ಭಾರತದ ಏಕೈಕ 10,000mAh+ ಬ್ಯಾಟರಿ ಫೋನ್: ಇಂದಿನಿಂದ Realme P4 Power 5G ಸೇಲ್!

ಭಾರತದಲ್ಲಿ ಕಳೆದ ವಾರವಷ್ಟೇ ಬಿಡುಗಡೆಯಾಗಿರುವ, ದೇಶದಲ್ಲಿ ಪ್ರಸ್ತುತ ಲಭ್ಯವಿರುವ ಏಕೈಕ 10,000mAh ಗಿಂತ ಹೆಚ್ಚಿನ ಬ್ಯಾಟರಿ ಸಾಮರ್ಥ್ಯದ Realme P4 Power ಸ್ಮಾರ್ಟ್‌ಫೋನ್ ದೇಶದಲ್ಲಿ ಇಂದು (ಫೆಬ್ರವರಿ 5) ಮೊದಲ ಬಾರಿಗೆ ಮಾರಾಟಕ್ಕೆ ಬರುತ್ತಿದೆ. ಇಂದು ಮಧ್ಯಾಹ್ನ 12 ಗಂಟೆಯಿಂದ (IST) Realme P4 Power ಸ್ಮಾರ್ಟ್‌ಫೋನ್ ಮಾರಾಟವು ಆರಂಭವಾಗುತ್ತಿದ್ದು, ಬಿಡುಗಡೆ ಕೊಡುಗೆಯಾಗಿ ಗ್ರಾಹಕರಿಗೆ 2,000 ತ್ವರಿತ ಬ್ಯಾಂಕ್ ರಿಯಾಯಿತಿ ಮತ್ತು ₹1,000 ವಿನಿಮಯ ಬೋನಸ್ ಅನ್ನು ನೀಡಲಾಗುತ್ತಿದೆ. ಈ ಕುರಿತ ಸಂಪೂರ್ಣ ಮಾಹಿತಿಯು ಈ ಕೆಳಕಂಡಂತಿದೆ.

Realme P4 Power 5G: ಬೆಲೆ ಮತ್ತು ಲಭ್ಯತೆ
ಭಾರತದಲ್ಲಿ Realme P4 Power 5G ಬೆಲೆ 8GB RAM ಮತ್ತು 128GB ಸ್ಟೋರೇಜ್ ಹೊಂದಿದ ಬೇಸ್ ವೇರಿಯಂಟ್‌ಗೆ ರೂ. 25,999. ಮತ್ತು ಇದರ 8GB + 256GB ಮಾದರಿಗೆ ರೂ. 27,999 ಹಾಗೂ 12GB + 256GB ಟಾಪ್ ವೇರಿಯಂಟ್‌ಗೆ ರೂ. 30,999 ಆಗಿದೆ. ಬ್ಯಾಂಕ್ ಆಫರ್ ಮೂಲಕ ರೂ. 2,000 ರಿಯಾಯಿತಿ ಮತ್ತು ₹1,000 ವಿನಿಮಯ ಬೋನಸ್ ದೊರೆಯಲಿದೆ. ಫೆಬ್ರವರಿ 5ರಿಂದ, ಫ್ಲಿಪ್‌ಕಾರ್ಟ್, ರಿಯಲ್‌ಮಿ ಅಧಿಕೃತ ವೆಬ್‌ಸೈಟ್ ಮತ್ತು ಆಫ್‌ಲೈನ್ ಅಂಗಡಿಗಳಲ್ಲಿ ಫೋನ್ ಖರೀದಿಗೆ ಲಭ್ಯವಾಗಿದೆ. ಗ್ರಾಹಕರು ಟ್ರಾನ್ಸ್‌ಸಿಲ್ವರ್, ಟ್ರಾನ್ಸ್‌ಆರೆಂಜ್ ಮತ್ತು ಟ್ರಾನ್ಸ್‌ಬ್ಲೂ ಬಣ್ಣ ಆಯ್ಕೆಗಳಲ್ಲಿ ಫೋನ್ ಅನ್ನು ಖರೀದಿಸಬಹುದು.

