ಭಾರತದಲ್ಲಿ ಇಂದಿನಿಂದ Poco M7 Plus 5G ಸೇಲ್!..ಹೊಸ ದಾಖಲೆ ಬರೆಯಲಿದೆಯಾ?

ಭಾರತೀಯ ಸ್ಮಾರ್ಟ್‌ಫೋನ್ ಪ್ರಿಯರು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿರುವ Poco M7 Plus 5G ಫೋನ್ ಇಂದು (ಆಗಸ್ಟ್ 19 )ದೇಶದಲ್ಲಿ ಮೊದಲ ಬಾರಿಗೆ ಮಾರಾಟಕ್ಕೆ ಬರುತ್ತಿದೆ. ಇಂದು ಮಧ್ಯಾಹ್ನ 12 ಗಂಟೆಯಿಂದ ಫ್ಲಿಪ್‌ಕಾರ್ಟ್‌ನಲ್ಲಿ Poco M7 Plus 5G ಫೋನ್ ಖರೀದಿಗೆ ಲಭ್ಯವಿರಲಿದ್ದು, ಗ್ರಾಹಕರು ಬ್ಯಾಂಕ್ ರಿಯಾಯಿತಿಯ ನಂತರ ಆರಂಭಿಕ 12,999 ರೂ.ಗಳ ಆರಂಭಿಕ ಬೆಲೆಯಲ್ಲಿ ಖರೀದಿಸಬಹುದು. ಹಾಗಾದರೆ, ಹೊಸ Poco M7 Plus 5G ಫೋನ್ ಹೇಗಿದೆ?, ಸಂಪೂರ್ಣ ಬೆಲೆಗಳು ಎಷ್ಟು? ಮತ್ತು ಕೊಡುಗೆಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.

Poco M7 Plus 5G: ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Poco M7 Plus 5G ಫೋನ್ ಆಕ್ವಾ ಬ್ಲೂ, ಕಾರ್ಬನ್ ಬ್ಲ್ಯಾಕ್ ಮತ್ತು ಕ್ರೋಮ್ ಸಿಲ್ವರ್ ಬಣ್ಣಗಳಲ್ಲಿ ಎರಡು ವಿಭಿನ್ನ ಆವೃತ್ತಿಗಳಲ್ಲಿ ಲಭ್ಯವಿದೆ. ಇದರ ಮೂಲ ಮಾದರಿ 6GB RAM + 128GB ಮೆಮೊರಿ ಫೋನ್ ಬೆಲೆ ರೂ. 13,999 ಆಗಿದ್ದರೆ, 8GB RAM + 256GB ಸಂಗ್ರಹಣೆಯ ಉನ್ನತ ಮಾದರಿಯ ಬೆಲೆ ರೂ. 14,999 ಆಗಿದೆ.

ಬ್ಯಾಂಕ್ ಆಫರ್‌ಗಳೊಂದಿಗೆ ಖರೀದಿದಾರರು ರಿಯಾಯಿತಿ ಪಡೆಯಬಹುದಾಗಿದೆ. HDFC, SBI, ಅಥವಾ ICICI ಬ್ಯಾಂಕ್ ಕಾರ್ಡ್‌ಗಳ ಮೂಲಕ ಖರೀದಿಸಿದರೆ, 1,000 ರೂ. ತಕ್ಷಣದ ರಿಯಾಯಿತಿ ಲಭ್ಯವಿದೆ. ಇದರಿಂದ ಫೋನಿನ ಆರಂಭಿಕ 12,999 ರೂ.ಗೆ ದೊರೆಯಲಿದೆ.ಇದರ ಜೊತೆಗೆ, ಅರ್ಹ ಸಾಧನಗಳ ಮೇಲೆ ವಿನಿಮಯ ಬೋನಸ್ ಆಗಿ ಹೆಚ್ಚುವರಿ ರೂ. 1,000 ಪಡೆಯುವ ಅವಕಾಶವೂ ಇದೆ.

ಭಾರತದ ಮೊಬೈಲ್ ಮಾರುಕಟ್ಟೆಯು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿದ್ದ Poco M7 Plus 5G ಫೋನ್ ಇದೇ ಆಗಸ್ಟ್ 13 ರಂದು ದೇಶದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಯಿತು. ಹಲವು ದಿನಗಳಿಂದ ವದಂತಿಗಳ ಮೂಲಕವೇ ಚರ್ಚೆಯಾಗುತ್ತಿದ್ದ ಈ ಹೊಸ Poco ಫೋನ್, ಶಕ್ತಿಯುತ ಬ್ಯಾಟರಿ ಹಾಗೂ ಆಕರ್ಷಕ ವೈಶಿಷ್ಟ್ಯಗಳೊಂದಿಗೆ ಬಂದಿದೆ. ಇದರಲ್ಲಿ 144Hz ರಿಫ್ರೆಶ್ ರೇಟ್‌ ಡಿಸ್‌ಪ್ಲೇ, 7,000mAh ಬ್ಯಾಟರಿ ಮತ್ತು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ ಪ್ರೊಸೆಸರ್ ಸೇರಿದಂತೆ ಹಲವು ಗಮನಸೆಳೆಯುವ ಫೀಚರ್ಸ್ ಇವೆ.

