Realme 13 5G ಸರಣಿ ಬಿಡುಗಡೆ ದಿನಾಂಕ ಬಹಿರಂಗ! ಬರ್ತಿವೆ 2 ಹೊಸ ಫೋನ್; ಯಾವಾಗ?

ರಿಯಲ್‌ಮಿ 13 5G ಸರಣಿ ಬಿಡುಗಡೆ ದಿನಾಂಕ ಬಹಿರಂಗ! ಒಂದೇ ದಿನ ಭಾರತಕ್ಕೆ ಎರಡು ಹೊಸ ಫೋನ್ ಎಂಟ್ರಿ. ಹೌದು, ರಿಯಲ್‌ಮಿ (Realme) ಕಂಪನಿಯು ಇತ್ತೀಚೆಗೆ ತನ್ನ ಮುಂಬರುವ ಸ್ಮಾರ್ಟ್‌ಫೋನ್ ಸರಣಿ ರಿಯಲ್‌ಮಿ 13 5G (Realme 13 5G) ಬಿಡುಗಡೆಯನ್ನು ದೃಢಪಡಿಸಿತ್ತು. ಇದೀಗ, ಈ ಸರಣಿಯ ಬಿಡುಗಡೆ ದಿನಾಂಕವನ್ನು ಘೋಷಿಸಿದೆ. ಆಗಸ್ಟ್ 29 ರಂದು ರಿಯಲ್‌ಮಿ 13 5G ಸರಣಿಯನ್ನು ಲಾಂಚ್ ಮಾಡಲಾಗುವುದು ಎಂದು ಕಂಪನಿಯು ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಅದರಂತೆ, ಕಂಪನಿಯು ಎರಡು ಹೊಸ ಫೋನ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಿದೆ.

ರಿಯಲ್‌ಮಿ ತನ್ನ ಗ್ರಾಹಕರಿಗೆ ಅಚ್ಚರಿ ಉಡುಗೊರೆ ನೀಡುತ್ತಲೇ ಇದೆ. ಒಂದರ ಹಿಂದೆ ಒಂದರಂತೆ ಹೊಸ ಮೊಬೈಲ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಇದೀಗ, ರಿಯಲ್‌ಮಿ 12 5G ಸರಣಿಯ (Realme 12 5G) ​​ಉತ್ತರಾಧಿಕಾರಿಯಾಗಿ ರಿಯಲ್‌ಮಿ 13 5G ಸರಣಿಯು ಬರಲಿದೆ. ಈ ಸರಣಿಯು ಕನಿಷ್ಟ ಎರಡು ಸ್ಮಾರ್ಟ್‌ಫೋನ್‌ಗಳನ್ನು ಒಳಗೊಂಡಿರಲಿದೆ. ಒಂದು Realme 13 5G ಮತ್ತು Realme 13+ 5G ಫೋನ್‌ ಆಗಿದೆ. Realme 13+ ಫೋನಿನಫೀಚರ್ಸ್‌ ಈಗಾಗಲೇ ಲಭ್ಯವಾಗಿದೆ.

ರಿಯಲ್‌ಮಿ 13 5G ಸರಣಿಯ ಬಿಡುಗಡೆ ದಿನಾಂಕ ಮತ್ತು ಲಭ್ಯತೆ

ರಿಯಲ್‌ಮಿ ಭಾರತದಲ್ಲಿ ರಿಯಲ್‌ಮಿ 13 5G ಸರಣಿಯ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಇದೇ ಆಗಸ್ಟ್ 29 ರಂದು ಮಧ್ಯಾಹ್ನ 12 ಗಂಟೆಗೆ ಈವೆಂಟ್ ಅನ್ನು ಆಯೋಜಿಸಿದೆ. ಅಂದು ಹೊಸ ರಿಯಲ್‌ಮಿ 13 5G ಸರಣಿಯ ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಲಾಗುತ್ತದೆ. ಫ್ಲಿಪ್‌ಕಾರ್ಟ್‌ನಲ್ಲಿ ಮುಂಬರುವ ರಿಯಲ್‌ಮಿ ಫೋನ್‌ಗಳಿಗಾಗಿ ಮೈಕ್ರೋಸೈಟ್ ಈಗ ಲಭ್ಯವಿದೆ. ಈ ಫೋನ್‌ಗಳು ಫ್ಲಿಪ್‌ಕಾರ್ಟ್, ರಿಯಲ್‌ಮಿ ವೆಬ್‌ಸೈಟ್ ಮತ್ತು ಅಂಗಡಿಗಳಲ್ಲಿ ಲಭ್ಯವಿರುತ್ತವೆ ಎಂದು ಕಂಪನಿ ಹೇಳಿದೆ.

ಈ ಪ್ರೊಸೆಸರ್‌ ಹೊಂದಿರುವ ಮೊದಲ ಫೋನ್!

