13,499 ರೂ.ಗೆ 7,000mAh ಬ್ಯಾಟರಿಯ Realme C83 5G ಫೋನ್ ಲಾಂಚ್!

ಭಾರತದಲ್ಲಿ Realme ಕಂಪೆನಿಯು ತನ್ನ ಜನಪ್ರಿಯ C-ಸರಣಿಗೆ ಹೊಸ ಸೇರ್ಪಡೆಯಾಗಿ ಬಜೆಟ್ ಬೆಲೆಯ Realme C83 5G ಸ್ಮಾರ್ಟ್‌ಫೋನ್ ಅನ್ನು ಇಂದು (ಮಾರ್ಚ್ 6) ಪರಿಚಯಿಸಿದೆ. 7,000mAh ಟೈಟಾನ್ ಬ್ಯಾಟರಿಯೊಂದಿಗೆ ದೀರ್ಘ ಬ್ಯಾಟರಿ ಬ್ಯಾಕಪ್ ಬೇಕೆನ್ನುವ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ಈ ಸಾಧನವನ್ನು ಬಿಡುಗಡೆ ಮಾಡಲಾಗಿದ್ದು, ₹13,499 ರೂ.ಗಳ ಆರಂಭಿಕ ಬೆಲೆಯೊಂದಿಗೆ ಗಮನಸೆಳೆಯುವಂತಿದೆ. ಹಾಗಾದರೆ, ಹೊಸ Realme C83 5G ಸ್ಮಾರ್ಟ್‌ಫೋನ್ ಹೇಗಿದೆ?, ಬೆಲೆಗಳು ಎಷ್ಟು? ಹಾಗೂ ಸಂಪೂರ್ಣ ಫೀಚರ್ಸ್ ಯಾವುವು? ಎಂಬುದನ್ನು ನೋಡೋಣ ಬನ್ನಿ.

Realme C83 5G: ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Realme C83 5G ಫೋನ್ ಬೆಲೆ 4GB + 64GB RAM ಮಾದರಿಗೆ 13,499 ರೂ. ನಿಂದ ಪ್ರಾರಂಭವಾಗುತ್ತದೆ. ಒಟ್ಟು ಮೂರು ಸ್ಟೋರೇಜ್ ಮಾದರಿಗಳಲ್ಲಿ ಈ ಫೋನ್ ಬಿಡುಗಡೆಯಾಗಿದ್ದು, ಇದರ 4GB RAM ಹಾಗೂ ಸ್ವಲ್ಪ ಹೆಚ್ಚಿನ 128GB ಸ್ಟೋರೇಜ್ ಹೊಂದಿರುವ ಮಾದರಿಯ ಬೆಲೆ ₹14,499 ರೂ. ಹಾಗೂ 6GB RAM ಮತ್ತು 128GB ಸ್ಟೋರೇಜ್ ಇರುವ ಟಾಪ್ ವೇರಿಯಂಟ್‌ ಬೆಲೆ ₹17,499 ಗಳಾಗಿವೆ.

ಇನ್ನು ಲಭ್ಯತೆಯನ್ನು ನೋಡುವುದಾದರೆ, Realme C83 5G ಫೋನ್ ಇದೇ ಮಾರ್ಚ್ 7 ರಂದು ಮಧ್ಯಾಹ್ನ 12 ಗಂಟೆಯಿಂದ Flipkart ಮತ್ತು Realme ಆನ್‌ಲೈನ್ ಸ್ಟೋರ್‌ಗಳ ಮೂಲಕ ಮಾರಾಟಕ್ಕೆ ಬರಲಿದೆ. ಗ್ರಾಹಕರು ಬ್ಲೂಮಿಂಗ್ ಪರ್ಪಲ್ (Blooming Purple ) ಮತ್ತು ಸ್ಪ್ರೌಟಿಂಗ್ ಗ್ರೀನ್ (Sprouting Green) ಬಣ್ಣಗಳಲ್ಲಿ ಫೋನ್ ಅನ್ನು ಖರೀದಿಸಬಹುದಾಗಿದ್ದು, ಫೋನ್‌ ಖರೀದಿಸುವಾಗ ಆರು ತಿಂಗಳವರೆಗೆ ಬಡ್ಡಿಯಿಲ್ಲದ EMI ಆಯ್ಕೆಯೂ ದೊರೆಯುತ್ತದೆ ಎಂದು ಕಂಪೆನಿಯು ತಿಳಿಸಿದೆ.

