ಭಾರತದಲ್ಲಿ Poco M8 5G ಫೋನ್ ಲಾಂಚ್: ಬಜೆಟ್ ಬೆಲೆಯಲ್ಲಿ ಪ್ರೀಮಿಯಂ ಫೀಲಿಂಗ್!

ಭಾರತದ ಸ್ಮಾರ್ಟ್‌ಫೋನ್ ಪ್ರಿಯರು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿದ್ದ Poco M8 5G ಸ್ಮಾರ್ಟ್‌ಫೋನ್ ಇಂದು(ಜ.8 ಗುರುವಾರ) ದೇಶದ ಮಾರುಕಟ್ಟೆಗೆ ಭರ್ಜರಿಯಾಗಿ ಬಿಡುಗಡೆಯಾಗಿದೆ. 6.77-ಇಂಚಿನ 3D ಕರ್ವ್ಡ್ ಡಿಸ್ಪ್ಲೇ, ಕ್ವಾಲ್ಕಾಮ್‌ನ ಆಕ್ಟಾ ಕೋರ್ ಸ್ನಾಪ್‌ಡ್ರಾಗನ್ 6 ಸರಣಿಯ ಚಿಪ್‌ಸೆಟ್, ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಮತ್ತು IP65 + IP66 ರೇಟಿಂಗ್‌ಗಳೊಂದಿಗೆ ಈ ಹೊಸ ಪೋನ್ ಪರಿಚಯಗೊಂಡಿದ್ದು, ಆಕರ್ಷಕ ವಿನ್ಯಾಸ, ಶಕ್ತಿಶಾಲಿ ಪ್ರೊಸೆಸರ್ ಮತ್ತು ದೀರ್ಘಕಾಲದ ಸಾಫ್ಟ್‌ವೇರ್ ಬೆಂಬಲದೊಂದಿಗೆ ₹15,999 ಪರಿಚಯಾತ್ಮಕ ಬೆಲೆಯಲ್ಲಿ ಯುವ ಬಳಕೆದಾರ ಗಮನಸೆಳೆಯುವಂತಿದೆ. ಹಾಗಾದರೆ, ಹೊಸ Poco M8 5G ಸ್ಮಾರ್ಟ್‌ಫೋನ್ ಹೇಗಿದೆ?, ಸಂಪೂರ್ಣ ಬೆಲೆಗಳು ಎಷ್ಟು ಎಂಬುದನ್ನು ನೋಡೋಣ ಬನ್ನಿ.

Poco M8 5G ಬೆಲೆ ಮತ್ತು ಮಾರಾಟ ವಿವರಗಳು
ಭಾರತದಲ್ಲಿ Poco M8 5G ಫೋನ್ ಬೆಲೆ 6GB RAM ಮತ್ತು 128GB ಸ್ಟೋರೇಜ್ನೊಂದಿಗೆ ಮೂಲ ರೂಪಾಂತರಕ್ಕೆ ರೂ. 21,999 ರಿಂದ ಪ್ರಾರಂಭವಾಗುತ್ತದೆ.ಇದರ 8GB RAM + 128GB ಸ್ಟೋರೇಜ್ ವೇರಿಯಂಟ್ ₹22,999ಕ್ಕೆ ಲಭ್ಯವಿದ್ದರೆ, 8GB RAM ಮತ್ತು 256GB ಸ್ಟೋರೇಜ್ ಹೊಂದಿರುವ ಟಾಪ್ ಮಾದರಿ ₹24,999ಕ್ಕೆ ಮಾರಾಟವಾಗಲಿದೆ. ಆದರೆ, ವಿಶೇಷ ಆಫರ್ ಅಡಿಯಲ್ಲಿ ಮೊದಲ 12 ಗಂಟೆಗಳ ಮಾರಾಟದ ವೇಳೆ ಗ್ರಾಹಕರು ಈ ಫೋನ್ ಅನ್ನು ಕೇವಲ ₹15,999 ಪರಿಚಯಾತ್ಮಕ ಬೆಲೆಯಲ್ಲಿ ಖರೀದಿಸಬಹುದು. ಈ ಫೋನ್ ಜನವರಿ 13ರಿಂದ ಫ್ಲಿಪ್‌ಕಾರ್ಟ್‌ನಲ್ಲಿ Carbon Black, Glacial Blue ಮತ್ತು Frost Silver ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಾಗಲಿದೆ ಎಂದು ಕಂಪೆನಿಯು ತಿಳಿಸಿದೆ.

Poco M8 5G: ಪ್ರಮುಖ ವೈಶಿಷ್ಟ್ಯಗಳು
Poco M8 5G ಫೋನ್ 6.77-ಇಂಚಿನ (1,080x2,392 ಪಿಕ್ಸೆಲ್‌ಗಳು) 3D ಕರ್ವ್ಡ್ ಡಿಸ್ಪ್ಲೇಯನ್ನು ಹೊಂದಿದೆ, ಇದು 120Hz ವರೆಗೆ ರಿಫ್ರೆಶ್ ರೇಟ್, 3,200 ನಿಟ್‌ಗಳವರೆಗೆ ಗರಿಷ್ಠ ಹೊಳಪು, 387 ppi ಪಿಕ್ಸೆಲ್ ಸಾಂದ್ರತೆ, 240Hz ವರೆಗೆ ಸ್ಪರ್ಶ ಮಾದರಿ ದರ, 100 ಪ್ರತಿಶತ DCI-P3 ಬಣ್ಣದ ಗ್ಯಾಮಟ್ ಮತ್ತು 68.7 ಬಿಲಿಯನ್ ಬಣ್ಣಗಳನ್ನು ನೀಡುತ್ತದೆ. ಫೋನ್ ವೆಟ್ ಟಚ್ 2.0 ಬೆಂಬಲದೊಂದಿಗೆ ಬರುತ್ತದೆ, ಇದು ಬಳಕೆದಾರರಿಗೆ ಒದ್ದೆಯಾದ ಬೆರಳುಗಳಿಂದ ಫೋನ್ ಬಳಸಲು ಅನುವು ಮಾಡಿಕೊಡುತ್ತದೆ. ಇದರ ಸ್ಲಿಮ್ ಬಾಡಿ ಮತ್ತು ಹಗುರವಾದ ತೂಕ ಫೋನ್‌ಗೆ ಪ್ರೀಮಿಯಂ ಫೀಲಿಂಗ್ ನೀಡಿದೆ.

