ಭಾರತದಲ್ಲಿ POCO C85 5G ಬಿಡುಗಡೆ: ಕೇವಲ 10,999 ರೂ.ಗೆ ಭರ್ಜರಿ ಫೋನ್!

ಭಾರತದ ಬಜೆಟ್ 5G ಮಾರುಕಟ್ಟೆ ಮತ್ತಷ್ಟು ಸ್ಪರ್ಧಾತ್ಮಕವಾಗುವಂತೆ POCO ತನ್ನ ಹೊಸ POCO C85 5G ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಿದೆ. ಕಡಿಮೆ ಬೆಲೆಯಲ್ಲೇ ದೊಡ್ಡ ಡಿಸ್ಪ್ಲೇ, ಬಲವಾದ ಬ್ಯಾಟರಿ ಮತ್ತು ದಿನನಿತ್ಯದ ಬಳಕೆಗೆ ಸಾಕಾಗುವ ಕಾರ್ಯಕ್ಷಮತೆ ನೀಡುವ ಉದ್ದೇಶದಿಂದ ಈ ಹೊಸ ಫೋನ್ ವಿನ್ಯಾಸಗೊಳಿಸಲಾಗಿದ್ದು, ಈ ಮಾದರಿಯು Infinix Hot 50, iQOO Z10 Lite, Oppo K13x ಮತ್ತು Lava Blaze 3 ಮೊದಲಾದ ಜನಪ್ರಿಯ ಫೋನ್‌ಗಳಿಗೆ ನೇರ ಸ್ಪರ್ಧಿಯಾಗಿ ಬಂದಿದೆ. ಹಾಗಾದರೆ, ಹೊಸ POCO C85 5G ಫೋನ್ ಹೇಗಿದೆ ಎಂಬುದನ್ನು ನೋಡೋಣ ಬನ್ನಿ.

POCO C85 5G: ಬೆಲೆ ಹಾಗೂ ಲಾಂಚ್ ಕೊಡುಗೆಗಳು
POCO C85 5G ಅನ್ನು ಮೂರು ಸ್ಟೋರೇಜ್ ಮಾದರಿಗಳಲ್ಲಿ ಪರಿಚಯಿಸಲಾಗಿದೆ.
4GB + 128GB - ₹11,999
6GB + 128GB - ₹12,999
8GB + 128GB - ₹13,999
ಖರೀದಿದಾರರಿಗೆ ಇನ್ನಷ್ಟು ಆಕರ್ಷಕವಾಗುವಂತೆ POCO ಈ ಫೋನ್‌ಗಳ ಮೇಲೆ ₹1,000 ಬ್ಯಾಂಕ್ ಡಿಸ್ಕೌಂಟ್ ಅಥವಾ ₹1,000 ಎಕ್ಸ್‌ಚೇಂಜ್ ಬೋನಸ್ ನೀಡುತ್ತಿದೆ. ಇದರಿಂದ ಫೋನ್‌ನ ಪ್ರಭಾವಿ ಬೆಲೆ ₹10,999 ನಿಂದ ಪ್ರಾರಂಭವಾಗುತ್ತದೆ. ಇನ್ನು ಈ ಫೋನ್‌ ಡಿಸೆಂಬರ್ 16, ಮಧ್ಯಾಹ್ನ 12 ಗಂಟೆಯಿಂದ Flipkart ನಲ್ಲಿ ಮಾರಾಟಕ್ಕೆ ಲಭ್ಯವಾಗಲಿದ್ದು, ಗ್ರಾಹಕರು Mystic Purple, Spring Green, Power Black ಮೂರು ಬಣ್ಣ ಆಯ್ಕೆಗಳಲ್ಲಿ ಖರೀದಿಸಬಹುದು.

POCO C85 5G: ಪ್ರಮುಖ ವೈಶಿಷ್ಟ್ಯಗಳು
ನೋಡಲು ಆಕರ್ಷಕವಾಗಿರುವ POCO C85 5G ಫೋನ್ 7.99mm ದಪ್ಪ ಇದೆ. ಇದರ ಸ್ಲಿಮ್ ಬಾಡಿ ಮತ್ತು ಕ್ವಾಡ್-ಕರ್ವ್ಡ್ ಡಿಸೈನ್ ಯುವ ಬಳಕೆದಾರರಿಗೆ ವಿಶೇಷವಾಗಿ ಇಷ್ಟವಾಗುವಂತಿದೆ. ಡಿಸ್‌ಪ್ಲೇ ವಿಭಾಗದಲ್ಲಿ, ಈ ಫೋನಿನಲ್ಲಿ ದೊಡ್ಡ 6.9-ಇಂಚಿನ HD+ ಸ್ಕ್ರೀನ್ ಇದೆ. ಇದರಲ್ಲಿ 120Hz ಅಡಾಪ್ಟಿವ್ ರಿಫ್ರೆಶ್ ರೇಟ್‌ ಇದ್ದು, ಸ್ಕ್ರೋಲಿಂಗ್ ಮತ್ತು ಗೇಮಿಂಗ್ ಅನುಭವ ಇನ್ನಷ್ಟು ಮೃದುಗೊಳ್ಳುತ್ತದೆ. ಇದೇ ವೇಳೆ IP64 ರೇಟಿಂಗ್ basics-level ನೀರು-ಧೂಳು ರಕ್ಷಣೆಯನ್ನು ನೀಡುತ್ತದೆ.

