ಫೆ.18 ರಂದು Google Pixel 10a ಲಾಂಚ್ ಅಧಿಕೃತ: 50 ಸಾವಿರಕ್ಕಿಂತ ಕಡಿಮೆ ಬೆಲೆ?

ಟೆಕ್ ದೈತ್ಯ ಗೂಗಲ್ ತನ್ನ ಜನಪ್ರಿಯ ಎ-ಸೀರಿಸ್ ಸ್ಮಾರ್ಟ್‌ಫೋನ್ ಸಾಲಿಗೆ ಹೊಸ ಸೇರ್ಪಡೆಯಾಗಿ Google Pixel 10a ಸ್ಮಾರ್ಟ್‌ಫೋನ್ ಅನ್ನು ಅನ್ನು ಶೀಘ್ರದಲ್ಲೇ ಪರಿಚಯಿಸಲು ಸಿದ್ಧವಾಗಿದೆ. ಕಂಪನಿಯ ಅಧಿಕೃತ ಘೋಷಣೆಯಂತೆ, ಈ ಫೋನ್ ಫೆಬ್ರವರಿ ತಿಂಗಳಲ್ಲೇ ಭಾರತ ಸೇರಿದಂತೆ ಜಾಗತಿಕ ಮಾರುಕಟ್ಟೆಗಳಲ್ಲಿ ಬಿಡುಗಡೆಯಾಗಲಿದ್ದು, ಕಳೆದ ಮಾರ್ಚ್ 2025ರಲ್ಲಿ ಬಿಡುಗಡೆಯಾದ ಪಿಕ್ಸೆಲ್ 9aಗೆ ಉತ್ತರಾಧಿಕಾರಿಯಾಗಿ ಬರುತ್ತಿದೆ. ಈ ಬಾರಿ ಉತ್ತಮ ಕ್ಯಾಮೆರಾ ಮತ್ತು ಎಐ ಅನುಭವದೊಂದಿಗೆ ಮಧ್ಯಮ ದರ್ಜೆಯ ಸ್ಮಾರ್ಟ್‌ಫೋನ್ ಬಳಕೆದಾರರನ್ನು ಗುರಿಯಾಗಿಸಿಕೊಂಡಿದೆ.

ಗೂಗಲ್ ಈಗಾಗಲೇ ದೃಢಪಡಿಸಿದಂತೆ, ಫೆಬ್ರವರಿ 18ರಂದು Google Pixel 10a ಸ್ಮಾರ್ಟ್‌ಫೋನ್ ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಈ Google Pixel 10a ಫೋನ್ ಬೆಲೆ ವಿವರಗಳನ್ನು ಕಂಪನಿ ಇನ್ನೂ ಬಹಿರಂಗಪಡಿಸಿಲ್ಲ. ಆದರೆ ಗೂಗಲ್ ಸ್ಟೋರ್‌ನಲ್ಲಿ ಮುಂಗಡವಾಗಿ ಮಾಹಿತಿಗೆ ನೋಂದಾಯಿಸುವ ಗ್ರಾಹಕರಿಗೆ ವಿಶೇಷ ಲಾಭವನ್ನು ನೀಡಲಾಗುತ್ತದೆ. ಫೆಬ್ರವರಿ 13ರ ಮಧ್ಯಾಹ್ನ 1:29ರೊಳಗೆ ನೋಂದಾಯಿಸಿದವರಿಗೆ, Google Pixel 10a ಖರೀದಿಸುವ ವೇಳೆ ಭವಿಷ್ಯದ ಆರ್ಡರ್‌ಗೆ ಅನ್ವಯಿಸುವ ಆಫರ್ ದೊರೆಯಲಿದೆ ಎಂದು ಗೂಗಲ್ ತಿಳಿಸಿದೆ.

ವಿನ್ಯಾಸದ ವಿಷಯದಲ್ಲಿ Google Pixel 10a ಸ್ಮಾರ್ಟ್‌ಫೋನ್ ತನ್ನ ಹಿಂದಿನ ಮಾದರಿಯಂತೆಯೇ ಪರಿಚಿತ ಲುಕ್ ಅನ್ನು ಮುಂದುವರಿಸಿದೆ. ಹಿಂಭಾಗದಲ್ಲಿ ಹಾರಿಜಂಟಲ್ ಪಿಲ್ ಆಕಾರದ ಕ್ಯಾಮೆರಾ ಬಾರ್ ಒಳಗೊಂಡ ಡ್ಯುಯಲ್ ಕ್ಯಾಮೆರಾ ಸೆಟ್‌ಅಪ್ ನೀಡಲಾಗಿದೆ. ಒಂದೇ ಎಲ್‌ಇಡಿ ಫ್ಲ್ಯಾಶ್ ಜೊತೆಗೆ ಮಧ್ಯಭಾಗದಲ್ಲಿ ಗೂಗಲ್ ಲೋಗೋ ಇರಲಿದೆ. ಡಿಸ್‌ಪ್ಲೇ ಭಾಗದಲ್ಲಿ ದಪ್ಪ ಬೇಜಲ್‌ಗಳು ಮತ್ತು ಮಧ್ಯದಲ್ಲಿ ಹೋಲ್-ಪಂಚ್ ಕಟ್‌ಔಟ್ ಕಾಣಿಸುತ್ತದೆ. ಅಧಿಕೃತ ಟೀಸರ್‌ನಲ್ಲಿ ಫೋನ್ ಅನ್ನು ನೀಲಿ ಬಣ್ಣದ ಆಯ್ಕೆಯಲ್ಲಿ ಪ್ರದರ್ಶಿಸಲಾಗಿದೆ.

Photo Credit: