Galaxy Z Flip 7 FE ರಿಲೀಸ್: ಪ್ರೀಮಿಯಂ ಅಲ್ಲದ ಮೊದಲ Samsung ಫೋಲ್ಡೆಬಲ್ ಫೋನ್!

ಜುಲೈ 09, ಅಂದರೆ ಇಂದು ಬುಧವಾರ ನ್ಯೂಯಾರ್ಕ್‌ನಲ್ಲಿ ನಡೆದ Galaxy Unpacked 2025 ಕಾರ್ಯಕ್ರಮದಲ್ಲಿ ಬಹುನಿರೀಕ್ಷಿತ Samsung Galaxy Z Flip 7 FE ಫೋನ್ ಬಿಡುಗಡೆಯಾಗಿದೆ. ಇದೇ ಮೊದಲ ಬಾರಿಗೆ ಪ್ರೀಮಿಯಂ ಅಲ್ಲದ ಮಡಿಸಬಹುದಾದ ಫೋನ್ ಆಗಿ ಈ Samsung Galaxy Z Flip 7 FE ಫೋನ್ ಬಿಡುಗಡೆಯಾಗಿದ್ದು, Exynos 2400 ಚಿಪ್‌ಸೆಟ್‌, 3.4-ಇಂಚಿನ ಸೂಪರ್ AMOLED ಕವರ್ ಸ್ಕ್ರೀನ್ ಡ್ಯುಯಲ್ ರಿಯರ್ ಕ್ಯಾಮೆರಾ ಯೂನಿಟ್ ಮತ್ತು Galaxy AI ವೈಶಿಷ್ಟ್ಯಗಳಿಗೆ ಮಾರುಕಟ್ಟೆಗೆ ಎಂಟ್ರ ನೀಡಿದೆ.

Samsung Galaxy Z Flip 7 FE ವೈಶಿಷ್ಟ್ಯಗಳು
ಕ್ಲಾಮ್‌ಶೆಲ್-ಶೈಲಿಯ Samsung Galaxy Z Flip 7 FE ಫೋನ್ 6.7-ಇಂಚಿನ ಡೈನಾಮಿಕ್ AMOLED 2X ಮುಖ್ಯ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೆಯು ವೇರಿಯಬಲ್ 1-120Hz ರಿಫ್ರೆಶ್ ರೇಟ್ ಮತ್ತು 2,600 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಅನ್ನು ನೀಡುತ್ತಿದೆ. ಹಾಗೆಯೇ, ಈ ಫೋಮ್ 3.4-ಇಂಚಿನ ಸೂಪರ್ AMOLED ಕವರ್ ಡಿಸ್ಪ್ಲೇಯನ್ನು ಹೊಂದಿದೆ. ಈ ಎರಡನೆಯ ಡಿಸ್‌ಪ್ಲೇ ಕಸ್ಟಮೈಸ್ ಮಾಡಬಹುದಾದ ವಾಲ್‌ಪೇಪರ್‌ಗಳು ಮತ್ತು ಸಂವಾದಾತ್ಮಕ ಹವಾಮಾನ ಮತ್ತು ಗ್ಯಾಲರಿ ವಿಜೆಟ್‌ಗಳೊಂದಿಗೆ ಬಂದಿದೆ.

ಹುಡ್ ಅಡಿಯಲ್ಲಿ, Samsung Galaxy Z Flip 7 FE ಫೋನ್ ಕಂಪೆನಿಯ Exynos 2400 ಚಿಪ್‌ಸೆಟ್‌ನಿಂದ ಚಾಲಿತವಾಗಿದ್ದು,8GB RAM ಮತ್ತು 256GB ವರೆಗಿನ ಆನ್‌ಬೋರ್ಡ್ ಸಂಗ್ರಹಣೆಯೊಂದಿಗೆ ಜೋಡಿಯಾಗಿದೆ.(ಇದೇ ಚಿಪ್‌ಸೆಟ್ ಅನ್ನು ಆಯ್ದ ಮಾರುಕಟ್ಟೆಗಳಲ್ಲಿ ಕಳೆದ ವರ್ಷದ ಪ್ರಮುಖ Galaxy S24 ಮತ್ತು Galaxy S24+ ಫೋನ್‌ಗಳೊಂದಿಗೆ ನೀಡಲಾಗಿತ್ತು).ಸಾಫ್ಟ್‌ವೇರ್ ವಿಬಾಗದಲ್ಲಿ ಡ್ಯುಯಲ್-ಸಿಮ್ (ನ್ಯಾನೋ + ನ್ಯಾನೋ) ಬೆಂಬಲಿರುವ ಈ Samsung Galaxy Z Flip 7 FE ಆಂಡ್ರಾಯ್ಡ್ 16 ಆಧಾರಿತ ಒನ್ UI 8 ನೊಂದಿಗೆ ಕಾರ್ಯನಿರ್ವಹಿಸಲಿದೆ.