Poco M7 Plus 5G: ಪ್ರಮುಖ ವೈಶಿಷ್ಟ್ಯಗಳು
Poco M7 Plus 5G ಸ್ಮಾರ್ಟ್‌ಫೋನ್ 6.9-ಇಂಚಿನ ಫುಲ್-HD+ ಡಿಸ್ಪ್ಲೇ ಹೊಂದಿದೆ, ಇದು 144Hz ರಿಫ್ರೆಶ್ ರೇಟ್ ಮತ್ತು 850 nits ಗರಿಷ್ಠ ಬ್ರೈಟ್‌ನೆಸ್ ಮಟ್ಟವನ್ನು ಒದಗಿಸುತ್ತದೆ. ಈ ಡಿಸ್ಪ್ಲೇ TÜV ರೈನ್‌ಲ್ಯಾಂಡ್‌ನಿಂದ ಟ್ರಿಪಲ್ ಪ್ರಮಾಣೀಕರಣಗಳನ್ನು ಹೊಂದಿದ್ದು, ಕಣ್ಣಿನ ಸುರಕ್ಷತೆಗೆ ಆದ್ಯತೆ ನೀಡುತ್ತದೆ. ಈ ಫೋನ್‌ನ ಕಾರ್ಯಕ್ಷಮತೆಯ ಬಗ್ಗೆ ಹೇಳುವುದಾದರೆ, ಇದು ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ 6s Gen 3 SoC ಪ್ರೊಸೆಸರ್‌ನಿಂದ ಚಾಲಿತವಾಗಿದೆ. ಜೊತೆಗೆ, 8GB ವರೆಗೆ LPDDR4x RAM ಅನ್ನು ಹೊಂದಿದೆ, ಇದನ್ನು ವಾಸ್ತವಿಕವಾಗಿ 16GB ವರೆಗೆ ವಿಸ್ತರಿಸಬಹುದು. ಇದರ ಆಂತರಿಕ ಸಂಗ್ರಹಣೆ 128GB ವರೆಗೆ UFS 2.2 ತಂತ್ರಜ್ಞಾನವನ್ನು ಬಳಸುತ್ತದೆ.

ಕ್ಯಾಮರಾ ವಿಭಾಗದಲ್ಲಿ, Poco M7 Plus 5G ಹಿಂಭಾಗದಲ್ಲಿ 50-ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮರಾ ಮತ್ತು ಇನ್ನೊಂದು ಸೆಕೆಂಡರಿ ಕ್ಯಾಮರಾವನ್ನು ಒಳಗೊಂಡಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ, ಇದು 8-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮರಾ ಹೊಂದಿದೆ. ಈ ಕ್ಯಾಮರಾಗಳು 1080p/30fps ವರೆಗೆ ವೀಡಿಯೊ ರೆಕಾರ್ಡಿಂಗ್ ಅನ್ನು ಬೆಂಬಲಿಸುತ್ತವೆ. ಈ ಫೋನ್‌ನ ಪ್ರಮುಖ ಆಕರ್ಷಣೆ ಅದರ ಬ್ಯಾಟರಿ. ಇದು 7,000mAh ಸಾಮರ್ಥ್ಯದ ಸಿಲಿಕಾನ್-ಕಾರ್ಬನ್ ಬ್ಯಾಟರಿ ಹೊಂದಿದ್ದು, 33W ವೇಗದ ವೈರ್ಡ್ ಚಾರ್ಜಿಂಗ್ ಮತ್ತು 18W ರಿವರ್ಸ್ ವೈರ್ಡ್ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಇದು ಬಳಕೆದಾರರಿಗೆ ದೀರ್ಘಾವಧಿಯ ಬಳಕೆಯನ್ನು ಖಚಿತಪಡಿಸುತ್ತದೆ.

ಇತರ ವೈಶಿಷ್ಟ್ಯಗಳ ಬಗ್ಗೆ ನೋಡುವುದಾದರೆ, Poco M7 Plus 5G ಆಂಡ್ರಾಯ್ಡ್ 15 ಆಧಾರಿತ ಹೈಪರ್‌ಓಎಸ್ 2.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು ಎರಡು ವರ್ಷಗಳ ಪ್ರಮುಖ ಓಎಸ್ ಅಪ್‌ಗ್ರೇಡ್‌ಗಳು ಮತ್ತು ನಾಲ್ಕು ವರ್ಷಗಳ ಭದ್ರತಾ ನವೀಕರಣಗಳನ್ನು ಪಡೆಯುತ್ತದೆ. ಸುರಕ್ಷತೆಗಾಗಿ, ಈ ಸ್ಮಾರ್ಟ್‌ಫೋನ್ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಅನ್ನು ಹೊಂದಿದೆ. ಸಂಪರ್ಕಕ್ಕಾಗಿ, ಇದು 5G, 4G, ಬ್ಲೂಟೂತ್ 5.1, ವೈ-ಫೈ, GPS ಮತ್ತು USB Type-C ಪೋರ್ಟ್ ಅನ್ನು ಹೊಂದಿದೆ. ಧೂಳು ಮತ್ತು ನೀರಿನ ಹನಿಗಳಿಂದ ರಕ್ಷಣೆಗಾಗಿ ಇದು IP64 ರೇಟಿಂಗ್ ಹೊಂದಿದೆ, ಇದು ಇದರ ಬಾಳಿಕೆಯನ್ನು ಹೆಚ್ಚಿಸುತ್ತದೆ.

ಈ ಹೊಸ Poco M7 Plus 5G ಫೋನ್ Poco M7 ಸರಣಿಯ ಈ ಹೊಸ ಸೇರ್ಪಡೆಯಾಗಿದ್ದು, ಈಗಾಗಲೇ ಮಾರುಕಟ್ಟೆಯಲ್ಲಿ ಲಭ್ಯವಿರುವ Poco M7 5G ಮತ್ತು Poco M7 Pro 5G ಮಾದರಿಗಳೊಂದಿಗೆ ಶ್ರೇಣಿಯನ್ನು ವಿಸ್ತರಿಸಿದೆ.