OnePlus Nord 4: ಕಲರ್ - ಡಿಸೈನ್ ಲೀಕ್.. ಜುಲೈ 16ರಂದು ಅದ್ದೂರಿಯಾಗಿ ಬಿಡುಗಡೆ

ವಾವ್..! ಕಣ್ಣು ಕುಕ್ಕುವ ಕಲರ್, ಸ್ಟನ್ನಿಂಗ್‌ ಡಿಸೈನ್‌, ಶಕ್ತಿಶಾಲಿ ಬ್ಯಾಟರಿ. ಒನ್‌ಪ್ಲಸ್‌ ಪ್ರಿಯರಿಗೆ ಇದಕ್ಕಿಂತ ದೊಡ್ಡ ಉಡುಗೊರೆ ಮತ್ತೊಂದು ಇಲ್ಲ. ಚೀನಾದ ಸ್ಮಾರ್ಟ್‌ಫೋನ್ ಬ್ರಾಂಡ್ OnePlus Nord 4 ಶೀಘ್ರವೇ ಭಾರತಕ್ಕೆ ಎಂಟ್ರಿ ಕೊಡಲಿದೆ. ಹೌದು, OnePlus Nord 4 ಅನ್ನು ಅಂತಿಮವಾಗಿ ಜಾಗತಿಕವಾಗಿ ಬಿಡುಗಡೆ ಮಾಡಲಾಗುತ್ತದೆ. ಇದೇ ಜುಲೈ 16 ರಂದು ಇಟಲಿಯ ಮಿಲನ್‌ನಲ್ಲಿ ಅದ್ದೂರಿಯಾಗಿ ರಿಲೀಸ್ ಆಗಲಿದೆ. ಈ ಸ್ಮಾರ್ಟ್‌ಫೋನ್‌ನ ಬೆಲೆ ಮತ್ತು ಫೀಚರ್ಸ್‌ ಸೇರಿದಂತೆ ಹಲವು ವಿವರಗಳನ್ನು ಬಹಿರಂಗ ಪಡಿಸಲಾಗಿದೆ. OnePlus ನ ಮುಂಬರುವ ಈ ಸ್ಮಾರ್ಟ್‌ಫೋನ್‌ನ ಕಲರ್, ಕ್ಯಾಮೆರಾ, ಡಿಸ್ಪ್ಲೇ ಮತ್ತು ಬ್ಯಾಟರಿ ಗುಣಮಟ್ಟವು ಅತ್ಯುತ್ತಮವಾಗಿರಲಿದೆ.

ಹೌದು, ಒನ್‌ಪ್ಲಸ್ ಮೊಬೈಲ್‌ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಭರ್ಜರಿ ಡಿಮ್ಯಾಂಡ್ ಪಡೆದಿವೆ. ಗ್ರಾಹಕರು ಕೊಡುವ ಬೆಲೆಗೆ ಭರಫೂರ ಫೀಚರ್ಸ್‌ಗಳನ್ನು ನೀಡುತ್ತಲೇ, ಜನರನ್ನು ಆಕರ್ಷಿಸಿದೆ. ಪರಿಣಾಮ, ಮೊಬೈಲ್ ಪ್ರಿಯರು ಒನ್‌ಪ್ಲಸ್ ಫೋನ್‌ಗಳು ಮಾರುಕಟ್ಟೆಗೆ ಬರುವುದನ್ನೇ ಎದುರು ನೋಡುತ್ತಿರುತ್ತಾರೆ. ಇದೀಗ, ಒನ್‌ಪ್ಲಸ್‌ನ ತನ್ನ Nord ಸರಣಿಯ ಹೊಚ್ಚ ಹೊಸ OnePlus Nord 4 ಮೊಬೈಲ್ ರಿಲೀಸ್‌ ಮಾಡಲು ಸಜ್ಜಾಗಿದೆ. ಇದು ಒನ್‌ಪ್ಲಸ್ ಪ್ರಿಯರ ದಿಲ್ ಕದಿಯುವುದರಲ್ಲಿ ಡೌಟೇ ಇಲ್ಲ. ಬನ್ನಿ, ಈ ಫೋನ್‌ನ ವಿಶೇಷತೆಗಳನ್ನು ತಿಳಿಯೋಣ.

