ಕಡಿಮೆ ಬೆಲೆಯ 'ಹಾರಿಜೋನಾ 1' 4G ವೋಲ್ಟ್ ಫೋನ್ ಬೆಲೆ ಮತ್ತೆ ಇಳಿಕೆ!!

ಕಡಿಮೆ ಬೆಲೆಯಲ್ಲಿಯೇ ಬಿಡುಗಡೆಯಾಗಿದ್ದ ಸ್ಯಾನ್‌ಸುಯ್ ಹಾರಿಜೋನಾ 1 ಫೋನ್ ಬೆಲೆ ಮತ್ತೆ ಒಂದು ಸಾವಿರ ಇಳಿಕೆಯಾಗಿದೆ.!!

By Bhaskar N J

Published: Wednesday, November 8, 2017, 17:53 [IST]

ಅತ್ಯಂತ ಕಡಿಮೆ ಬೆಲೆಯಲ್ಲಿ 4G VoLTE ಹೊಂದಿರುವ ಸ್ಮಾರ್ಟ್‌ಫೋನ್ ಖರೀದಿಸಬೇಕು ಎನ್ನುವ ಯೋಚನೆಯಲ್ಲಿದ್ದರೆ ಸ್ಯಾನ್‌ಸುಯ್ ಕಂಪೆನಿಯ "ಹಾರಿಜೋನಾ 1" ಫೋನ್ ಅನ್ನು ಖರೀದಿಸಿಸಬಹುದು.! ಏಕೆಂದರೆ ಕಡಿಮೆ ಬೆಲೆಯಲ್ಲಿಯೇ ಬಿಡುಗಡೆಯಾಗಿದ್ದ ಸ್ಯಾನ್‌ಸುಯ್ ಹಾರಿಜೋನಾ 1 ಫೋನ್ ಬೆಲೆ ಮತ್ತೆ ಒಂದು ಸಾವಿರ ಇಳಿಕೆಯಾಗಿದೆ.!!

ಹೌದು, 4G VoLTE ಸಪೋರ್ಟ್ ಮಾಡಲಿರುವ ಈ ಜಪಾನ್ ಮೂಲಕ ಕಂಪೆನಿ ಸ್ಯಾನ್‌ಸುಯ್ "ಹಾರಿಜೋನಾ 1" ಫೋನ್ ಬೆಲೆ 1 ಸಾವಿರ ರೂ.ಇಳಿಕೆಯಾಗಿದ್ದು, ಫ್ಲಿಪ್‌ಕಾರ್ಟ್‌ನಲ್ಲಿ ಇದೀಗ ಕೇವಲ 3,499 ರೂಪಾಯಿಗಳಿಗೆ ಮಾರಾಟಕ್ಕಿದೆ.! ಬೆಲೆಗೆ ತಕ್ಕಂತೆ ಫೀಚರ್‌ಗಳನ್ನು ಸಹ ಈ ಮೊಬೈಲ್ ಹೊಂದಿದ್ದು, ಹಾಗಾದರೆ, ಈ ಫೋನ್ ಹೊಂದಿರುವ ಫೀಚರ್ಸ್‌ಗಳು ಯಾವುವು ಎಂಬುದನ್ನು ಕೆಳಗಿನ ಸ್ಲೈಡರ್‌ಗಳಲ್ಲಿ ತಿಳಿಯಿರಿ.!!

4.5 ಇಂಚ್ ಸ್ಕ್ರೀನ್!!

ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯವಿರುವ ಸ್ಯಾನ್‌ಸುಯ್ ಹಾರಿಜೋನಾ ಸ್ಮಾರ್ಟ್‌ಫೋನ್ ಬ್ಲಾಕ್ ಮತ್ತು ಗೋಲ್ಡನ್ ಬಣ್ಣದಲ್ಲಿ ಲಭ್ಯವಿದ್ದು, ಡುಯಲ್ ಸಿಮ್ ಹಾಕಬಹುದಾಗಿದ ಈ ಫೋನ್ 4.5 ಇಂಚಿನ ಪರದೆಯನ್ನು ಹೊಂದಿದೆ.!!

ಪ್ರೋಸೆಸರ್ ಯಾವುದು?

ಆಂಡ್ರಾಯ್ಡ್ 6.0 ಮೂಲಕ ಕಾರ್ಯನಿರ್ವಹಿಸುವ ಸ್ಯಾನ್‌ಸುಯ್ ಹಾರಿಜೋನಾ 1.3GHz ಕ್ವಾಡ್ ಕೋರ್ ಪ್ರೋಸೆಸರ್ ಹೊಂದಿದೆ. 1 GB RAM ಮತ್ತು 8GB ಇಂಟರ್ನಲ್ ಮೊಮೊರಿಯನ್ನು ಹೊಂದಿರುವ ಈ ಫೋನಲ್ಲಿ ಮೆಮೊರಿ ಕಾರ್ಡ್ ಹಾಕುವ ಮೂಲಕ 64GB ವರೆಗೂ ಮೆಮೊರಿ ವಿಸ್ತರಿಸಿಕೊಳ್ಳಬಹುದಾಗಿದೆ.!!

ಕ್ಯಾಮೆರಾ ಹೇಗಿದೆ?

ಹಿಂಭಾಗದಲ್ಲಿ 5 MP ಕ್ಯಾಮೆರಾ ಮತ್ತು 3.3 MP ಸೆಲ್ಫಿ ಕ್ಯಾಮೆರಾವನ್ನು ಸ್ಯಾನ್‌ಸುಯ್ ಹಾರಿಜೋನಾ ಸ್ಮಾರ್ಟ್‌ಫೋನ್ ಹೊಂದಿದೆ. ಕಡಿಮೆ ಬೆಲೆಯ ಸ್ಮಾರ್ಟ್‌ಫೋನ್ ಇದಾಗಿದ್ದರೂ ತ್ತಮ ಚಿತ್ರಗಳನ್ನು ಸೆರೆಹಿಡಿಯಲು ಸಹಾಯಕವಾಗುವಂತೆ ಗ್ರಾಫಿಕ್ಸ್‌ಗಾಗಿ GPU ಅಳವಡಿಸಲಾಗಿದೆ.