ಈ Samsung Galaxy Z Flip 7 FE ಪೋನ್ ಗ್ಯಾಲಕ್ಸಿ AI ವೈಶಿಷ್ಟ್ಯಗಳಿಗೆ ಬೆಂಬಲ ಹೊಂದಿದೆ. ಇದರಲ್ಲಿ ಜೆಮಿನಿ ಲೈವ್, ನೌ ಬ್ರೀಫ್, ನೌ ಬಾರ್, ಎಐ ಸೆಲೆಕ್ಟ್, ನ್ಯಾಚುರಲ್ ಲ್ಯಾಂಗ್ವೇಜ್ ಸರ್ಚ್, ರೈಟಿಂಗ್ ಅಸಿಸ್ಟ್, ಸರ್ಕಲ್-ಟು-ಸರ್ಚ್, ನೋಟ್ ಅಸಿಸ್ಟ್, ಬ್ರೌಸಿಂಗ್ ಅಸಿಸ್ಟ್ ಮತ್ತು ಟ್ರಾನ್ಸ್‌ಸ್ಕ್ರಿಪ್ಟ್ ಅಸಿಸ್ಟ್‌ನಂತಹ ಸೇರ್ಪಡೆಗಳು ಸೇರಿವೆ. ಇದಲ್ಲದೆ, ಆಡಿಯೋ ಎರೇಸರ್, ಫೋಟೋ ಅಸಿಸ್ಟ್, ಡ್ರಾಯಿಂಗ್ ಅಸಿಸ್ಟ್, ಪೋರ್ಟ್ರೇಟ್ ಸ್ಟುಡಿಯೋ ಮತ್ತು ಸ್ಕೆಚ್-ಟು-ಇಮೇಜ್‌ನಂತಹ ಅಸ್ತಿತ್ವದಲ್ಲಿರುವ ವೈಶಿಷ್ಟ್ಯಗಳಿಗಳನ್ನು ಎನಾನ್ಸ್ ಮಾಡಲು ಅವಕಾಶವನ್ನು ಕಲ್ಪಿಸಲಾಗಿದೆ.

ಕ್ಯಾಮೆರಾ ವಿಭಾಗದಲ್ಲಿ, Samsung Galaxy Z Flip 7 FE ಫೋನ್ ಹೊರಭಾಗದಲ್ಲಿ 2x ಆಪ್ಟಿಕಲ್ ಜೂಮ್ ಮತ್ತು 12-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಆಂಗಲ್ ಲೆನ್ಸ್‌ನೊಂದಿಗೆ 50-ಮೆಗಾಪಿಕ್ಸೆಲ್ ವೈಡ್-ಆಂಗಲ್ ಕ್ಯಾಮೆರಾವನ್ನು ಹೊಂದಿದೆ. ಇದೇ ಸಮಯದಲ್ಲಿ, ಇದು ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ ಒಳ ಪರದೆಯಲ್ಲಿ 10-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಸಹ ಹೊಂದಿದೆ. ಇದರ ಆಪ್ಟಿಕ್ಸ್ ಸಿಸ್ಟಮ್ ಸ್ಯಾಮ್‌ಸಂಗ್‌ನ ಪ್ರೊವಿಶುವಲ್ ಎಂಜಿನ್‌ನಿಂದ ಚಾಲಿತವಾಗಿದೆ ಮತ್ತು ನೈಟೋಗ್ರಫಿ ಮತ್ತು ಡ್ಯುಯಲ್ ಪ್ರಿವ್ಯೂನಂತಹ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಗೌಪ್ಯತೆ ಮತ್ತು ಸುರಕ್ಷತೆಗಾಗಿ, Galaxy Z Flip 7 FE ಫೋನ್ ವೈಯಕ್ತಿಕ ಡೇಟಾ ಎಂಜಿನ್‌ನೊಂದಿಗೆ ಬರುತ್ತದೆ, ಇದು ನಿಮ್ಮ ಡೇಟಾವನ್ನು ಸಂಗ್ರಹಿಸಿ ಎನ್‌ಕ್ರಿಪ್ಟ್ ಮಾಡುತ್ತದೆ, ನಂತರ ಅದನ್ನು ನಾಕ್ಸ್ ವಾಲ್ಟ್‌ನಲ್ಲಿ ಸಂಗ್ರಹಿಸಲಾಗುತ್ತದೆ. Galaxy Z Flip 5 ಗೆ ಹೋಲಿಸಿದರೆ ಫೋನ್‌ನ ವಿನ್ಯಾಸವನ್ನು ಪರಿಷ್ಕರಿಸಲಾಗಿದೆ ಎಂದು ಹೇಳಲಾಗುತ್ತದೆ. ಇದು 6.9mm (ಬಿಚ್ಚಿದ) ಮತ್ತು 14.9mm ದಪ್ಪವನ್ನು ಹೊಂದಿದೆ.ಬಾಳಿಕೆಗಾಗಿ, ಇದು ಆರ್ಮರ್ ಅಲ್ಯೂಮಿನಿಯಂ ಫ್ರೇಮ್ ಮತ್ತು ಧೂಳು ಮತ್ತು ನೀರಿನ ಒಳಹರಿವಿನ ವಿರುದ್ಧ IP48 ರೇಟಿಂಗ್ ಅನ್ನು ಹೊಂದಿದೆ.

