ಭಾರತದಲ್ಲಿ Realme P4 ಬಿಡುಗಡೆಗೆ ಕ್ಷಣಗಣನೆ: ಬೆಲೆ ಮತ್ತು ಫಿಚರ್ಸ್ ಮಾಹಿತಿ ಔಟ್!

Realme ತನ್ನ ಹೊಸ Realme P4 5G ಮತ್ತು Realme P4 Pro 5G ಸ್ಮಾರ್ಟ್‌ಫೋನ್‌ಗಳನ್ನು ಇದೇ ಆಗಸ್ಟ್ 20 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಿದೆ ಎಂದು ದೃಢಪಡಿಸಿದೆ. ಈ ಹೊಸ ಸರಣಿಯು ಪ್ರಮುಖ ವೈಶಿಷ್ಟ್ಯಗಳು ಮತ್ತು ಸ್ಪರ್ಧಾತ್ಮಕ ಬೆಲೆಯೊಂದಿಗೆ ಮಾರುಕಟ್ಟೆಗೆ ಪ್ರವೇಶಿಸಲಿದೆ ಎಂದು ಈಗಾಗಲೇ ತಿಳಿದುಬಂದಿತ್ತು. ಇದೀಗ ಬಿಡುಗಡೆಗೆ ಕೆಲವೇ ದಿನಗಳ ಮೊದಲು, Realme ಯ ಮುಖ್ಯ ಮಾರ್ಕೆಟಿಂಗ್ ಅಧಿಕಾರಿ ಫ್ರಾನ್ಸಿಸ್ ವಾಂಗ್ ಅವರು Realme P4 5G ಯ ನಿರೀಕ್ಷಿತ ಬೆಲೆಯನ್ನು ಬಹಿರಂಗಪಡಿಸಿದ್ದಾರೆ.!

ಹೌದು, ರಿಯಲ್‌ಮಿ P4 5G ಫೋನ್ ಬೆಲೆ ಭಾರತದಲ್ಲಿ ರೂ. 17,499 ಇರಲಿದೆ ಎಂದು ವಾಂಗ್ ಅವರು X (ಹಿಂದೆ ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಬೆಲೆಯಲ್ಲಿ ಬ್ಯಾಂಕ್ ರಿಯಾಯಿತಿಗಳು ಸೇರಿವೆ ಎಂದು ನಿರೀಕ್ಷಿಸಲಾಗಿದೆ. ಇಷ್ಟೇ ಅಲ್ಲದೆ, ಈ ಪೋಸ್ಟ್‌ನಲ್ಲಿ ರಿಯಲ್‌ಮಿ P4 5G ಸ್ಮಾರ್ಟ್‌ಪೋನನ್ನು Moto G96 5G, iQOO Z10R 5G ಮತ್ತು Vivo T4R ಸ್ಮಾರ್ಟ್‌ಫೋನ್‌ಗಳೊಂದಿಗೆ ಹೋಲಿಸಲಾಗಿದೆ. 20,000 ಕ್ಕಿಂತ ಕಡಿಮೆ ಬೆಲೆಯ ವಿಭಾಗದಲ್ಲಿ ಮೀಸಲಾದ ಗ್ರಾಫಿಕ್ಸ್ ಚಿಪ್ ಅನ್ನು ಹೊಂದಿರುವ ಏಕೈಕ ಸ್ಮಾರ್ಟ್‌ಫೋನ್ ಇದಾಗಿದೆ ಎಂದು ಹೇಳಲಾಗಿದೆ.

ಹೊಸ ರಿಯಲ್‌ಮಿ P4 5G ಫೋನ್ ಇದರ ಹಿಂದಿನ ಮಾದರಿ Realme P3 5G ಅನ್ನು ಅನುಸರಿಸಲಿದೆ. ಕಳೆದ Realme P3 5G ಫೋನ್ ಮಾರ್ಚ್‌ನಲ್ಲಿ ರೂ. 16,999 ರ ಆರಂಭಿಕ ಬೆಲೆಯೊಂದಿಗೆ ಬಿಡುಗಡೆಯಾಗಿತ್ತು ಮತ್ತು ಬ್ಯಾಂಕ್ ಆಫರ್‌ಗಳ ನಂತರ ರೂ. 14,999 ಗೆ ಲಭ್ಯವಾಗಿತ್ತು.

