ನನ್ನಲ್ಲಿದ್ದ ದುಬಾರಿ ಮೊಟೊರೊಲಾ ಮೊಬೈಲ್ ಕಳೆದುಹೋಗಿತ್ತು. ಅದರಲ್ಲಿದ್ದ ಕಾಂಟ್ಯಾಕ್ಟ್, ಫೋಟೊಗಳು ಮತ್ತು ಹಾಡುಗಳ ಸಂಗ್ರಹವೆಲ್ಲವನ್ನು ಕಳೆದುಕೊಂಡು ಸಾಕಷ್ಟು ಪರಿತಪಿಸಿದೆ. ಮೊಬೈಲ್ ಇಲ್ಲದೇ ಬದುಕುವುದು ನನ್ನಿಂದ ಸಾಧ್ಯವಿಲ್ಲ. ಹೀಗಾಗಿ ಒಂದು ಅಗ್ಗದ ಡಬ್ಬಾ ಮೊಬೈಲ್ ಖರೀದಿಸಬೇಕೆಂದು ಯೋಚಿಸಿದೆ. (ಮೊಬೈಲ್ ಕಳೆದುಕೊಂಡವರ ಕಥೆ ವ್ಯಥೆ )

ನಾನು ಶೋರೂಂ ಪ್ರವೇಶಿಸಿದ್ದು ನೋಕಿಯಾದ ಅಗ್ಗದ ಮೊಬೈಲ್ ಖರೀದಿಸಬೇಕೆಂದು. ಆದರೆ ಅದರಲ್ಲಿ ಕ್ಯಾಮರಾ, ಮ್ಯೂಸಿಕ್ ಮಸ್ತಿ ಇಲ್ಲವೆಂಬ ಬೇಜಾರು ನನಗಿತ್ತು. ತಕ್ಷಣ ನನ್ನ ಕಣ್ಣಿಗೆ ಬಿದ್ದದ್ದು ಸ್ಯಾಮ್ ಸಂಗ್ ಸೆಕ್ಸಿ ಮೊಬೈಲ್. ಕೈಯಲ್ಲಿಡಿದು ನೋಡಿದೆ. ತುಂಬಾ ಚೆನ್ನಾಗಿತ್ತು.

ಅದರಲ್ಲಿದ್ದ ಫೀಚರ್ ಗಳನ್ನೆಲ್ಲ ಶೋರೂಂ ಹುಡುಗ ಹೇಳುತ್ತ ಹೋದ. ಹೆಸರು ಸಿ3010ಎಸ್. 8 ಜಿಬಿ ಮೆಮೊರಿ ಸಪೋರ್ಟ್ ಮಾಡುತ್ತದೆ. ಕ್ಯಾಮರಾವಿದೆ, ಮಲ್ಟಿಮೀಡಿಯಾ ಇದೆ. ದರ 3,200 ರುಪಾಯಿ. ಗ್ರಾಹಕರಿಂದ ಅಷ್ಟೇನೂ ಕಂಪ್ಲೇಟ್ ಇಲ್ಲವೆಂದ.

ಇಷ್ಟು ಕಡಿಮೆ ದರಕ್ಕೆ ಇಷ್ಟೊಂದು ಫೀಚರ್ ಇರುವ ಮೊಬೈಲನ್ನ್ನು ಮಿಸ್ ಮಾಡಿಕೊಳ್ಳಲು ಮನಸ್ಸಾಗಲಿಲ್ಲ. ಹಿಂದೆಮುಂದೆ ನೋಡದೆ ಖರೀದಿಸಿದೆ.