ಬ್ಯಾಟರಿ ವಿಭಾಗದಲ್ಲಿ, ಈ Samsung Galaxy Z Flip 7 FE ಫೋನ್ 25W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 4,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ.ಕೊನೆಯದಾಗಿ, ಸ್ಯಾಮ್‌ಸಂಗ್ ಲೈವ್ ಟ್ರಾನ್ಸ್‌ಲೇಟ್ ವೈಶಿಷ್ಟ್ಯಕ್ಕಾಗಿ ಮೂರನೇ ವ್ಯಕ್ತಿಯ ಅಪ್ಲಿಕೇಶನ್ ಬೆಂಬಲವನ್ನು ಪರಿಚಯಿಸಿದೆ. ಹಾಗೂ Samsung Galaxy Z Flip 7 FE ಫೋನ್‌ನಲ್ಲಿ ಕಾಲ್ ಅಸಿಸ್ಟ್, ಕಾಲ್ ಟ್ರಾನ್ಸ್‌ಸ್ಕ್ರಿಪ್ಟ್ ಮತ್ತು ಇಂಟರ್‌ಪ್ರಿಟರ್ ವೈಶಿಷ್ಟ್ಯಗಳು ಸಹ ಇವೆ.

Samsung Galaxy Z Flip 7 FE ಬೆಲೆ, ಲಭ್ಯತೆ

ಭಾರತದಲ್ಲಿ Samsung Galaxy Z Flip 7 FEಫೋನ್ ಬೆಲೆ 8GB RAM + 128GB ಆಯ್ಕೆಗೆ ರೂ. 89,999 ರಿಂದ ಪ್ರಾರಂಭವಾಗುತ್ತದೆ. ಇದು 256GB ಆನ್‌ಬೋರ್ಡ್ ಸ್ಟೋರೇಜ್‌ನೊಂದಿಗೂ ಸಹ ಲಭ್ಯವಿದ್ದು, ಇದರ ಬೆಲೆ ರೂ. 95,999 ಗಳಾಗಿವೆ. ಈ ಸ್ಮಾರ್ಟ್‌ಫೋನ್ ಕಪ್ಪು ಮತ್ತು ಬಿಳಿ ಎರಡು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದ್ದು, ಖರೀದಿದಾರರು ಇಂದಿನಿಂದಲೇ ಫೋನನ್ನು ಮುಂಗಡವಾಗಿ ಆರ್ಡರ್ ಮಾಡಬಹುದು. ಜುಲೈ 12 ರ ಮೊದಲು ಮುಂಗಡವಾಗಿ ಆರ್ಡರ್ ಮಾಡುವವರು 256GB ಆಯ್ಕೆಯನ್ನು 128GB ರೂಪಾಂತರದಂತೆಯೇ ಖರೀದಿಸಲು ಸಾಧ್ಯವಾಗುತ್ತದೆ. ಇನ್ನು ಈ ಫೋನ್ ಇದೇ ಜುಲೈ 25 ರಿಂದ ಭಾರತದಲ್ಲಿ ಮಾರಾಟಕ್ಕೆ ಬರಲಿದೆ.