ಸ್ಯಾಮ್‌ಸಂಗ್ 'ಗ್ಯಾಲಕ್ಸಿ ಎ10 ಎಸ್' ಬಿಡುಗಡೆ!..ಬೆಲೆ 8,000 ರೂ.?

ಗ್ಯಾಲಕ್ಸಿ ಎ10 ಎಸ್ ವಿನ್ಯಾಸ

'ಗ್ಯಾಲಕ್ಸಿ ಎ 10' ಫೋನಿನ ಅಪ್‌ಗ್ರೇಡ್ ಆಗಿ ಬಂದಿರುವ 'ಗ್ಯಾಲಕ್ಸಿ ಎ10 ಎಸ್' ಫೋನ್ ನೂತನ ಸ್ಮಾರ್ಟ್‌ಫೋನ್‌ಗಳ ಲುಕ್ ಹೊಂದಿದೆ. ಡ್ಯುಯಲ್ ರಿಯರ್ ಕ್ಯಾಮೆರಾ ಹಾಗೂ ವಾಟರ್‌ಡ್ರಾಪ್ ಶೈಲಿಯ ಡಿಸ್‌ಪ್ಲೇ ನೋಚ್ ಹೊಂದಿರುವುದನ್ನು ನೋಡಬಹುದು. ಕಂಪೆನಿಯ ಬಜೆಟ್ ಫೋನ್ ಒಂದು ಹಿಂಬದಿ ಪ್ಯಾನಲ್‌ನಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಹೊಂದಿರುವುದು ವಿಶೇಷವಾಗಿದೆ.

ಗ್ಯಾಲಕ್ಸಿ ಎ10 ಎಸ್ ಡಿಸ್‌ಪ್ಲೇ

ಮೊದಲೇ ಹೇಳಿದಂತೆ, 'ಗ್ಯಾಲಕ್ಸಿ ಎ10 ಎಸ್' ಸ್ಮಾರ್ಟ್‌ಫೋನಿನಲ್ಲಿ 6.2 ಇಂಚಿನ ಇನ್ಫಿನಿಟಿ ವಿ ನಾಚ್ ಸಹಿತ ಡಿಸ್‌ಪ್ಲೇ ನೀಡಲಾಗಿದೆ. 720x1520 ಪಿಕ್ಸೆಲ್‌ಗಳ ಸಾಮರ್ಥ್ಯದಲ್ಲಿರವುವ ಡಿಸ್ಪ್ಲೇ 19:9 ಆಕಾರ ಅನುಪಾತವನ್ನು ಹೊಂದಿದೆ. ಬಜೆಟ್ ಬೆಲೆಯಲ್ಲಿ ಮಲ್ಟಿಮೀಡಿಯಾದ ಅತ್ಯುತ್ತಮ ಅನುಭವ ಮತ್ತು ಸುರಕ್ಷತೆಯನ್ನು ಕಲ್ಪಿಸಲು ಸ್ಯಾಮ್‌ಸಂಗ್ ಇನ್ಫಿನಿಟಿ ವಿ ಡಿಸ್‌ಪ್ಲೇ ತಂದಿದೆ.

ಗ್ಯಾಲಕ್ಸಿ ಎ10 ಎಸ್ ಪ್ರೊಸೆಸರ್

'ಗ್ಯಾಲಕ್ಸಿ ಎ10 ಎಸ್' ಸ್ಮಾರ್ಟ್‌ಫೋನ್ ಆಕ್ಟಾ-ಕೋರ್ SoC ನಿಂದ ನಿಯಂತ್ರಿಸಲ್ಪಡುತ್ತದೆ ಮತ್ತು ಆಂಡ್ರಾಯ್ಡ್ 9.0 ಪೈ ಆಧಾರಿತ OneUI ಮೂಲಕ ಚಾಲನೆಯಾಗುತ್ತದೆ ಎಂದು ಕಂಪೆನಿ ಹೇಳಿದೆ. ಇನ್ನು 2GB RAM ಮತ್ತು 32 GB ಸ್ಟೋರೇಜ್‌ ಆಯ್ಕೆಯಲ್ಲಿ ಬಿಡುಗಡೆಯಾಗುತ್ತಿರುವ ಸ್ಮಾರ್ಟ್‌ಫೋನ್ ಮೆಮೊರಿಯನ್ನು ಎಸ್‌ಡಿ ಕಾರ್ಡ್ ಮೂಲಕ ವಿಸ್ತರಿಸಬಹುದು ಎಂದು ತಿಳಿಸಿದೆ.

ಗ್ಯಾಲಕ್ಸಿ ಎ10 ಎಸ್ ಕ್ಯಾಮೆರಾ

ಗ್ಯಾಲಕ್ಸಿ ಎ 10 ಎಸ್ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದ್ದು, ಇದು ಎಫ್ / 1.8 ಲೆನ್ಸ್ ಸೆನ್ಸಾರ್ ಸಾಮರ್ಥ್ಯದಲ್ಲಿ 13 ಮೆಗಾಪಿಕ್ಸೆಲ್ ಪ್ರಾಥಮಿಕ ಸಂವೇದಕ ಮತ್ತು ಎಫ್ / 2.4 ಲೆನ್ಸ್ನ 2 ಮೆಗಾಪಿಕ್ಸೆಲ್ ಸೆಕೆಂಡರಿ ಕ್ಯಾಮೆರಾವನ್ನು ಒಳಗೊಂಡಿದೆ.ಮುಂಭಾಗದಲ್ಲಿ ಎಫ್ / 2.0 ಲೆನ್ಸ್ ಸೆನ್ಸಾರ್ ಜೊತೆಗೆ 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ನಾವು ನೋಡಬಹುದು.

ಗ್ಯಾಲಕ್ಸಿ ಎ10 ಎಸ್ ಇತರೆ ಪೀಚರ್ಸ್

ಗ್ಯಾಲಕ್ಸಿ ಎ10 ಎಸ್ ಸ್ಮಾರ್ಟ್‌ಫೋನಿನಲ್ಲಿ 4ಜಿ ಎಲ್ ಟಿಇ, ವೈ-ಫೈ, ಬ್ಲೂಟೂತ್ ಮತ್ತು ಜಿಪಿಎಸ್ / ಎ-ಜಿಪಿಎಸ್ ನಂತರ ಕನೆಕ್ಟಿವಿಟಿ ಆಯ್ಕೆಗಳು ಸೇರಿವೆ. ಹಿಂಭಾಗದಲ್ಲಿ ಜೋಡಿಸಲಾದ ಫಿಂಗರ್‌ಪ್ರಿಂಟ್ ಮತ್ತು 4,000mAh ಬ್ಯಾಟರಿಯನ್ನು ಪ್ಯಾಕ್ ಹೊಂದಿರುವ ಸ್ಮಾರ್ಟ್‌ಪೋನಿನ ಮೆಮೊರಿಯನ್ನು ಮೈಕ್ರೊ ಎಸ್‌ಡಿ ಕಾರ್ಡ್ ಮೂಲಕ 512 ಜಿಬಿ ವರೆಗೆ ವಿಸ್ತರಿಸುವ ಅವಕಾಶವಿದೆ.