ಎರಡು ಟೋನ್ ಬ್ಯಾಕ್ ಪ್ಯಾನೆಲ್ ಡಿಸೈನ್

ಒನ್‌ಪ್ಲಸ್ ಕ್ಲಬ್‌ನ ಖಾತೆಯಿಂದ ಸೋರಿಕೆಯಾದ ಪೋಸ್ಟರ್, ಎರಡು ಟೋನ್ ಬ್ಯಾಕ್ ಪ್ಯಾನೆಲ್ ವಿನ್ಯಾಸವನ್ನು ಹೊಂದಿರುವ ನಾರ್ಡ್ 4 ಅನ್ನು ಪ್ರದರ್ಶಿಸುತ್ತದೆ. ಈ ವಿನ್ಯಾಸದ ಆಯ್ಕೆಯು Google Pixel 1, 2, ಮತ್ತು 3 ಸರಣಿಗಳಿಗೆ ವಿಲಕ್ಷಣವಾದ ಹೋಲಿಕೆಯನ್ನು ಹೊಂದಿದೆ. ಆದರೂ, ನಾರ್ಡ್ 4 ತನ್ನದೇ ಆದ ಟ್ವಿಸ್ಟ್ ಅನ್ನು ಸ್ಕ್ವೇರ್ಡ್-ಆಫ್ ಅಂಚುಗಳು, ಡ್ಯುಯಲ್ ರಿಯರ್ ಕ್ಯಾಮೆರಾ ಲೇಔಟ್ ಮತ್ತು ವಿಶಿಷ್ಟವಾದ ಒಟ್ಟಾರೆ ಸೌಂದರ್ಯವನ್ನು ಹೊಂದಿದೆ.

ಈ ಫೋನ್‌ನ ಕಲರ್‌ಗೆ ಫಿದಾ ಆಗ್ತೀರಾ..!

ಮುಂಬರುವ OnePlus Nord 4 ಒಂದು ಸೊಗಸಾದ ಮಿಡ್-ರೇಂಜರ್ ಆಗಿ ರೂಪುಗೊಳ್ಳುತ್ತಿದೆ. ಸೋರಿಕೆಯಾದ ಪ್ರಚಾರ ಸಾಮಗ್ರಿಗಳು ಅದರ ವಿನ್ಯಾಸ ಮತ್ತು ಸಂಭಾವ್ಯ ವೈಶಿಷ್ಟ್ಯಗಳ ಒಂದು ನೋಟವನ್ನು ನೀಡುತ್ತದೆ. ಸೋರಿಕೆಯಾದ ಚಿತ್ರವು ನಾರ್ಡ್ 4ಗಾಗಿ ಪ್ರಾಥಮಿಕವಾಗಿ ಲೋಹದ ನಿರ್ಮಾಣವನ್ನು ಸೂಚಿಸುತ್ತದೆ. ಹಿಂಬದಿಯ ಕ್ಯಾಮೆರಾಗಳ ಸುತ್ತಲಿನ ಮೇಲ್ಭಾಗವು ಗಾಜಿನಂತೆ ಕಾಣುತ್ತದೆ. ಪೋಸ್ಟರ್ ಮೂರು ಬಣ್ಣ ಆಯ್ಕೆಗಳನ್ನು ಬಹಿರಂಗಪಡಿಸುತ್ತದೆ. ಡಿಸೈನ್‌ ವಿಷಯದಲ್ಲಿ OnePlus ನಾರ್ಡ್‌ನಲ್ಲಿ ಬದಲಾವಣೆಗಳನ್ನು ಕಾಣಬಹುದು.

• ಫೋನ್‌ನ ಕೆಳಭಾಗದಲ್ಲಿ ಬೆಳ್ಳಿ ಬಣ್ಣ
• ಕೆಳಭಾಗದಲ್ಲಿ ಬ್ರಷ್ ಮೆಟಲ್ ಫಿನಿಶ್ ಹೊಂದಿರುವ ಮಿಂಟ್ ಗ್ರೀನ್ (ಹಸಿರು)
• ಕೆಳಭಾಗದಲ್ಲಿ ಬ್ರಷ್ ಮೆಟಲ್ ಫಿನಿಶ್ ಹೊಂದಿರುವ ಕಪ್ಪು

