ಒನ್‌ಪ್ಲಸ್ 6Tನಲ್ಲಿ ತ್ರಿಪಲ್ ಕ್ಯಾಮೆರಾ, ಇನ್‌ಡಿಸ್‌ಪ್ಲೇ ಫಿಂಗರ್ ಪ್ರಿಂಟ್: ಯಾಕೆ ಬೇಕು ಬೇರೆ ಫೋನ್‌..?

ಒನ್‌ಪ್ಲಸ್ 6Tನಲ್ಲಿ ದೊಡ್ಡ ಬ್ಯಾಟರಿ:

ಈಗಾಗಲೇ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬ್ಯಾಟರಿ ಹೊಂದಿರುವ ಸ್ಮಾರ್ಟ್‌ಫೋನ್‌ಗಳ ಬೇಡಿಕೆಯೂ ಹೆಚ್ಚಾಗುತ್ತಿದೆ. ಈ ಹಿನ್ನಲೆಯಲ್ಲಿ ಒನ್‌ಪ್ಲಸ್ ಸಹ ಈ ನಿಟ್ಟಿನಲ್ಲಿ ಕಾಯೋನ್ಮುಖವಾಗಿದ್ದು, ಮುಂದಿನ ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನಿನಲ್ಲಿ ಹೆಚ್ಚಿನ ಬ್ಯಾಕಪ್ ನೀಡುವಂತೆ ದೊಡ್ಡದಾದ ಬ್ಯಾಟರಿಯನ್ನು ಅಳವಡಿಸಲು ಮುಂದಾಗಿದೆ. ಒಮ್ಮೆ ಚಾರ್ಜ್ ಮಾಡಿದರೆ ಪೂರ್ತಿ ದಿನ ಬಳಕೆ ಬರುವಂತೆ ಬ್ಯಾಕಪ್ ನೀಡಲಿದೆ. ಅಲ್ಲದೇ ವೇಗದ ಚಾರ್ಜಿಂಗ್ ಸಹ ಸಪೋರ್ಟ್ ಮಾಡಲಿದೆ.

ಹೊಸ ಮಾದರಿ ಇಯರ್ ಫೋನ್:

ಇದಲ್ಲದೇ ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನ್‌ನೊಂದಿಗೆ ಒನ್‌ಪ್ಲಸ್ ಹೊಸ ಮಾದರಿಯ ಬುಲೆಟ್ ಇಯರ್ ಫೋನ್‌ವೊಂದನ್ನು ಲಾಂಚ್ ಮಾಡುತ್ತಿದೆ. ಈ ಇಯಲ್ ಫೋನ್‌ C ಟೈಪ್ ಆಗಿರಲಿದ್ದು, ಬಳಕೆದಾರರಿಗೆ ಹೊಸ ಮಾದರಿಯ ಸಂಗೀತದ ಅನುಭವನ್ನು ನೀಡಲಿದೆ ಎನ್ನಲಾಗಿದೆ. ಈ ಇಯರ್ ಫೋನ್ ವಿನ್ಯಾಸವೂ ಹೊಸ ಮಾದರಿಯಿಂದ ಕೂಡಿರಲಿದ್ದು, ಬಳಕೆದಾರರಿಗೆ ಹೆಚ್ಚಿನ ಲಾಭವಾಗಲಿದೆ. ಅಲ್ಲದೇ ಒನ್‌ಪ್ಲಸ್ 6Tನಲ್ಲಿ 3.5mm ಹೆಡ್‌ಫೋನ್ ಜಾಕ್ ಇರುವುದಿಲ್ಲ ಎಂದು ಕಂಪನಿಯೂ ಈ ಮೂಲಕ ತಿಳಿಸಿದೆ.

ಗೂಗಲ್‌ನೊಂದಿಗೆ:

ಇದಲ್ಲದೇ ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನ್ ಲಾಂಚ್ ಮಾಡುವ ಸಲುವಾಗಿ ಒನ್‌ಪ್ಲಸ್, ಟೆಕ್‌ ದೈತ್ಯ ಗೂಗಲ್ ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದೆ. ಇದಲ್ಲದೇ ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನ್‌ನಲ್ಲಿ ಬಳಕೆ ಮಾಡಿಕೊಳ್ಳುವ ಸಲುವಾಗಿ ಈ ಜೊಡಿ ಹೊಸ ಗೇಮ್‌ಗಳನ್ನು ನಿರ್ಮಾಣ ಮಾಡಿವೆ ಎನ್ನಲಾಗಿದೆ. ಇದನ್ನು ಸೆಪ್ಟೆಂಬರ್ 18 ರಂದು ಲಾಂಚ್ ಮಾಡುವುದಾಗಿಯೂ ತಿಳಿಸಿದೆ. ಅಲ್ಲದೇ ಇದಕ್ಕೆ crackables ಎಂದು ನಾಮಕರಣವನ್ನು ಮಾಡಿದ್ದು, ಸರ್ಪೈಸ್ ಕಾರ್ಯಕ್ರಮವೊಂದನ್ನು ಆಯೋಜನೆ ಮಾಡಿದೆ.