ರಿಯಲ್‌ಮಿ ಈ ಸ್ಮಾರ್ಟ್‌ಫೋನ್‌ಗಳನ್ನು ಶಕ್ತಿಯುತ ಚಿಪ್‌ಸೆಟ್, ವೇಗದ RAM ಮತ್ತು ಚಾರ್ಜಿಂಗ್ ತಂತ್ರಜ್ಞಾನದೊಂದಿಗೆ ಬಿಡುಗಡೆ ಮಾಡುತ್ತದೆ ಎಂದು ಸ್ಪಷ್ಟಪಡಿಸಿದೆ. ಹೊಸ ಸರಣಿಯು ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 ಚಿಪ್‌ಸೆಟ್‌ನೊಂದಿಗೆ ಮೊದಲ ಸ್ಮಾರ್ಟ್‌ಫೋನ್ ಆಗಿರುತ್ತದೆ ಎಂದು ರಿಯಲ್‌ಮಿ ಬಹಿರಂಗಪಡಿಸಿದೆ. ಇದು ತುಂಬಾ ವೇಗವಾಗಿರುತ್ತದೆ. ಇದನ್ನು 4nm ಪ್ರಕ್ರಿಯೆ ತಂತ್ರಜ್ಞಾನದಲ್ಲಿ ನಿರ್ಮಿಸಲಾಗಿದೆ. ಉನ್ನತ ಶಕ್ತಿ ಮತ್ತು ದಕ್ಷತೆಯನ್ನು ನೀಡಲು, ತಡೆರಹಿತ ಬಹುಕಾರ್ಯ ಮತ್ತು ಗೇಮಿಂಗ್ ಅನುಭವಗಳನ್ನು ಖಚಿತಪಡಿಸಿಕೊಳ್ಳಲು ವಿನ್ಯಾಸಗೊಳಿಸಲಾಗಿದೆ.

ರಿಯಲ್‌ಮಿ 13 ಪ್ಲಸ್ 5G ವೈಶಿಷ್ಟ್ಯಗಳು

ಮಾಡೆಲ್ ನಂಬರ್ RMX5002 ನೊಂದಿಗೆ ಚೀನಾದ TENAA ಮಾಣೀಕರಣ ವೆಬ್‌ಸೈಟ್‌ನಲ್ಲಿ ಹೊಸ ರಿಯಲ್‌ಮಿ ಫೋನನ್ನು ಪಟ್ಟಿಮಾಡಲಾಗಿದೆ. ಇದು Realme 13 Plus 5G ಎಂದು ಹೇಳಲಾಗಿದೆ. ಈ ಫೋನ್ ಇತರ Realme 13 ಸರಣಿಯ ಸ್ಮಾರ್ಟ್‌ಫೋನ್‌ಗಳನ್ನು ಹೋಲುತ್ತದೆ.

ಡಿಸ್ಪ್ಲೇ: ​​TENAA ಪ್ರಮಾಣೀಕರಣದ ಪ್ರಕಾರ, ರಿಯಲ್‌ಮಿ 13 ಪ್ಲಸ್ 5G ಫೋನ್ 6.67 ಇಂಚಿನ AMOLED FHD+ ಡಿಸ್ಪ್ಲೇಯನ್ನು ಹೊಂದಿರಲಿದೆ. ಇದು 2400 x 1080 ಪಿಕ್ಸೆಲ್ ರೆಸಲ್ಯೂಶನ್‌ ಪಡೆದಿರಲಿದೆ.

ಪ್ರೊಸೆಸರ್: ಇದು ಮೀಡಿಯಾ ಟೆಕ್ ಡೈಮೆನ್ಸಿಟಿ 7300 ಚಿಪ್‌ಸೆಟ್‌ನೊಂದಿಗೆ ಬರುವ ನಿರೀಕ್ಷೆಯಿದೆ. ಈ ಫೋನ್ ಸುಮಾರು ನಾಲ್ಕು RAM ರೂಪಾಂತರಗಳಲ್ಲಿ ಬರುವ ಸಾಧ್ಯತೆಯಿದೆ. ಇದು 6GB, 8GB, 12GB ಮತ್ತು 16GB RAM ಜೊತೆಗೆ 128GB, 256GB, 512GB ಮತ್ತು 1 TB ಇಂಟರ್ನಲ್ ಸ್ಟೋರೇಜ್‌ ಒಳಗೊಂಡಿರಲಿದೆ.

ಕ್ಯಾಮೆರಾ: ಮುಂಬರುವ ರಿಯಲ್‌ಮಿ ಫೋನ್ ಡ್ಯುಯಲ್ ಕ್ಯಾಮೆರಾ ಸೆಟಪ್ ಹೊಂದಿರುವ ಸಾಧ್ಯತೆಯಿದೆ. ಈ ಫೋನ್ 50MP ಮುಖ್ಯ ಕ್ಯಾಮೆರಾ ಮತ್ತು 2MP ಸೆಕೆಂಡರಿ ಕ್ಯಾಮೆರಾವನ್ನು ಹಿಂಬದಿಯ ಪ್ಯಾನೆಲ್‌ನಲ್ಲಿ ಒಳಗೊಂಡಿರುತ್ತದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 16 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಇರಲಿದೆ.

ಬ್ಯಾಟರಿ: Realme 13+ 5G ಸ್ಮಾರ್ಟ್‌ಫೋನ್ 4,880mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಆದರೆ, ಇದರ ಸಾಮಾನ್ಯ ಸಾಮರ್ಥ್ಯವು 5,000mAh ಆಗಿರಬಹುದು. ಇದನ್ನು ಚಾರ್ಜ್ ಮಾಡಲು, ಇದು 45W ವೇಗದ ಚಾರ್ಜಿಂಗ್ ಸಪೋರ್ಟ್‌ ಪಡೆಯಬಹುದು.

ಇತರೆ ಫೀಚರ್ಸ್‌: ರಿಯಲ್‌ಮಿ 13 ಪ್ಲಸ್ 5G ಫೋನ್ ಭದ್ರತೆಗಾಗಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಹೊಂದಿರಬಹುದು. ಸಾಫ್ಟ್‌ವೇರ್‌ ಬಗ್ಗೆ ಹೇಳುವುದಾದರೆ, ಮುಂಬರುವ ಈ ಹೊಸ ಫೋನ್ Android 14 ಆಧಾರಿತ Realme UI 5 ನಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಫೋನ್ 161.7 x 74.7 x 7.6mm ಅಳತೆ ಮತ್ತು ಸುಮಾರು 185 ಗ್ರಾಂ ತೂಕ ಹೊಂದಿರಲಿದೆ.