OnePlus Nord 4ನ ವಿಶೇಷತೆಗಳು

ಈ ಫೋನ್‌ನ ವಿಶೇಷತೆಗಳನ್ನು ನೋಡುವುದಾದರೆ, OnePlus Nord 4 6.74 ಇಂಚಿನ OLED Tianma U8+ ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಈ ಡಿಸ್ಪ್ಲೇ ಸಾಕಷ್ಟು ಅದ್ಭುತವಾಗಿರಲಿದೆ ಎಂದು ಹೇಳಲಾಗುತ್ತಿದೆ. ಉತ್ತಮ ಬಣ್ಣಗಳು ಮತ್ತು ದೃಶ್ಯಗಳು ಅದರಲ್ಲಿ ಕಾಣಿಸುತ್ತವೆ. ಫೋನ್‌ನ ಡಿಸ್ಲ್ಪೇ 1.5K ರೆಸಲ್ಯೂಶನ್ ಬೆಂಬಲದೊಂದಿಗೆ ಬರುತ್ತದೆ. OnePlus Nord 4ನ ಡಿಸ್ಲ್ಪೇ 120Hz ರಿಫ್ರೆಶ್ ರೇಟ್‌ ಬೆಂಬಲದೊಂದಿಗೆ ಬರುತ್ತದೆ. ಅಲ್ಲದೆ, 2150 ನಿಟ್‌ಗಳ ಗರಿಷ್ಠ ಬ್ರೈಟ್‌ನೆಟ್‌ ಹೊಂದಿರಲಿದೆ.

5500mAh ಬ್ಯಾಟರಿ, 100W ವೇಗದ ಚಾರ್ಜಿಂಗ್

ಈ OnePlus Nord 4 ಸ್ಮಾರ್ಟ್‌ಫೋನ್‌ನಲ್ಲಿ Qualcomm Snapdragon 7+ Gen 3 ಚಿಪ್‌ಸೆಟ್ ಅನ್ನು ಒದಗಿಸಲಾಗುತ್ತದೆ. ಪವರ್ ಬ್ಯಾಕಪ್‌ಗಾಗಿ 5500mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಈ ಫೋನ್‌ಗೆ 100W ವೇಗದ ಚಾರ್ಜಿಂಗ್ ಬೆಂಬಲವನ್ನು ಒದಗಿಸಲಾಗುತ್ತದೆ. ಬಾಕ್ಸ್ ಹೊರಗೆ ಆಧರಿಸಿ Android 14 ನಲ್ಲಿ ಫೋನ್ ಕಾರ್ಯನಿರ್ವಹಿಸುತ್ತದೆ. ಫೋನ್‌ಗೆ 4 ವರ್ಷಗಳ ಭದ್ರತಾ ಅಪ್ಡೇಟ್‌ಗಳ ಜೊತೆಗೆ 3 ವರ್ಷಗಳ ಆಂಡ್ರಾಯ್ಡ್ ನವೀಕರಣಗಳನ್ನು ನೀಡಲಾಗುವುದು.

50MP ಮುಖ್ಯ ಕ್ಯಾಮೆರಾ, 16MP ಸೆಲ್ಫಿ ಸೂಟರ್

ಈ ಸ್ಮಾರ್ಟ್‌ಫೋನ್ ಫೋನ್ ಡ್ಯುಯಲ್-ಟೋನ್ ವಿನ್ಯಾಸ ಮತ್ತು ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕವನ್ನು ಹೊಂದಿದೆ. ಹಿಂದಿನ ಕ್ಯಾಮೆರಾ ಹಿಂದಿನ OnePlus Nord 3Sಗಿಂತ ಭಿನ್ನವಾಗಿರುತ್ತದೆ. 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕವನ್ನು ಹೊಂದಿರುತ್ತದೆ. ಅಲ್ಲದೆ, 8 ಮೆಗಾಪಿಕ್ಸೆಲ್ IMX355 ಅಲ್ಟ್ರಾವೈಡ್ ಕ್ಯಾಮೆರಾ ಸಂವೇದಕವನ್ನು ಒದಗಿಸಲಾಗುವುದು. ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ, ಫೋನ್‌ನ ಮುಂಭಾಗದಲ್ಲಿ 16 ಮೆಗಾಪಿಕ್ಸೆಲ್ Samsung S5K3P9 ಸಂವೇದಕವನ್ನು ಒಳಗೊಂಡಿರಲಿದೆ.

ಈ ಫೋನ್‌ನ ಬೆಲೆ ಎಷ್ಟಿರಲಿದೆ?

