಣ ಮಾಹಿತಿ!

ನಥಿಂಗ್ ಕಂಪೆನಿಯ ಸಬ್‌ಬ್ರ್ಯಾಂಡ್ CMF ಸಂಸ್ಥೆಯು ಭಾರತೀಯ ಮಾರುಕಟ್ಟೆಗೆ ಶೀಘ್ರದಲ್ಲೇ ತನ್ನ ಎರಡನೇ ತಲೆಮಾರಿನ ಹೊಸ ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡುವುದಾಗಿ ಇತ್ತೀಚಿಗಷ್ಟೇ ಹೇಳಿತ್ತು. ಇದೀಗ ಈ ಹೊಸ ಸ್ಮಾರ್ಟ್‌ಫೋನಿನ ವಿನ್ಯಾಸ ಹೇಗಿರಲಿದೆ ಎಂಬುದನ್ನು ಸಹ ಖಚಿತಪಡಿಸಿದೆ. ಹೌದು, CMF ತನ್ನ ಸಾಮಾಜಿಕ ಮಾಧ್ಯಮದಲ್ಲಿ ಈ ಕುರಿತು ಎರಡನೇ ಟೀಸರ್ ಬಿಡುಗಡೆ ಮಾಡಿದ್ದು, ಮುಂಬರುವ CMF ಸ್ಮಾರ್ಟ್‌ಫೋನ್ ಹೊಸ ಮ್ಯಾಟ್ ಫಿನಿಶ್‌ನೊಂದಿಗೆ ಬರಲಿದೆ ಎಂಬುದನ್ನು ವೀಡಿಯೊದಲ್ಲಿ ತೋರಿಸಿದೆ. ಇದು ಬಜೆಟ್ ಬೆಲೆಯ ಮೊಬೈಲ್ ಮಾರುಕಟ್ಟೆಯಲ್ಲಿ ಮತ್ತೊಂದು ಹೊಸ ಮೈಲಿಗಲ್ಲಾಗಲಿದೆ. ಹಾಗಾದರೆ, ಮುಂಬರುವ ಹೊಸ CMF ಸ್ಮಾರ್ಟ್‌ಫೋನ್ ಹೇಗಿರಲಿದೆ ಎಂಬ ಸಂಪೂರ್ಣ ವಿವರಗಳನ್ನು ನೋಡೋಣ ಬನ್ನಿ.

CMF Phone 2 ವಿನ್ಯಾಸ
CMF ಬಿಡುಗಡೆ ಮಾಡಿರುವ ಎರಡನೇ ಟೀಸರ್ ವೀಡಿಯೊದಲ್ಲಿ, ಪ್ಲಾಸ್ಟಿಕ್ ಅಂಚುಗಳು ಮತ್ತು ಮರುವಿನ್ಯಾಸಗೊಳಿಸಲಾದ ಹಿಂಭಾಗದಲ್ಲಿ ಸ್ಕ್ರೂ ಹೊಂದಿರುವ ಹ್ಯಾಂಡ್‌ಸೆಟ್ ಅನ್ನು ತೋರಿಸಲಾಗಿದೆ. ಇದರು ಮ್ಯಾಟ್ ಫಿನಿಷ್‌ನೊಂದಿಗೆ ಹಿಂಭಾಗದ ಫಲಕವು ಲೈಟ್‌ನಿಂದ ಹೊಳೆಯುವುದನ್ನು ತೋರಿಸುತ್ತದೆ. ಈ ಹಿಂಭಾಗದ ಫಲಕವು ಪ್ಲಾಸ್ಟಿಕ್ ಅಥವಾ ಅಲ್ಯೂಮಿನಿಯಂನಿಂದ ಮಾಡಲ್ಪಟ್ಟಿರುವುದೇ ಅಥವಾ ಇಲ್ಲವೇ ಎಂಬುದನ್ನು ಅಧಿಕೃತ ಪೋಸ್ಟ್ ಬಹಿರಂಗಪಡಿಸುವುದಿಲ್ಲ. ಆದರೆ, . ಪ್ರಸ್ತುತ ಪೀಳಿಗೆಯ ಮಾದರಿಯು ಪಾಲಿಕಾರ್ಬೊನೇಟ್ ಹಿಂಭಾಗದ ಫಲಕವನ್ನು ಹೊಂದಿದೆ ಎಂದು ಹೇಳಬಹುದು. . ಇದು ಬಜೆಟ್ ಬೆಲೆಯ ಮೊಬೈಲ್ ಮಾರುಕಟ್ಟೆಯಲ್ಲಿ ಮತ್ತೊಂದು ಹೊಸ ಮೈಲಿಗಲ್ಲು ಎಂದು ಕೆಲವು ವರದಿಗಳು ಹೇಳೀವೆ. ಇನ್ನು ಈ ಟೀಸರ್ ವೀಡಿಯೊ ಕೆಳಗೆ ಎಡಭಾಗದಲ್ಲಿ CMF ಬೈ ನಥಿಂಗ್ ಲೋಗೋವನ್ನು ಸಹ ತೋರಿಸಲಾಗಿದ್ದು, ಇದು ವಿಭಿನ್ನ ಕೋನಗಳಲ್ಲಿ ಹಿಡಿದಾಗ ಬೆಳಕು ಅಥವಾ ಗಾಢವಾಗಿ ಕಾಣುತ್ತದೆ.