10,001mAh ಸಿಲಿಕಾನ್ ಕಾರ್ಬನ್ ಟೈಟಾನ್ ಬ್ಯಾಟರಿಯನ್ನು ಹೊಂದಿದ್ದು, ಒಂದೇ ಚಾರ್ಜ್‌ನಲ್ಲಿ ಸುಮಾರು 39 ದಿನಗಳ ಸ್ಟ್ಯಾಂಡ್‌ಬೈ ಅನ್ನು ಒದಗಿಸುತ್ತದೆ ಎನ್ನಲಾಗಿರುವ Realme P4 Power 5G ಸ್ಮಾರ್ಟ್‌ಫೋನ್ ಮಧ್ಯಮ ಬೆಲೆಯ ವಿಭಾಗದಲ್ಲಿ ಪ್ರೀಮಿಯಂ ಅನುಭವ ನೀಡುವ ಉದ್ದೇಶ ಹೊಂದಿದೆ. ದೊಡ್ಡ ಬ್ಯಾಟರಿ, 144Hz ಹೈ ರಿಫ್ರೆಶ್ ರೇಟ್ ಡಿಸ್ಪ್ಲೇ ಮತ್ತು Dimensity 7400 Ultra ಶಕ್ತಿಶಾಲಿ ಪ್ರೊಸೆಸರ್‌ನೊಂದಿಗೆ ಈ ಫೋನ್ ಬಿಡುಗಡೆಯಾಗಿದ್ದು, ದೀರ್ಘಕಾಲ ಬಳಕೆ ಮತ್ತು ಗೇಮಿಂಗ್‌ ಅನ್ನು ಇಷ್ಟಪಡುವ ಬಳಕೆದಾರರನ್ನು ಗುರಿಯಾಗಿಸಿಕೊಂಡಿದೆ. ಹಾಗಾದರೆ, ಹೊಸ Realme P4 Power 5G ಸ್ಮಾರ್ಟ್‌ಫೋನ್ ಫೀಚರ್ಸ್ ಹೇಗಿವೆ ಎಂಬುದನ್ನು ಸಹ ನೋಡೋಣ ಬನ್ನಿ.

Realme P4 Power 5G: ಪ್ರಮುಖ ವೈಶಿಷ್ಟ್ಯಗಳು
ಈ ಹೊಸ Realme P4 Power 5G ಸ್ಮಾರ್ಟ್‌ಫೋನ್ 6.8-ಇಂಚಿನ 1.5K 4D ಕರ್ವ್+ ಹೈಪರ್‌ಗ್ಲೋ ಡಿಸ್ಪ್ಲೇಯನ್ನು ಹೊಂದಿದೆ, ಇದು 144Hz ವರೆಗೆ ರಿಫ್ರೆಶ್ ರೇಟ್, 6,500 nits ವರೆಗೆ ಗರಿಷ್ಠ ಹೊಳಪು, 1.07ಬಿಲಿಯನ್ ಬಣ್ಣಗಳು ಮತ್ತು HDR 10+ ವಿಷಯಕ್ಕೆ ಬೆಂಬಲವನ್ನು ನೀಡುತ್ತದೆ. ಧೂಳು ಮತ್ತು ನೀರಿನ ಪ್ರತಿರೋಧ ಮತ್ತು ಆರ್ಮರ್‌ಶೆಲ್ ರಕ್ಷಣೆಗಾಗಿ IP66 + IP68 + IP69 ರೇಟಿಂಗ್‌ಗಳೊಂದಿಗೆ ಬಂದಿದೆ. 25 ಸಾವಿರ ಬೆಲೆ ವಿಭಾಗದಲ್ಲಿ 144Hz ವರೆಗೆ ರಿಫ್ರೆಶ್ ರೇಟ್ ಮತ್ತು 6,500 nits ವರೆಗೆ ಗರಿಷ್ಠ ಹೊಳಪು ದೊರೆಯುತ್ತಿರುವುದು ಆಶ್ಚರ್ಯ ಮೂಡಿಸಿದೆ.

ಕಾರ್ಯಕ್ಷಮತೆಗಾಗಿ, 4nm ಪ್ರಕ್ರಿಯೆಯಲ್ಲಿ ನಿರ್ಮಿಸಲಾದ ಮೀಡಿಯಾ ಟೆಕ್ ಡೈಮೆನ್ಸಿಟಿ 7400 ಅಲ್ಟ್ರಾ ಚಿಪ್‌ಸೆಟ್‌ ಇದೆ. ಇದು ಸುಮಾರು 25 ಪ್ರತಿಶತ ಸುಧಾರಿತ ಇಂಧನ ದಕ್ಷತೆಯನ್ನು ನೀಡುತ್ತದೆ ಎಂದು ರಿಯಲ್‌ಮಿ ಹೇಳಿಕೊಂಡಿದೆ. ಜೊತೆಗೆ ಹೈಪರ್‌ವಿಷನ್ + AI ಚಿಪ್ ಅನ್ನು ಸಹ ಇದ್, ಇದು "300 ಪ್ರತಿಶತದವರೆಗೆ ವರ್ಧಿತ ರೆಸಲ್ಯೂಶನ್" ಮತ್ತು "400 ಪ್ರತಿಶತದವರೆಗೆ ಸುಗಮ ಫ್ರೇಮ್ ದರಗಳನ್ನು" ಒದಗಿಸುತ್ತದೆ ಎಂದು ಹೇಳಲಾಗಿದೆ. ತಾಪಮಾನವನ್ನು ಕಾಪಾಡಿಕೊಳ್ಳಲು ಫೋನಿನಲ್ಲಿ 4,613 ಚದರ ಎಂಎಂ ಏರ್‌ಫ್ಲೋ ವೇಪರ್ ಚೇಂಬರ್‌ನೊಂದಿಗೆ ಸಜ್ಜುಗೊಳಿಸಿದೆ.