OnePlus Nord 4 ಸ್ಮಾರ್ಟ್‌ಫೋನ್‌ನ ವಿವಿಧ ರೂಪಾಂತರಗಳ ಬಗ್ಗೆ ಮಾಹಿತಿಯನ್ನು ಇನ್ನೂ ಬಿಡುಗಡೆ ಮಾಡಲಾಗಿಲ್ಲ. ಆದರೆ, ಇದರ ಬೆಲೆ 31,999 ರೂಪಾಯಿ ಎಂದು ಹೇಳಲಾಗಿದೆ. ಈ ಫೋನ್‌ನ ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ಹೇಳುವುದಾದರೆ, ಇದು ಡ್ಯುಯಲ್ ಸ್ಪೀಕರ್‌ಗಳು, 5G, Wi-Fi, ಬ್ಲೂಟೂತ್ 5.4, NFC ಮತ್ತು IR ಬ್ಲಾಸ್ಟರ್ ಅನ್ನು ಹೊಂದಿದೆ. OnePlus Nord 4 ಜೊತೆಗೆ OnePlus Buds 3 Pro ಮತ್ತು OnePlus Watch 2R ಸಹ ಭಾರತದಲ್ಲಿ ಲಾಂಚ್ ಆಗಲಿದೆ.

ಜುಲೈ 16 ರಂದು ಅಧಿಕೃತವಾಗಿ ಬಿಡುಗಡೆ

OnePlus Nord 4 ಫೋನ್ ಜುಲೈ 16 ರಂದು ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಇಟಲಿಯಲ್ಲಿ ನಡೆಯುವ ಜಾಗತಿಕ ಸಮಾರಂಭದಲ್ಲಿ ಈ ಮೊಬೈಲ್‌ ಅನಾವರಣಗೊಳ್ಳಲಿದೆ. ಭಾರತದಲ್ಲಿ ಸಂಜೆ 6:30ಕ್ಕೆ ಸ್ಟ್ರೀಮಿಂಗ್ ಆಗಲಿದೆ. ವರದಿಗಳ ಪ್ರಕಾರ OnePlus Nord 4 ಮೆಟಲ್ ಗ್ಲಾಸ್ ಯುನಿಬಾಡಿ ವಿನ್ಯಾಸದಲ್ಲಿ ಬರಲಿದೆ. ಸೋರಿಕೆಯಾದ ಫೋಟೋವು ಫೋನ್ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ ಎಂದು ತೋರಿಸುತ್ತದೆ. ಒಟ್ಟಾರೆಯಾಗಿ, ಇದು ವಿಶಿಷ್ಟ ವಿನ್ಯಾಸ, ಸಂಭಾವ್ಯ ಶಕ್ತಿಶಾಲಿ ಸ್ಪೆಕ್ಸ್ ಮತ್ತು ಸ್ಪರ್ಧಾತ್ಮಕ ಬೆಲೆಯನ್ನು ನೀಡುತ್ತದೆ.

ಒಟ್ನಲ್ಲಿ, ಒನ್‌ಪ್ಲಸ್ ಕಂಪನಿಯು ಮೊಬೈಲ್ ಪ್ರಿಯರಿಗೆ ನಿರಂತರವಾಗಿ ಸಪ್ರೈಸ್‌ ಗಿಫ್ಟ್‌ ನೀಡುತ್ತಿದೆ. ಇತ್ತೀಚೆಗೆ OnePlus Nord 4ನ ಬಿಡುಗಡೆ ದಿನಾಂಕ ಬಹಿರಂಗವಾಗಿತ್ತು. ಇದೀಗ ಡಿಸೈನ್, ಕಲರ್, ಡಿಸ್ಲ್ಪೇ ಮಾಹಿತಿ ಲಭ್ಯವಾಗಿದೆ. ಈ ಹೊಸ ಮೊಬೈಲ್ ಗ್ರಾಹಕರಲ್ಲಿ ಹೆಚ್ಚು ನಿರೀಕ್ಷೆಯನ್ನು ಹುಟ್ಟುಹಾಕಿರುವುದು ಸುಳ್ಳಲ್ಲ. ಕೈಗೆಟುಕುವ ದರದಲ್ಲಿ ಅತ್ಯಾಕರ್ಷಕ ಫೀಚರ್ಸ್‌ ಮತ್ತು ಸುಧೀರ್ಘ ಬಾಳಿಕೆಯೊಂದಿಗೆ ಈ ಮೊಬೈಲ್‌ ಎಂಟ್ರಿ ಕೊಡಲಿದೆ. ಹೊಸ ಫೋನ್ ಖರೀದಿಸುವ ಬಯಕೆ ಇರುವವರು ಜುಲೈ 16 ರವರೆಗೆ ಕಾಯಲೇಬೇಕು.