ಸದ್ದು ಮಾಡುತ್ತಿದೆ ಗೂಗಲ್ ಪಿಕ್ಸೆಲ್ 3 ಲೀಕ್ ಫೋಟೋ: ಬಿಡುಗಡೆ ಡೇಟ್ ಫಿಕ್ಸ್..!

ಆಪಲ್ ನೋಚ್:

ಐಫೋನ್ ‍X ನಲ್ಲಿ ಕಾಣಿಸಿಕೊಂಡಿರುವ ನೋಚ್ ಮಾದರಿಯ ವಿನ್ಯಾಸವನ್ನು ಪಿಕ್ಸೆಲ್​ 3 ಸ್ಮಾರ್ಟ್​ಫೋನಿನಲ್ಲಿ ಕಾಣಬಹುದಾಗಿದೆ. ಇದರಿಂದಾಗಿ ಪಿಕ್ಸಲ್ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸಾಕಷ್ಟು ಬೇಡಿಕೆಯನ್ನು ಸೃಷ್ಠಿಸಿಕೊಳ್ಳಲಿದೆ.

ಹೊಸ ವಿನ್ಯಾಸ:

ಗೂಗಲ್​ನವರ ನೂತನ ಪಿಕ್ಸೆಲ್​ XL ಸ್ಮಾರ್ಟ್​ಫೋನ್​ ಮುಂಭಾಗದಲ್ಲಿ ಸೆಲ್ಫಿಗಾಗಿ ಡ್ಯುಯಲ್​ ಕ್ಯಾಮೆರಾವನ್ನು ನೀಡಲಾಗಿದೆ. ಅಲ್ಲದೇ ಇದು ಹೊಸ ಮಾದರಿಯದಾಗಿದ್ದು, ಯಾವುದೇ ಟಾಪ್ ಎಂಡ್ ಸ್ಮಾರ್ಟ್‌ಫೋನ್‌ಗಳು ಈ ಮಾದರಿಯ ಆಯ್ಕೆಯನ್ನು ಹೊಂದಿಲ್ಲ ಎನ್ನಲಾಗಿದೆ.

ದೊಡ್ಡ ಡಿಸ್‌ಪ್ಲೇ:

ಗೂಗಲ್ ಪಿಕ್ಸೆಲ್ 3 XL ಸ್ಮಾರ್ಟ್‌ಫೋನಿನಲ್ಲಿ ದೊಡ್ಡ ಮಾದರಿಯ ​5.5 FHD ಪ್ಲಸ್ ಗುಣಮಟ್ಟದ ​ಡಿಸ್‌ಪ್ಲೇಯನ್ನು ಕಾಣಬಹುದಾಗಿದೆ. ಈ ಹಿಂದೆ ಬಿಡುಗಡೆಯಾಗಿದ್ದ ಎಲ್ಲಾ ಮೊಬೈಲ್​ಗಿಂತಲೂ ದೊಡ್ಡ ಡಿಸ್​ಪ್ಲೇಯನ್ನು ಗೂಗಲ್ ಪಿಕ್ಸೆಲ್ 3 XL ಸ್ಮಾರ್ಟ್‌ಫೋನಿನಲ್ಲಿ ಅಳವಡಿಸಲಾಗಿದೆ. ಇದರಿಂದಾಗಿ ವೀಡಿಯೋ ನೋಡುವ ವಿಧಾನವು ಉತ್ತಮವಾಗಲಿದೆ.

ಟಾಪ್ ಎಂಡ್ ಪ್ರೋಸೆಸರ್;

ಗೂಗಲ್ ಪಿಕ್ಸೆಲ್ 3 XL ಸ್ಮಾರ್ಟ್‌ಫೋನಿನಲ್ಲಿ ಸ್ನಾಪ್​ಡ್ರಾಗನ್​ 845 ಪ್ರೊಸೆಸರ್​ ಅನ್ನು ಹೊಂದಿರಲಿದೆ ಎನ್ನಲಾಗಿದೆ. ಇದು ಟಾಪ್ ಎಂಡ್ ಪ್ರೋಸೆಸರ್ ಆಗಿದೆ. ಅಲ್ಲದೇ ಟಾಪ್ ಎಂಡ್ GPUವನ್ನು ಹೊಂದಿದ್ದು, ವೇಗದ ಮತ್ತು ಗ್ರಾಫಿಕ್ಸ್ ಗೇಮ್‌ಗಳನ್ನು ಆಡಲು ಇದು ಸಹಾಯವನ್ನು ಮಾಡುತ್ತಿದೆ.

ಆಂಡ್ರಾಯ್ಡ್ P:

ಆಂಡ್ರಾಯ್ಡ್ P ನೊಂದಿಗೆ ಗೂಗಲ್ ಪಿಕ್ಸೆಲ್ 3 XL ಸ್ಮಾರ್ಟ್‌ಫೋನ್‌ ಕಾಣಿಸಿಕೊಳ್ಳಲಿದೆ. ಇದಲ್ಲದೇ ಇದರಲ್ಲಿ 4 GB RAM ನೀಡಲಾಗಿದೆ. ಅಲ್ಲದೇ ಎರಡು ಮಾದರಿಯ ಆವೃತ್ತಿಯಲ್ಲಿ ಈ ಸ್ಮಾರ್ಟ್‌ಫೋನ್ ಕಾರ್ಯನಿರ್ವಹಿಸಲಿದೆ ಎನ್ನಲಾಗಿದೆ.

ಹಿಂಭಾಗದಲ್ಲಿ ಸಿಂಗಲ್ ಕ್ಯಾಮೆರಾ:

ಆದರೆ ಗೂಗಲ್ ಪಿಕ್ಸೆಲ್ 3 XL ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾವನ್ನು ಹೊಂದಿಲ್ಲ ಎನ್ನಲಾಗಿದೆ. ಈ ಹಿಂದಿನ ಸ್ಮಾರ್ಟ್‌ಫೋನ್‌ಗಳಲ್ಲಿ ಕಾಣಿಸಿಕೊಂಡ ಮಾದರಿಯಲ್ಲಿಯೇ ಸಿಂಗಲ್ ಕ್ಯಾಮೆರಾವನ್ನು ನೀಡಲಾಗಿದೆ. ಆದರೆ ಕ್ಯಾಮೆರಾ UI ಅನ್ನು ಬದಲಾವಣೆ ಮಾಡಲಾಗಿದೆ.