ರೂ.2000ಕ್ಕೆ 'ಜಿಯೋ' ಗೋ ಸ್ಮಾರ್ಟ್‌ಫೋನ್‌: ಐಫೋನ್ X ಮೀರಿಸುವ ಫೇಸ್‌ಲಾಕ್, ಆಂಡ್ರಾಯ್ಡ್‌ ಒರಿಯೋ..!

By Srinidhi

Published: Wednesday, January 31, 2018, 10:58 [IST]

ರಿಲಯನ್ಸ್ ಮಾಲೀಕತ್ವದ ಜಿಯೋ ಈಗಾಗಲೇ ಅತೀ ಕಡಿಮೆ ಬೆಲೆಗೆ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡುವುದಾಗಿ ತಿಳಿಸಿತ್ತು. ಇದೇ ಮಾದರಿಯಲ್ಲಿ ಶೀಘ್ರವೇ ಜಿಯೋ 4G ಆಂಡ್ರಾಯ್ಡ್ ಗೋ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಸ್ಮಾರ್ಟ್‌ಫೋನ್ ನಿರ್ಮಾಣಕ್ಕಾಗಿ ಜಿಯೋ, ಚಿಪ್ ಸೆಟ್ ಉತ್ಪಾದಕ ಕಂಪನಿ ಮಿಡಿಯಾ ಟೆಕ್ ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದೆ ಎನ್ನಲಾಗಿದೆ. ಮೂಲಗಳ ಪ್ರಕಾರ ಭಾರತದಲ್ಲಿಯೇ ಜಿಯೋ ಸ್ಮಾರ್ಟ್‌ಫೋನ್‌ಗಳ ತಯಾರಿಕೆಯೂ ನಡೆಯಲಿದೆ ಎನ್ನಲಾಗಿದೆ.

ರೂ.2000ಕ್ಕೆ 'ಜಿಯೋ' ಗೋ ಸ್ಮಾರ್ಟ್‌ಫೋನ್‌: ಐಫೋನ್ X ಮೀರಿಸುವ ಫೇಸ್‌ಲಾಕ್

ಈಗಾಗಲೇ ಮಾರುಕಟ್ಟೆಯಲ್ಲಿ ಮೈಕ್ರೋ ಮಾಕ್ಸ್ ಅತೀ ಕಡಿಮೆ ಬೆಲೆಗೆ ಗೂಗಲ್ ಆಂಡ್ರಾಯ್ಡ್ ಗೋ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲು ಮುಂದಾಗಿದೆ. ಇದೇ ಮಾದರಿಯಲ್ಲಿ ನೋಕಿಯಾ ಸಹ ಅತೀ ಕಡಿಮೆ ಬೆಲೆಗೆ ಆಂಡ್ರಾಯ್ಡ್ ಗೋ ಸ್ಮಾರ್ಟ್‌ಫೋನ್ ಲಾಂಚ್ ಮಾಡಲು ಸಿದ್ದತೆ ನಡೆಸಿದೆ. ಈ ಎಲ್ಲಾ ಕಂಪನಿಗಳಿಗೆ ಶಾಕ್ ನೀಡುವ ಸಲುವಾಗಿ ಜಿಯೋ ತನ್ನದೇ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಲಾಂಚ್ ಮಾಡಲು ಸಿದ್ದತೆ ನಡೆಸಿದೆ.

ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ):

ಮೀಡಿಯಾ ಟೆಕ್ ನೊಂದಿಗೆ ಕೈ ಜೋಡಿಸಿರುವ ಜಿಯೋ ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ)ಯ ಸ್ಮಾರ್ಟ್‌ಫೋನ್ ನಿರ್ಮಾಣ ಮಾಡುತ್ತಿದ್ದು, ಜಿಯೋ ಫೋನ್ ಮಾದರಿಯಲ್ಲಿ ಈ ಫೋನ್ ಅನ್ನು ಉಚಿತವಾಗಿ ಮಾರಾಟ ಮಾಡಲಿದೆ ಎನ್ನಲಾಗಿದೆ. ಈಗಾಗಲೇ ಅಂಬಾನಿ ಉಚಿತ 4G ಸ್ಮಾರ್ಟ್‌ಫೋನ್ ನೀಡುವುದಾಗಿ ಘೋಷಣೆ ಮಾಡಿದ್ದರು. ಈ ಹಿನ್ನಲೆಯಲ್ಲಿ ಶೀಘ್ರವೇ ಈ ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ) ಸ್ಮಾರ್ಟ್‌ಫೋನ್ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. ಈ ಸ್ಮಾರ್ಟ್‌ಫೋನ್‌ಗಳು ರೂ.2000ಕ್ಕೆ ಹಿಂದಿರುಗಿಸುವ ಠೇವಣಿಯೊಂದಿಗೆ ದೊರೆಯಲಿದೆ.

