ಆಪಲ್, ಸ್ಯಾಮ್‌ಸಂಗ್ ಹೆದರಿಸಿರುವ ಒನ್‌ಪ್ಲಸ್ 5T ಫೋನ್ ನಾಳೆ ಬಿಡುಗಡೆ!..ಬೆಂಗಳೂರಿನಲ್ಲಿಯೂ!!

ನವೆಂಬರ್ 16 ರಂದು ಬಿಡುಗಡೆಗೆ ಸಜ್ಜು!!

ಇದೇ ಮೊದಲ ಸಾರಿ ಒನ್‌ಪ್ಲಸ್‌ ಕಂಪೆನಿ ಸ್ಮಾರ್ಟ್‌ಫೋನ್ ಜಾಗತಿಕ ಮಾರುಕಟ್ಟೆಗೆ ಕಾಲಿಡುತ್ತಿದ್ದು, ಅಮೆರಿಕಾದ ನ್ಯೂಯಾರ್ಕ್‌ ನಗರದ ಬ್ರೂಕ್ಲಿನ್‌ನಲ್ಲಿ ನವೆಂಬರ್ 16 ರಂದು ಅಂದರೆ ನಾಳೆ ಒನ್‌ಪ್ಲಸ್ 5T ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡುತ್ತಿದೆ. ಈ ಕಾರ್ಯಕ್ರಮಕ್ಕೆ ತೆರಳಲು ಒನ್‌ಪ್ಲಸ್ ಕಂಪೆನಿ 50 ಡಾಲರ್ ನಿಗಧಿಪಡಿಸಿದ್ದು, ಟಿಕೆಟ್‌ಗಳೆಲ್ಲವೂ ಸೋಲ್ಡ್‌ಔಟ್ ಆಗಿವೆ.!!

ಬೆಂಗಳೂರಿನಲ್ಲಿ ಲೈವ್ ನೋಡಿ!!

ಅಮೆರಿಕಾದ ನ್ಯೂಯಾರ್ಕ್‌ ನಗರದ ಬ್ರೂಕ್ಲಿನ್‌ನಲ್ಲಿ ಒನ್‌ಪ್ಲಸ್ 5T ಸ್ಮಾರ್ಟ್‌ಫೋನ್ ರಿಲೀಸ್ ಆಗುತ್ತಿದ್ದರೂ ಸಹ ಒನ್‌ಪ್ಲಸ್ ಕಂಪೆನಿ ಭಾರತವನ್ನು ಮರೆತಿಲ್ಲ.!! ಒನ್‌ಪ್ಲಸ್‌ ಕಂಪೆನಿಗೆ ಬಹುದೊಡ್ಡ ಮಾರುಕಟ್ಟೆಯಾಗಿರುವ ಭಾರತದ ಐದು ನಗರಗಳಲ್ಲಿ ಕೆಲವು ಆಯ್ದ PVR ಥಿಯೇಟರ್‌ಗಳಲ್ಲಿ ಒನ್‌ಪ್ಲಸ್ 5T ಬಿಡುಗಡೆಯ ಲೈವ್ ತೋರಿಸುತ್ತಿದೆ.! ಬೆಂಗಳೂರು, ದೆಹಲಿ , ಮುಂಬೈ, ಹೈದರಾಬಾದ್ ಮತ್ತು ಪುಣೆ ನಗರಗಳಲ್ಲಿ ಈ ಆಯ್ಕೆ ಲಭ್ಯವಿದೆ.!!

6 ಇಂಚಿನ ಫುಲ್ ಸ್ಕ್ರಿನ್ ಡಿಸ್‌ಪ್ಲೇ!!

ಐಫೋನ್ 10 ಮತ್ತು ಸ್ಯಾಮ್‌ಸಂಗ್ 8 ನೋಟ್‌ಗೆ ಸೆಡ್ಡುಹೊಡೆಯುತ್ತಿರುವ ಒನ್‌ಪ್ಲಸ್ 5T ಫೋನ್ 6 ಇಂಚಿನ 18:9 ಫುಲ್ ಸ್ಕ್ರಿನ್ ಡಿಸ್‌ಪ್ಲೇಯನ್ನು ಹೊಂದಿರಲಿದೆ.!! 2160 x 1080 ಪಿಕ್ಸೆಲ್‌ ರೆಸಲ್ಯೂಶನ್ ಹೋಂದಿರುವ ಈ ಡಿಸ್‌ಪ್ಲೇಯನ್ನು ಸಂಪೂರ್ಣ ಬೆಜೆಲ್‌ ಲೆಸ್ ಎಂದು ಕರೆಯಬಹುದಾದರೂ ಕೂಡ ಅಂಚಿನಲ್ಲಿ ಸ್ವಲ್ಪ ಬೆಜೆಲ್ ಇರುವುದನ್ನು ನಾವು ನೋಡಬಹುದು.!

ಹಿಂಭಾಗದಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್!!

ತನ್ನ ಹಿಂದಿನ ಸ್ಮಾರ್ಟ್‌ಫೋನ್‌ಗಳಲ್ಲಿ ಫೋನ್‌ ಮುಂಭಾಗದಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅಳವಡಿಸಿದ್ದ ಒನ್‌ಪ್ಲಸ್ ಕಂಪೆನಿ ಈ ಬಾರಿ ಫುಲ್ ಸ್ಕ್ರಿನ್ ವಿನ್ಯಾಸವನ್ನು ಮಾಡುವ ಸಲುವಾಗಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ಹಿಂಭಾಗಕ್ಕೆ ವರ್ಗಾವಣೆ ಮಾಡಿದೆ. ಹಿಂಬಾಗದಲ್ಲಿಯೂ ಅತ್ಯುತ್ತಮ ವಿನ್ಯಾಶ ಹೊಂದಿರುವ ಈ ಫೋನ್‌ನಲ್ಲಿ ಫಿಂಗರ್ ಪ್ರಿಂಟ್‌ನಿಂದ ಅಂದ ಮತ್ತಷ್ಟು ಹೆಚ್ಚಿದೆ ಎನ್ನಬಹುದು.!!

ಡ್ಯುಯಲ್ ಲೈನ್ಸ್ ಕ್ಯಾಮೆರಾ ತಂದಿದೆ.!!

ವದಂತಿಗಳೇ ನಿಜವಾಗುವಂತಹ ಅತ್ಯುತ್ತಮ ಕ್ಯಾಮರಾಗಳನ್ನು ಒನ್‌ಪ್ಲಸ್ 5T ಫೋನ್‌ನಲ್ಲಿ ನೋಡಬಹುದು.! ಹಿಂಭಾಗದಲ್ಲಿ 16MP + 20MP ಡ್ಯುಯಲ್ ಲೈನ್ಸ್ ಕ್ಯಾಮೆರಾ ಹಾಗೂ 16MP ಸೆಲ್ಫಿ ಕ್ಯಾಮೆರಾವನ್ನು ಈ ಫೋನ್‌ನಲ್ಲಿ ಕಾಣಬಹುದಾಗಿದ್ದು, ಅತ್ಯಂತ ಕಡಿಮೆ ಬೆಳಕಿನಲ್ಲಿಯೂ ಉನ್ನತ ಮಟ್ಟದ ಫೋಟೊ ಚಿತ್ರಿಸಲು ಸಹಾಯಕ ಕ್ಯಾಮೆರಾಗಳಾಗಿವೆ ಎಂದು ಒನ್‌ಪ್ಲಸ್ ಕಂಪೆನಿ ಹೇಳಿಕೊಂಡಿದೆ.!!

ಪ್ರೊಸೆಸರ್ ಮತ್ತು RAM!!

6 ಜಿಬಿ RAM ಮತ್ತು 64 ಜಿಬಿ ಸ್ಟೋರೇಜ್ ಹಾಗೂ 8 ಜಿಬಿ RAM ಮತ್ತು 128 ಜಿಬಿ ಸ್ಟೋರೇಜ್ ಹೊಂದಿರುವ ಎರಡು ವೆರಿಯಂಟ್‌ಗಳಲ್ಲಿ ಸ್ಮಾರ್ಟ್‌ಫೋನ್ ಬಿಡುಗಡೆಯಾಗುತ್ತಿದೆ. ಆಕ್ಟಾ-ಕೋರ್ ಸ್ನ್ಯಾಪ್ಡ್ರಾಗನ್ 835 ಪ್ರೊಸೆಸರ್ ಮತ್ತು OnePlus 5 ಫೋನ್‌ನಲ್ಲಿ ಬಳಸಿದ 3300mAh ಬ್ಯಾಟರಿಗಿಂತ ದೊಡ್ಡದಾದ ಬ್ಯಾಟರಿಯು ಸ್ಮಾರ್ಟ್ಫೋನ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ.!!