Realme C83 5G: ಪ್ರಮುಖ ವೈಶಿಷ್ಟ್ಯಗಳು
ಹೊಸ Realme C83 5G ಫೋನ್ 6.8-ಇಂಚಿನ HD+ (720x1,570 ಪಿಕ್ಸೆಲ್‌ಗಳು) LCD ಡಿಸ್‌ಪ್ಲೆಯನ್ನು ಹೊಂದಿದೆ. ಈ ಡಿಸ್‌ಪ್ಲೆಯು 144Hz ವರೆಗೆ ರಿಫ್ರೆಶ್ ರೇಟ್, 900 nits ವರೆಗೆ ಗರಿಷ್ಠ ಹೊಳಪು, 16.7 ಮಿಲಿಯನ್ ಬಣ್ಣಗಳು ಮತ್ತು 180Hz ಟಚ್ ಸ್ಯಾಂಪ್ಲಿಂಗ್ ದರವನ್ನು ನೀಡುತ್ತದೆ.

ಕಾರ್ಯಕ್ಷಮತೆಯ ವಿಷಯದಲ್ಲಿ, ಈ ಫೋನ್‌ನಲ್ಲಿ 6nm ತಂತ್ರಜ್ಞಾನದಲ್ಲಿ ನಿರ್ಮಿತವಾದ MediaTek Dimensity 6300 ಆಕ್ಟಾ-ಕೋರ್ ಪ್ರೊಸೆಸರ್ ಬಳಕೆ ಮಾಡಲಾಗಿದೆ. ಜೊತೆಗೆ ARM Mali-G57 MC2 GPU ಒದಗಿಸಲಾಗಿದೆ. ಫೋನ್‌ನಲ್ಲಿ ಗರಿಷ್ಠ 6GB LPDDR4x RAM ಮತ್ತು 128GB ವರೆಗೆ eMMC 5.1 ಆನ್‌ಬೋರ್ಡ್ ಸ್ಟೋರೇಜ್ ಸೌಲಭ್ಯ ನೀಡಲಾಗಿದೆ.ಸಾಫ್ಟ್‌ವೇರ್ ವಿಭಾಗದಲ್ಲ, ಈ ಫೋನ್ Realme UI 7.0 ಮೇಲೆ ಕಾರ್ಯನಿರ್ವಹಿಸುತ್ತದೆ ಮತ್ತು ಇದು ಆಧಾರಿತವಾಗಿದೆ.