ಕಾರ್ಯಕ್ಷಮತೆಗಾಗಿ, POCO C85 5G ಫೋನ್ MediaTek Dimensity 6300 ಚಿಪ್‌ಸೆಟ್‌ನಿಂದ ಚಾಲಿತವಾಗಿರುವ POCO C85 5G ದಿನನಿತ್ಯದ ಬಳಕೆ, ಹಗುರ ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್‌ಗಾಗಿ ಸಮರ್ಪಕವಾದ ಶಕ್ತಿ ಒದಗಿಸುತ್ತದೆ. ಕಂಪನಿ ಹೇಳುವಂತೆ, ಈ ಪ್ರೊಸೆಸರ್ 4.5 ಲಕ್ಷಕ್ಕೂ ಹೆಚ್ಚಿನ AnTuTu ಸ್ಕೋರ್ ಸಾಧಿಸಬಹುದು.ಫೋನ್ ಗರಿಷ್ಠ 8GB RAM, 128GB UFS 2.2 ಸ್ಟೋರೇಜ್, ಹಾಗೂ 1TB ವರೆಗೆ ಹೆಚ್ಚಿಸಬಹುದಾದ microSD ಬೆಂಬಲ ಒದಗಿಸುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ, ಈ ಫೋನ್ ಹಿಂಬದಿಯಲ್ಲಿ 50MP AI ಡ್ಯುಯಲ್ ಕ್ಯಾಮೆರಾ ಸೆಟ್‌ಅಪ್ ಹೊಂದಿದ್ದರೆ, ಮುಂಭಾಗದಲ್ಲಿ 8MP ಸೆಲ್ಫಿ ಕ್ಯಾಮೆರಾ ಇದೆ. ಬ್ಯಾಟರಿ ವಿಭಾಗದಲ್ಲಿ, 6,000mAh ದೊಡ್ಡ ಬ್ಯಾಟರಿ ಇದೆ. ಇದು 33W ಫಾಸ್ಟ್ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದ್ದು, 50% ಚಾರ್ಜ್ ಆಗಲು ಕೇವಲ 28 ನಿಮಿಷ ತೆಗೆದುಕೊಳ್ಳುತ್ತದೆ ಎಂದು ಕಂಪೆನಿ ಹೇಳಿದೆ. ಹೆಚ್ಚುವರಿಯಾಗಿ, ಫೋನ್‌ನಲ್ಲಿ 10W ರಿವರ್ಸ್ ಚಾರ್ಜಿಂಗ್ ಸೌಲಭ್ಯವೂ ಇದ್ದು, ಸಣ್ಣ ಸಾಧನಗಳಿಗೆ ಪವರ್‌ಬ್ಯಾಂಕ್ ಆಗಿಯೂ ಕೆಲಸ ಮಾಡುತ್ತದೆ.

ಸಾಫ್‌ವೇರ್ ವಿಭಾಗದಲ್ಲಿ POCO C85 5G ನಲ್ಲಿ ಹೊಸ HyperOS 2.2, Android 15 ಇದ್ದು, ಬಳಕೆದಾರರರಿಗೆ POCO 2 ವರ್ಷಗಳ Android ಅಪ್‌ಡೇಟ್ ಮತ್ತು 4 ವರ್ಷಗಳ ಭದ್ರತಾ ಪ್ಯಾಚ್‌ಗಳು ಒದಗಿಸಲಾಗುವುದಾಗಿ ಘೋಷಿಸಿದೆ. ಒಟ್ಟಾರೆ ಸಾರಾಂಶವಾಗಿ, ₹12,000 ಒಳಗಿನ ಸೆಗ್ಮೆಂಟ್‌ನಲ್ಲಿ ದೊಡ್ಡ ಸ್ಕ್ರೀನ್, ವಿಶಾಲ ಬ್ಯಾಟರಿ, 5G ಬೆಂಬಲ ಮತ್ತು ಸ್ವಚ್ಛ ಸಾಫ್ಟ್‌ವೇರ್ ಅನುಭವ ಬಯಸುವ ಬಳಕೆದಾರರಿಗೆ POCO C85 5G ಉತ್ತಮ ಆಯ್ಕೆಯಾಗಬಹುದು. ಮತ್ತು ಬಜೆಟ್ 5G ವಿಭಾಗದಲ್ಲಿ ಗಮನ ಸೆಳೆಯುವ ಸಾಧ್ಯತೆ ಇದೆ.