ಈ ಫೋನ್ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಹೊಂದಿರುವ 50-ಮೆಗಾಪಿಕ್ಸೆಲ್ (f/1.8) ಸೋನಿ IMX882 ಪ್ರಾಥಮಿಕ ಹಿಂಬದಿಯ ಕ್ಯಾಮೆರಾವನ್ನು ಹೊಂದಿದೆ. ರಿಯಲ್‌ಮಿ ತನ್ನ ಈ ಫೋನ್ ಅನ್ನು 8-ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾದೊಂದಿಗೆ ಸಜ್ಜುಗೊಳಿಸಿದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 16-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾವನ್ನು ಸಹ ಹೊಂದಿದೆ. ಇದು 4K/30fps ವರೆಗೆ ವೀಡಿಯೊಗಳನ್ನು ರೆಕಾರ್ಡ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.

ಬ್ಯಾಟರಿ ವಿಭಾಗದಲ್ಲಿ, Realme P4 Power 5G 10,001mAh ಸಿಲಿಕಾನ್ ಕಾರ್ಬನ್ ಟೈಟಾನ್ ಬ್ಯಾಟರಿಯಿಂದ ಬೆಂಬಲಿತವಾಗಿದೆ. ಈ ಬ್ಯಾಟರಿಯು 32.5 ಗಂಟೆಗಳ ವೀಡಿಯೊ ಪ್ಲೇಬ್ಯಾಕ್, 932.6 ಗಂಟೆಗಳ ಸ್ಟ್ಯಾಂಡ್‌ಬೈ, 185.7 ಗಂಟೆಗಳ ಸ್ಪಾಟಿಫೈ ಮ್ಯೂಸಿಕ್ ಪ್ಲೇಬ್ಯಾಕ್ ಮತ್ತು ಒಂದೇ ಚಾರ್ಜ್‌ನಲ್ಲಿ 11.7 ಗಂಟೆಗಳ ಬ್ಯಾಟಲ್‌ಗ್ರೌಂಡ್ ಮೊಬೈಲ್ ಇಂಡಿಯಾ ಗೇಮ್‌ಪ್ಲೇ ಅನ್ನು ಒದಗಿಸುತ್ತದೆ ಎಂದು ಹೇಳಲಾಗಿದೆ. ಇದು 80W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಮತ್ತು 27W ವೈರ್ಡ್ ರಿವರ್ಸ್ ಚಾರ್ಜಿಂಗ್ ಬೆಂಬಲವನ್ನು ಸಹ ಹೊಂದಿದೆ.

Realme P4 Power 5G ಸ್ಮಾರ್ಟ್‌ಫೋನ್ Android 16 ಆಧಾರಿತ Realme UI 7.0 ನಲ್ಲಿ ಫೋನ್ ಕಾರ್ಯನಿರ್ವಹಿಸುತ್ತದೆ. ಕಂಪನಿ ಮೂರು ವರ್ಷಗಳ OS ಅಪ್‌ಡೇಟ್ ಮತ್ತು ನಾಲ್ಕು ವರ್ಷಗಳ ಭದ್ರತಾ ಅಪ್‌ಡೇಟ್ ಭರವಸೆ ನೀಡಿರುವುದು ದೀರ್ಘಕಾಲದ ಬಳಕೆಗೆ ಸಹಾಯಕವಾಗಿದೆ. ಇನ್ನು ಹ್ಯಾಂಡ್‌ಸೆಟ್ 9.08mm ದಪ್ಪವಾಗಿದ್ದು ಸುಮಾರು 219g ತೂಗುತ್ತದೆ.ಒಟ್ಟಾರೆಯಾಗಿ ನೋಡಿದರೆ, Realme P4 Power 5G ದೊಡ್ಡ ಬ್ಯಾಟರಿ, ಪ್ರೀಮಿಯಂ ಡಿಸ್ಪ್ಲೇ ಮತ್ತು ನಂಬಿಕಸ್ತ ಕಾರ್ಯಕ್ಷಮತೆಯೊಂದಿಗೆ ಭಾರತದಲ್ಲಿ ಮೌಲ್ಯವಂತ ಆಯ್ಕೆಯಾಗಿ ಕಾಣುತ್ತದೆ.