CMF ಸಂಸ್ಥೆಯು ತನ್ನ ಅಧಿಕೃತ X (ಹಿಂದೆ ಟ್ವಿಟರ್) ಖಾತೆಯಲ್ಲಿ ಇತ್ತೀಚಿಗಷ್ಟೇ 'ಶೀಘ್ರದಲ್ಲೇ ಬರಲಿದೆ' ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಟೀಸರ್ ಚಿತ್ರವನ್ನು ಪೋಸ್ಟ್ ಮಾಡಿತ್ತು. ಈ ಚಿತ್ರದಲ್ಲಿ CMF ನ ವಿಶಿಷ್ಟ ಕಿತ್ತಳೆ ಬಣ್ಣದ ಹಿಂಭಾಗದ ಫಲಕವನ್ನು ತೋರಿಸಲಾಗಿತ್ತು. ಈ ಪೋಸ್ಟ್‌ನಲ್ಲಿ ಸ್ಮಾರ್ಟ್‌ಫೋನ್‌ನ ನಿಖರವಾದ ಹೆಸರು ಅಥವಾ ಬಿಡುಗಡೆ ದಿನಾಂಕವನ್ನು ಬಹಿರಂಗಪಡಿಸಲಾಗಿಲ್ಲ. ಆದರೆ, ಈ ಹೊಸ ಫೋನ್ CMF Phone 1 ರ ಉತ್ತರಾಧಿಕಾರಿಯಾಗಿ CMF Phone 2 ಹೆಸರಿನಲ್ಲಿ ಬರಬಹುದು ಎಂದು ಊಹಿಸಲಾಗಿದೆ. CMF Phone 2 ಶೀಘ್ರದಲ್ಲೇ ಬಿಡುಗಡೆಯಾಗುವ ಸಾಧ್ಯತೆ ಬಗ್ಗೆ ವದಂತಿಗಳು ಹರಿದಾಡುತ್ತಿವೆ. ಕೆಲವು ಮೂಲಗಳ ಪ್ರಕಾರ, CMF Phone 2 ಸ್ಮಾರ್ಟ್‌ಫೋನ್ ಇದೇ ಏಪ್ರಿಲ್ ತಿಂಗಳ ಅಂತ್ಯದಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ.

CMF Phone 1 ಸ್ಮಾರ್ಟ್‌ಫೋನ್ ಹೇಗಿತ್ತು?
Nothing ಸಬ್‌ಬ್ರ್ಯಾಂಡ್ CMF ಪರಿಚಯಿಸಿದ್ದ ಮೊದಲ ಸ್ಮಾರ್ಟ್‌ಫೋನ್ CMF Phone 1, ಕಳೆದ ವರ್ಷ ಜುಲೈನಲ್ಲಿ ಬಿಡುಗಡೆಯಾಗಿದ್ದು, ಇದರ ಆರಂಭಿಕ ಬೆಲೆ 15,999 ರೂ. ಆಗಿತ್ತು. ಈ ಮಾದರಿಯು 6GB RAM ಮತ್ತು 128GB ಸ್ಟೋರೇಜ್ ಅನ್ನು ಹೊಂದಿತ್ತು. CMF Phone 2 ಕೂಡ ಇದೇ ಬೆಲೆಯಲ್ಲಿರಬಹುದು ಎಂದು ಊಹಿಸಲಾಗಿದೆ. ಹಿಂದಿನ CMF Phone 1 6.7-ಇಂಚಿನ ಪೂರ್ಣ-HD+ AMOLED LTPS ಡಿಸ್ಪ್ಲೇ ಮತ್ತು 120Hz ವರೆಗೆ ಅಡಾಪ್ಟಿವ್ ರಿಫ್ರೆಶ್ ದರವನ್ನು ಹೊಂದಿತ್ತು, ಜೊತೆಗೆ ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 5G ಪ್ರೊಸೆಸರ್ ಮತ್ತು 8GB RAM ಅನ್ನು ಒಳಗೊಂಡಿತ್ತು.

ಕ್ಯಾಮೆರಾ ವಿಭಾಗದಲ್ಲಿ, CMF Phone 1 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಸೋನಿ ಸೆನ್ಸರ್ ಮತ್ತು ಪೋರ್ಟ್ರೇಟ್ ಸೆನ್ಸರ್‌ನೊಂದಿಗೆ ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿತ್ತು. ಬ್ಯಾಟರಿ ವಿಭಾಗದಲ್ಲಿ, CMF Phone 1 33W ವೇಗದ ಚಾರ್ಜಿಂಗ್ ಮತ್ತು 5W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುವ 5,000mAh ಬ್ಯಾಟರಿಯನ್ನು ಹೊಂದಿತ್ತು. ಇದಲ್ಲದೆ, ಈ ಸ್ಮಾರ್ಟ್‌ಫೋನ್ ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ IP52 ರೇಟಿಂಗ್ ಅನ್ನು ಹೊಂದಿದೆ.