ಕಾರ್ಯಕ್ಷಮತೆ ವಿಭಾಗದಲ್ಲಿ, Poco M8 5Gನಲ್ಲಿ Qualcomm Snapdragon 6 Gen 3 ಆಕ್ಟಾ-ಕೋರ್ ಚಿಪ್‌ಸೆಟ್ ಬಳಸಲಾಗಿದೆ. 4nm ತಂತ್ರಜ್ಞಾನದಲ್ಲಿ ತಯಾರಾದ ಈ ಪ್ರೊಸೆಸರ್ 2.4GHz ವರೆಗೆ ಗರಿಷ್ಠ ಕ್ಲಾಕ್‌ ಸ್ಪೀಡ್ ಒದಗಿಸಲಿದೆ ಎಂದು ಹೇಳಲಾಗಿದೆ. ಜೊತೆ ಈ ಫೋನ್ ಅಡ್ರಿನೊ GPU, 8GB ವರೆಗೆ LPDDR4x RAM ಮತ್ತು 256GB ವರೆಗೆ UFS 2.2 ಆಂತರಿಕ ಸಂಗ್ರಹಣೆಯನ್ನು ಹೊಂದಿದೆ. ಕಂಪನಿಯು ಹೇಳುವಂತೆ ಈ ಹ್ಯಾಂಡ್‌ಸೆಟ್ AnTuTu ಬೆಂಚ್‌ಮಾರ್ಕಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ 8,25,000 ಅಂಕಗಳನ್ನು ಗಳಿಸಿದೆ. ಇದರಿಂದ ಉತ್ತಮ ಕಾರ್ಯಕ್ಷಮತೆಯ ನಿರೀಕ್ಷೆಯನ್ನು ಇಡಬಹುದು.

ಕ್ಯಾಮೆರಾ ವಿಭಾಗದಲ್ಲಿ, Poco M8 5G ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ, ಇದರಲ್ಲಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಶೂಟರ್, 2-ಮೆಗಾಪಿಕ್ಸೆಲ್ ಲೈಟ್ ಫ್ಯೂಷನ್ 400 ಸೆನ್ಸರ್ ಜೊತೆಗೆ ಜೋಡಿಯಾಗಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 20-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಸಹ ಹೊಂದಿದೆ. ಇದು 4K ರೆಸಲ್ಯೂಶನ್ ವೀಡಿಯೊಗಳನ್ನು ರೆಕಾರ್ಡ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. 4K ವೀಡಿಯೋ ರೆಕಾರ್ಡಿಂಗ್ ಕಂಟೆಂಟ್ ಕ್ರಿಯೇಟರ್‌ಗಳಿಗೆ ಸಹಾಯಕವಾಗಲಿದ್ದರೆ, ಸೆಲ್ಫಿ ಕ್ಯಾಮೆರಾವು ನ್ಯಾಚುರಲ್ ಫೋಟೋಗಳನ್ನು ಸೆರೆಹಿಡಿಯುವವರ ಆಯ್ಕೆಯಾಗಬಹುದು.

ಬ್ಯಾಟರಿ ವಿಭಾಗದಲ್ಲಿ, Poco M8 5G ಫೋನ್ 5,520mAh ದೊಡ್ಡ ಬ್ಯಾಟರಿಯೊಂದಿಗೆ ಬರುತ್ತದೆ, ಇದು ಒಂದು ದಿನಕ್ಕಿಂತ ಹೆಚ್ಚು ಬ್ಯಾಕಪ್ ನೀಡುವ ಸಾಮರ್ಥ್ಯ ಹೊಂದಿದೆ. 45W ಫಾಸ್ಟ್ ಚಾರ್ಜಿಂಗ್ ಮತ್ತು 18W ರಿವರ್ಸ್ ಚಾರ್ಜಿಂಗ್ ಬೆಂಬಲವಿದೆ. ಜೊತೆಗೆ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್, ಧೂಳು ಹಾಗೂ ನೀರಿನಿಂದ ರಕ್ಷಣೆ ಗೆIP65 ಮತ್ತು IP66 ರೇಟಿಂಗ್, 5G, Wi-Fi, Bluetooth 5.1 ಮತ್ತು USB Type-C ಸೇರಿದಂತೆ ಎಲ್ಲಾ ಅಗತ್ಯ ಕನೆಕ್ಟಿವಿಟಿ ಆಯ್ಕೆಗಳು ಇದರಲ್ಲಿ ಸೇರಿವೆ. ಆಯಾಮಗಳ ವಿಷಯದಲ್ಲಿ, ಇದು 164x75.42x7.35 ಅಳತೆ ಹೊಂದಿದ್ದರೆ, ಸುಮಾರು 178 ಗ್ರಾಂ ತೂಗುತ್ತದೆ.