Realme P4 5G: ಪ್ರಮುಖ ವೈಶಿಷ್ಟ್ಯಗಳು
ಈಗಾಗಲೇ ತಿಳಿದಿರುವಂತೆ, ಮುಂಬರುವ ರಿಯಲ್‌ಮಿ P4 5G ಮೀಡಿಯಾ ಟೆಕ್ ಡೈಮೆನ್ಸಿಟಿ 7400 ಅಲ್ಟ್ರಾ 5G SoC ಯೊಂದಿಗೆ ಮೀಡಿಯಾ ಪಿಕ್ಸೆಲ್‌ವರ್ಕ್ಸ್ ಚಿಪ್ ಅನ್ನು ಹೊಂದಿರುತ್ತದೆ. ಇದು 144Hz ರಿಫ್ರೆಶ್ ರೇಟ್ ಮತ್ತು 4,500 ನಿಟ್‌ಗಳ ಗರಿಷ್ಠ ಹೊಳಪಿನೊಂದಿಗೆ 6.77-ಇಂಚಿನ AMOLED ಡಿಸ್ಪ್ಲೇಯೊಂದಿಗೆ ಬರುತ್ತದೆ.

ಬ್ಯಾಟರಿ ವಿಭಾಗದಲ್ಲಿ, ಈ ಫೋನ್ 7,000mAh ಬ್ಯಾಟರಿಯನ್ನು ಹೊಂದಿದ್ದು, ಇದು 80W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಉಷ್ಣ ನಿರ್ವಹಣೆಗಾಗಿ, ಇದು 7,000mm ಚದರ VC ಕೂಲಿಂಗ್ ವ್ಯವಸ್ಥೆಯನ್ನು ಹೊಂದಿರುತ್ತದೆ.

ಕ್ಯಾಮೆರಾ ವಿಭಾಗದಲ್ಲಿ, ಈ ಫೋನ್ 5G 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಮತ್ತು 8-ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾವನ್ನು ಹೊಂದಿರುತ್ತದೆ. ಮುಂಭಾಗದಲ್ಲಿ, ಇದು ಸೆಲ್ಫಿಗಳು ಮತ್ತು ವೀಡಿಯೊ ಚಾಟ್‌ಗಳಿಗಾಗಿ 16-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿರುತ್ತದೆ. ಮತ್ತು 7.58mm ನಷ್ಟು ದಪ್ಪವಿದೆ.

Realme P4 5G ಜೊತೆಗೆ, ಹೆಚ್ಚು ಶಕ್ತಿಶಾಲಿ Realme P4 Pro 5G ಮಾದರಿಯೂ ಬಿಡುಗಡೆಯಾಗಲಿದೆ. ಈ ಫೋನ್ ಸ್ನಾಪ್‌ಡ್ರಾಗನ್ 7 ಜೆನ್ 4 ಚಿಪ್‌ಸೆಟ್, ಮೀಸಲಾದ ಹೈಪರ್‌ವಿಷನ್ AI GPU ಮತ್ತು ಅದೇ ರೀತಿ 7,000mAh ಬ್ಯಾಟರಿಯೊಂದಿಗೆ ಬರಲಿದೆ. ಇದು 80W ವೇಗದ ಚಾರ್ಜಿಂಗ್ ಮತ್ತು 10W ರಿವರ್ಸ್ ಚಾರ್ಜಿಂಗ್ ವೈಶಿಷ್ಟ್ಯಗಳನ್ನು ಸಹ ಬೆಂಬಲಿಸುತ್ತದೆ.

Realme P4 ಸರಣಿ: ಲಭ್ಯತೆ
Realme P4 ಸರಣಿ ಬಗ್ಗೆ ಹೆಚ್ಚಿನ ಮಾಹಿತಿಗಳು ಆಗಸ್ಟ್ 20 ರಂದು ಬಿಡುಗಡೆಯ ಸಂದರ್ಭದಲ್ಲಿ ಬಹಿರಂಗವಾಗಲಿದೆ. ಈ ಎರಡೂ ಫೋನ್‌ಗಳು ಆನ್‌ಲೈನ್ ಮಾರಾಟಕ್ಕಾಗಿ ಫ್ಲಿಪ್‌ಕಾರ್ಟ್ ಮೂಲಕ ಲಭ್ಯವಾಗಲಿವೆ. ಈ ಹೊಸ ಫೋನ್‌ಗಳ ಬಿಡುಗಡೆಯು ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಹೊಸ ಅಲೆಯನ್ನೇ ಸೃಷ್ಟಿಸುವ ಸಾಧ್ಯತೆಯಿದೆ. ಅದರಲ್ಲೂ ವಿಶೇಷವಾಗಿ, ರೂ. 20,000 ಕ್ಕಿಂತ ಕಡಿಮೆ ಬೆಲೆಯ ವಿಭಾಗದಲ್ಲಿ ಈ ಫೋನ್‌ಗಳ ಪ್ರವೇಶ, ಗ್ರಾಹಕರಿಗೆ ಅತ್ಯುತ್ತಮ ಆಯ್ಕೆಗಳನ್ನು ನೀಡಲಿದೆ ಎನ್ನಬಹುದು