ಇನ್‌ಡಿಸ್‌ಪ್ಲೇ ಫಿಂಗರ್ ಪ್ರಿಂಟ್ ಸ್ಕ್ಯಾನರ್:

ಇದಲ್ಲದೇ ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನಿನಲ್ಲಿ ಇನ್‌ ಡಿಸ್‌ಪ್ಲೇ ಫಿಂಗರ್ ಪ್ರಿಂಟ್‌ ಸ್ಕ್ಯಾನರ್ ಅನ್ನು ಕಾಣಬಹುದಾಗಿದೆ. ಅಲ್ಲದೆ ಇದು ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿರುವ ಆಡ್ವಾನ್ಸ್ ತಂತ್ರಜ್ಞಾನದ ಸಹಾಯದಿಂದ ಕಾರ್ಯನಿರ್ವಹಿಸಲಿದ್ದು, ಬಳಕೆದಾರರಿಗೆ ಹೊಸ ಮಾದರಿಯ ಅನುಭವನ್ನು ಬಳಕೆಗೆ ನೀಡಲಿದೆ. ಇದರಿಂದ ಸ್ಮಾರ್ಟ್‌ಫೋನ್ ಹೆಚ್ಚು ಸೆಕ್ಯೂರ್ ಆಗಲಿದೆ ಎನ್ನಲಾಗಿದೆ.

ಇನ್ನು ದೊಡ್ಡದಾದ ಡಿಸ್‌ಪ್ಲೇ;

ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನ್ ಈ ಹಿಂದಿನ ಫೋನ್‌ಗಿಂತಲೂ ಹೆಚ್ಚಿನ ಪ್ರಮಾಣದ ದೊಡ್ಡದಾದ ಡಿಸ್‌ಪ್ಲೇಯನ್ನು ಹೊಂದಿರಲಿದೆ ಎನ್ನಲಾಗಿದೆ. ಇದಲ್ಲದೆ ಹೊಸ ಮಾದರಿಯ ವಿನ್ಯಾಸವನ್ನು ಒನ್‌ಪ್ಲಸ್ ಮಾರುಕಟ್ಟೆಗೆ ಲಾಂಚ್ ಮಾಡಲಿದೆ. ಈ ಬಾರಿ ಬ್ರೆಜಿಲ್ ಲೈಸ್ ಆಮೊಲೈಡ್ ಡಿಸ್‌ಪ್ಲೇಯನ್ನು ನೀಡಲಿದ್ದು, ನೋಚ್ ವಿನ್ಯಾಸದಲ್ಲಿಯೂ ಭಾರೀ ಬದಲಾವಣೆಯನ್ನು ಕಾಣುವ ಸಾಧ್ಯತೆ ಹೆಚ್ಚಾಗಿದೆ. ಇದು ಗೇಮಿಂಗ್‌ ಪ್ರಿಯರಿಗೆ ಹೇಳಿ ಮಾಡಿಸಿದಂತೆ ಇರಲಿದ್ದು, ಇದರಲ್ಲಿ ವಿಡಿಯೋ ನೋಡುವ ಅನುಭವವು ಅತ್ಯುತ್ತಮವಾಗಿರಲಿದೆ.

ಫಾಸ್ಟ್‌ ಡ್ಯಾಷ್ ಚಾರ್ಜರ್:

ಒನ್‌ಪ್ಲಸ್ 6T ಸ್ಮಾರ್ಟ್‌ಫೋನಿನಲ್ಲಿ ಇನ್ನು ಅಭಿವೃದ್ಧಿ ಪಡಿಸಿರುವ ಡ್ಯಾಷ್ ಚಾರ್ಜರ್ ಅನ್ನು ಕಾಣಬಹುದಾಗಿದೆ. ಈ ಹಿಂದಿನ ಚಾರ್ಜರ್‌ಗಿಂತಲೂ ವೇಗವಾಗಿ ಫೋನ್ ಅನ್ನು ಚಾರ್ಜ್ ಮಾಡಲಿದೆ ಎನ್ನಲಾಗಿದ್ದು, ಈಗಾಗಲೆ ಮಾರುಕಟ್ಟೆಯಲ್ಲಿ ಬೆಸ್ಟ್‌ ಇನ್ನು ಖ್ಯಾತಿಯನ್ನು ಪಡೆದುಕೊಂಡಿದ್ದು, ಇದನ್ನು ಉಳಿಸಿಕೊಂಡು ಹೋಗಲಿದೆ.

ಮೂರು ಕ್ಯಾಮೆರಾ:

ಮಾರುಕಟ್ಟೆಯೇ ತಳಮಳಗೊಳ್ಳುವಂತೆ ಮೂರು ಲೆನ್ಸ್‌ ಹೊಂದಿರುವ ಕ್ಯಾಮೆರಾವನ್ನು ಮೊದಲ ಬಾರಿಗೆ ಮಾರುಕಟ್ಟೆಗೆ ಪರಿಚಯ ಮಾಡಲು ಒನ್‌ಪ್ಲಸ್ ಮುಂದಾಗಿದೆ. ಮಾರುಕಟ್ಟೆಯಲ್ಲಿ ಇದು ಭಾರೀ ಪ್ರಮಾಣದ ಸಂಚಲನಕ್ಕೆ ಕಾರಣವಾಗಲಿದೆ. ಈಗಾಗಲೇ ಡ್ಯುಯಲ್ ಕ್ಯಾಮೆರಾ ಫೋನ್‌ಗಳನ್ನು ಬಂದಿದ್ದು, ಅದನ್ನು ಮೀರಿಸುವ ಮಾದರಿಯಲ್ಲಿ ಒನ್‌ಪ್ಲಸ್ 6T ನಿಲ್ಲಲಿದೆ.