ಶೀಘ್ರವೇ ಮಾರುಕಟ್ಟೆಗೆ ಓನ್ ಪ್ಲಸ್ 5: ಇಲ್ಲಿದೆ ಅದಕ್ಕೆ ಪುರಾವೆ

ಶೀಘ್ರವೇ ಲಾಂಚ್:

ಈಗಾಗಲೇ ಓನ್ ಪ್ಲಸ್ 5 ಸ್ಮಾರ್ಟ್ ಫೋನ್ ಚೀನಾದಲ್ಲಿ 3C ಸರ್ಟಿಫಿಕೆಟ್ ಪಡೆದುಕೊಂಡಿದ್ದು, ಎಪ್ರಿಲ್ ನಲ್ಲಿಯೇ ಇದನ್ನು ತನ್ನದಾಗಿಸಿಕೊಂಡಿತ್ತು. ಶೀಘ್ರವೇ ಲಾಂಚ್ ದಿನಾಂಕವನ್ನು ಪ್ರಕಟಿಸಲಿದೆ ಎನ್ನಲಾಗಿದೆ. ಈ ಫೋನ್ ನಲ್ಲಿ ಟಾಪ್ ಎಂಡ್ ಫೋನ್ ಗಳಲ್ಲಿ ಇರುವ ಎಲ್ಲಾ ಆಯ್ಕೆಗಳು ಇರಲಿದ್ದು, ಈ ಫೋನ್ ನನ್ನು ಓನ್ ಪ್ಲಸ್ A5000 ಎಂದು ನಾಮಕರಣ ಮಾಡಲಿದೆ ಎನ್ನಲಾಗಿದೆ.

ರೆಡಿಯೋ ರೆಗ್ಯೂಲೆಷನ್ ಸರ್ಟಿಫಿಕೆಟ್:

ಈಗಾಗಲೇ ಚೀನಾ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲು ಓನ್ ಪ್ಲಸ್ 3C ಸರ್ಟಿಫಿಕೆಟ್ ಪಡೆದುಕೊಂಡಿದ್ದು, ಇದರ ಬೆನ್ನಲೇ ರೆಡಿಯೋ ರೆಗ್ಯೂಲೆಟಿಂಗ್ ಆತರಿಟಿಯಲ್ಲಿ ಕಾಣಿಸಿಕೊಂಡಿದೆ. ಇಲ್ಲಿ ಈ ಫೋನಿನ ವಿಶೇಷತೆಗಳೇನು, ಹೆಸರೇನು ಎಂಬುದು ತಿಳಿದು ಬಂದಿದೆ. ಇಲ್ಲಿಯೇ ಈ ಫೋನಿನ ಮಾಡಲ್ ನಂಬರ್ ಸಹ A5000 ಎಂದು ತಿಳಿಸಲಾಗಿದೆ.

ಓನ್ ಪ್ಲಸ್ 5 ಕೇಸ್ ಲೀಕ್ ಆಗಿದೆ:

ಇದಲ್ಲದೇ ಓನ್ ಪ್ಲಸ್ ಫೋನಿನೊಂದಿಗೆ ದೊರೆಯುವ ಕೇಸ್ ಸಹ ಲೀಕ್ ಆಗಿದ್ದು, ಈ ಹಿನ್ನಲೆಯಲ್ಲಿ ಈ ಫೋನ್ ಶೀಘ್ರವೇ ಮಾರುಕಟ್ಟೆಗೆ ಬರಲಿದೆ ಎನ್ನುವುದಕ್ಕೆ ಸುಳುಳಿವು ಸಿಕ್ಕಹಾಗಿದೆ. ಒಟ್ಟಿನಲ್ಲಿ ಈ ಫೋನ್ ಡ್ಯುಯಲ್ ಲೈನ್ಸ್ ಕ್ಯಾಮೆರಾವನ್ನು ಹೊಂದಿದೆ ಎಂಬುದು ಇಲ್ಲಿಯೇ ತಿಳಿದಿದೆ. ಒಟ್ಟಿನಲ್ಲಿ ಈಗಾಗಲೇ ಅಭಿಮಾನಿಗಳು ಓನ್ ಪ್ಲಸ್ 5 ಕೊಳ್ಳಲು ಉತ್ಸುಕರಾಗಿದ್ದು, ಶೀಘ್ರವೇ ಮಾರುಕಟ್ಟೆಗೆ ಬರಲಿ ಎನ್ನುವುದು ಅವರ ಆಶಯವು ಆಗಿದೆ.