ಕ್ಯಾಮೆರಾ ವಿಭಾಗದಲ್ಲಿ Realme C83 5G ಒಂದೇ ಹಿಂಭಾಗದ ಕ್ಯಾಮೆರಾ ಹೊಂದಿದೆ. ಇದು 13 ಮೆಗಾಪಿಕ್ಸೆಲ್ ಸೆನ್ಸರ್ ಹೊಂದಿದ್ದು f/2.2 ಅಪರ್ಚರ್ ಮತ್ತು 77 ಡಿಗ್ರಿ ಫೀಲ್ಡ್ ಆಫ್ ವ್ಯೂ ಬೆಂಬಲ ನೀಡುತ್ತದೆ. ಜೊತೆಗೆ ಆಟೋಫೋಕಸ್ ಸೌಲಭ್ಯವೂ ಇದೆ. ಮುಂಭಾಗದಲ್ಲಿ ಸೆಲ್ಫಿ ಮತ್ತು ವಿಡಿಯೋ ಕಾಲ್‌ಗಾಗಿ 5 ಮೆಗಾಪಿಕ್ಸೆಲ್ ಕ್ಯಾಮೆರಾ ನೀಡಲಾಗಿದೆ. ಈ ಕ್ಯಾಮೆರಾ f/2.2 ಅಪರ್ಚರ್ ಮತ್ತು 78 ಡಿಗ್ರಿ ಫೀಲ್ಡ್ ಆಫ್ ವ್ಯೂ ಹೊಂದಿದೆ. ಎರಡೂ ಕ್ಯಾಮೆರಾಗಳಿಂದ ಗರಿಷ್ಠ 1080p 30fps ವಿಡಿಯೋ ರೆಕಾರ್ಡಿಂಗ್ ಸಾಧ್ಯವಾಗುತ್ತದೆ ಎಂದು ಕಂಪೆನಿ ತಿಳಿಸಿದೆ.

ಬ್ಯಾಟರಿ ವಿಷಯದಲ್ಲಿ ಈ ಫೋನ್ ಪ್ರಮುಖವಾಗಿ ಗಮನ ಸೆಳೆಯುತ್ತದೆ. Realme C83 5G ನಲ್ಲಿ ದೊಡ್ಡ 7,000mAh Titan Battery ನೀಡಲಾಗಿದೆ. ಜೊತೆಗೆ 15W ವೈರ್ಡ್ ಚಾರ್ಜಿಂಗ್ ಬೆಂಬಲವೂ ಇದೆ.

ಸಂಪರ್ಕ ಆಯ್ಕೆಗಳಾಗಿ 5G, 4G LTE, USB Type-C ಪೋರ್ಟ್ ಮತ್ತು 3.5mm ಆಡಿಯೋ ಜಾಕ್ ಸೇರಿವೆ. ಜೊತೆಗೆ BeiDou, GPS, GLONASS, Galileo ಮತ್ತು QZSS ನ್ಯಾವಿಗೇಶನ್ ವ್ಯವಸ್ಥೆಗಳಿಗೂ ಬೆಂಬಲ ಇದೆ. ಇದಲ್ಲದೆ, ಫೋನ್‌ನಲ್ಲಿ ಪ್ರಾಕ್ಸಿಮಿಟಿ ಸೆನ್ಸರ್, ಅಂಬಿಯಂಟ್ ಲೈಟ್ ಸೆನ್ಸರ್, ಇ-ಕಂಪಾಸ್ ಮತ್ತು ಅಕ್ಸಿಲರೋಮೀಟರ್‌ ಸೇರಿದಂತೆ ಹಲವು ಸೆನ್ಸರ್‌ಗಳನ್ನು ನೀಡಲಾಗಿದೆ.

Realme C83 5G ಫೋನ್ ಗಾತ್ರ 166.3 × 78.1 × 8.4 ಮಿಮೀ ಆಗಿದ್ದು, ತೂಕ ಸುಮಾರು 212 ಗ್ರಾಂ ಇದೆ. ಒಟ್ಟಾರೆಯಾಗಿ, 7,000mAh ದೊಡ್ಡ ಬ್ಯಾಟರಿ, 144Hz ಡಿಸ್ಪ್ಲೇ ಮತ್ತು 5G ಸಂಪರ್ಕದಂತಹ ವೈಶಿಷ್ಟ್ಯಗಳೊಂದಿಗೆ Realme C83 5G ಭಾರತದಲ್ಲಿ ಬಜೆಟ್ ಸ್ಮಾರ್ಟ್‌ಫೋನ್ ವಿಭಾಗದಲ್ಲಿ ಗಮನ ಸೆಳೆಯುವ ಸಾಧನವಾಗುವ ಸಾಧ್ಯತೆ ಇದೆ.