ಶಿಯೋಮಿಯ ಅತ್ಯಂತ ಶಕ್ತಿಶಾಲಿ ಫೋನ್ 16,499 ರುಪಾಯಿಗೆ

ಶಿಯೋಮಿ ಪೋಕೋ ಎಫ್1 ಆಫರ್ ಗಳು:

ಫ್ಲಿಪ್ ಕಾರ್ಟ್ ನಲ್ಲಿ ಪೋಕೋ ಎಫ್1 ಸ್ಮಾರ್ಟ್ ಫೋನಿಗೆ 3,000 ರುಪಾಯಿ ರಿಯಾಯಿತಿ ಬೆಲೆ ಲಭ್ಯವಿದೆ. ಐಸಿಐಸಿಐ ಬ್ಯಾಂಕಿನ ಕ್ರೆಡಿಟ್/ಡೆಬಿಟ್ ಕಾರ್ಡ್ ಬಳಸಿ ಶಾಪಿಂಗ್ ಮಾಡಿದರೆ ಹೆಚ್ಚುವರಿಯಾಗಿ 1,500 ರುಪಾಯಿ ರಿಯಾಯಿತಿ ಸಿಗುತ್ತದೆ.

ಪೋಕೋ ಎಫ್1 ನ ಎಲ್ಲಾ ಮೂರು ಸ್ಟೋರೇಜ್ ವೇರಿಯಂಟ್ ನ ಫೋನ್ ಗಳಿಗೂ ಕೂಡ 3,500 ರುಪಾಯಿ ರಿಯಾಯಿತಿ ಬೆಲೆ ಲಭ್ಯವಿದೆ.ಮೂರು ವೇರಿಯಂಟ್ ಗಳು 6GB RAM+64GB ಇಂಟರ್ನಲ್ ಸ್ಟೋರೇಜ್, 6GB RAM+128GB ಇಂಟರ್ನಲ್ ಸ್ಟೋರೇಜ್ ಮತ್ತು 8GB RAM+256GB ಸ್ಟೋರೇಜ್ ವ್ಯವಸ್ಥೆಯನ್ನು ಹೊಂದಿದೆ. ರಿಯಾಯಿತಿಯ ನಂತರ ಪೋಕೋ ಎಫ್1 (6GB RAM+64GB ROM) ನ್ನು ರುಪಾಯಿ16,499 ಕ್ಕೆ (6GB RAM+128GB ROM) ನ್ನು ರುಪಾಯಿ 19,499ಕ್ಕೆ ಮತ್ತು (8GB RAM+256GB ROM) ನ್ನು ರುಪಾಯಿ 23,499 ಕ್ಕೆ ಖರೀದಿಸುವುದಕ್ಕೆ ಅವಕಾಶವಿದೆ.

ಶಿಯೋಮಿ ಪೋಕೋ ಎಫ್1 ವೈಶಿಷ್ಟ್ಯತೆಗಳು :

ಪೋಕೋ ಎಫ್1 ಪಾಲಿಕಾರ್ಬೋನೇಟ್ ಯುನಿಬಾಡಿ ಡಿಸೈನ್ ಮತ್ತು 6.18- ಇಂಚಿನ ಸ್ಕ್ರೀನ್ FHD+ ರೆಸಲ್ಯೂಷನ್ (2340 x 1080 ಪಿಕ್ಸಲ್ಸ್) ಜೊತೆಗೆ ನಾಚ್ ಡಿಸ್ಪ್ಲೇ ಯನ್ನು ಹೊಂದಿದ್ದು ಅದರ ಅನುಪಾತ 19:9 ಆಗಿದೆ. ಇದು ಕ್ವಾಲ್ಕಂ 2.8Ghz 10nn ಫಿನ್ಫಿಟ್ ಸ್ನ್ಯಾಪ್ ಡ್ರ್ಯಾಗನ್ 845 ಪ್ರೊಸೆಸರ್ ಜೊತೆಗೆ Adreno 630 GPUವನ್ನು ಹೊಂದಿದೆ.

ಇತರೆ ಫೀಚರ್ ಗಳು:

ಇದು MIUI ನಲ್ಲಿ ರನ್ ಆಗುತ್ತದೆ. ಶಿಯೋಮಿಯ ಸ್ವಂತ ಕಸ್ಟಮ್ UI ಜೊತೆಗೆ ಪೋಕೋ ಲಾಂಚರ್ ನ್ನು ಇದು ಹೊಂದಿದ್ದು ಆಂಡ್ರಾಯ್ಡ್ 8.1 ಓರಿಯೋ ಆಪರೇಟಿಂಗ್ ಆಧಾರಿತವಾಗಿ ರನ್ ಆಗುತ್ತದೆ. 4000mAh ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದ್ದು 8 ಘಂಟೆಗಳ ಗೇಮಿಂಗ್, 30 ಘಂಟೆಗಳ ಟಾಕ್ ಟೈಮ್ ಮತ್ತು 15 ದಿನಗಳ ಸ್ಟ್ಯಾಂಡ್ ಬೈ ಸಮಯವನ್ನು ಇದು ನೀಡುತ್ತದೆ ಜೊತೆಗೆ ಕ್ವಿಕ್ ಚಾರ್ಜ್ 3.0ಗೆ ಬೆಂಬಲ ನೀಡುತ್ತದೆ.

ಕ್ಯಾಮರಾ ವೈಶಿಷ್ಟ್ಯತೆಗಳು:

ಫೋಟೋ ಕ್ಲಿಕ್ಕಿಸುವುದಕ್ಕೆ ಶಿಯೋಮಿ ಪೋಕೋ ಎಫ್1 ನಲ್ಲಿ ಸೆಲ್ಫೀ ಕ್ಯಾಮರಾ ವ್ಯವಸ್ಥೆ ಇದ್ದು 20- ಮೆಗಾಪಿಕ್ಸಲ್ ಸೆನ್ಸರ್ ನ್ನು ಹೊಂದಿದೆ ಜೊತೆಗೆ ಬ್ಯುಟಿಫಿಕೇಷನ್ ಫೀಚರ್ ನ್ನು ಒಳಗೊಂಡಿದೆ. ಹಿಂಭಾಗದಲ್ಲಿ ಡುಯಲ್ ಕ್ಯಾಮರಾ ವ್ಯವಸ್ಥೆ ಇದ್ದು 12 ಮೆಗಾಪಿಕ್ಸಲ್ ನ ಸೋನಿ IMX363 ಸೆನ್ಸರ್ ಮತ್ತು 5 ಮೆಗಾಪಿಕ್ಸಲ್ ನ ಸೆಕೆಂಡರಿ ಸೆನ್ಸರ್ ಕಾರ್ಯ ನಿರ್ವಹಿಸುತ್ತದೆ. ಇದು ಡುಯಲ್ ಪಿಕ್ಸಲ್ ಆಟೋ ಫೋಕಸ್ ಫೀಚರ್ ಮತ್ತು ರಿಯಲ್ ಟೈಮ್ ಎಐ ಫೋಟೋಗ್ರಫಿಗೆ ಬೆಂಬಲ ನೀಡುತ್ತದೆ. ಒಂದೇ ಸಮಯಕ್ಕೆ ಕ್ಯಾಮರಾವು 206 ಸೀನ್ ಗಳನ್ನು ಕ್ಯಾಪ್ಚರ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.