ಮೀಡಿಯಾ ಟೆಕ್:

ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ)ಯ ಸ್ಮಾರ್ಟ್‌ಫೋನ್‌ಗಳನ್ನು ಸಫೋರ್ಟ್ ಮಾಡುವ ಚಿಪ್‌ ಸೆಟ್ ಉತ್ಪಾದನೆಯ ಮೇಲೆ ಗಮನ ಹರಿಸಿರುವ ಮೀಡಿಯಾ ಟೆಕ್, ಇದಕ್ಕಾಗಿಯೇ MT6739, MT6580 ಚಿಪ್‌ ಸೆಟ್ ಗಳನ್ನು ವಿನ್ಯಾಸ ಮಾಡಿದ್ದು, ಇದಕ್ಕಾಗಿ ಗೂಗಲ್ ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದೆ.

ಫೇಸ್‌ಲಾಕ್ ಇರಲಿದೆ:

ಜಿಯೋ ಲಾಂಚ್ ಮಾಡಲಿರುವ ಜಿಯೋ ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ) ಸ್ಮಾರ್ಟ್‌ಫೋನಿನಲ್ಲಿ ಐಫೋನ್ X ಮಾದರಿಯ ಫೇಸ್ ಲಾಕ್ ಕಾಣಬಹುದಾಗಿದೆ. ಇದಲ್ಲದೇ 1GB RAM ಈ ಸ್ಮಾರ್ಟ್‌ಫೋನ್ ನಲ್ಲಿ ಕಾಣಬಹುದಾಗಿದ್ದು, 4G VoLTE ಸಫೋರ್ಟ್ ಮಾಡಲಿದೆ.

Honor 9 Lite with four cameras (KANNADA)

ಭಾರತ್ ಗೋ ಬಿಡುಗಡೆಗೆ ಸಿದ್ದ:

ಈಗಾಗಲ ಮಾರುಕಟ್ಟೆಗೆ ಪರಿಚಯಗೊಂಡಿರುವ ಮೈಕ್ರೋಮಾಕ್ಸ್ ಭಾರತ್ ಗೋ ಆಂಡ್ರಾಯ್ಡ್‌ ಒರಿಯೋ(ಗೋ ಆವೃತ್ತಿ) ಸ್ಮಾರ್ಟ್‌ಫೋನ್ ಶೀಘ್ರವೇ ಲಾಂಚ್ ಆಗಲಿದ್ದು, ಈ ಸ್ಮಾರ್ಟ್ ಫೋನ್ ಬೆಲೆ ರೂ.2000ದ ಅಸುಪಾಸಿನಲ್ಲಿ ಇರಲಿದೆ ಎನ್ನಲಾಗಿದೆ.

ಮೇಕ್ ಇನ್ ಇಂಡಿಯಾ:

ಮೀಡಿಯಾ ಟೆಕ್ ನೊಂದಿಗೆ ಕೈ ಜೋಡಿಸಿರುವ ಜಿಯೋ, ಮೇಕ್ ಇನ್ ಇಂಡಿಯಾ ಯೋಜನೆಯಡಿ ಜಿಯೋ ಸ್ಮಾರ್ಟ್‌ಫೋನ್‌ಗಳನ್ನು ತಯಾರು ಮಾಡಲಿದ್ದು, ಈ ಮೂಲಕ ಜಿಯೋ ಫೋನ್ ಭಾರತೀಯ ಸ್ಮಾರ್ಟ್‌ಫೋನ್ ಎನ್ನಿಸಿಕೊಳ್ಳಲಿದೆ. ಈ ಮೂಲಕ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಮೂಡಿಸಲಿದೆ.