ಮುಂದಿನ ವರ್ಷಕ್ಕೆ ಎಸ್ ಐಸಿಟಿ ಗಿಫ್ಟ್ ಏನು?

Posted By: Staff
ಮುಂದಿನ ವರ್ಷಕ್ಕೆ ಎಸ್ ಐಸಿಟಿ ಗಿಫ್ಟ್ ಏನು?
ಎಸ್ ಐಸಿಟಿ ಯಿಂದ 2012ರ ಫೆಬ್ರುವರಿ ವೇಳೆಗೆ ಮತ್ತೆರಡು ಆಂಡ್ರಾಯ್ಡ್ ಫೋನ್ ಗಳು ಹೊರಬರಲಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಬೆಳವಣಿಗೆ ಹಂತದಲ್ಲಿರುವ ಐವಿಕೆ ಮೊಬೈಲ್ ಎಸ್ ಐಸಿಟಿ ಜೊತೆಗೂಡಿ ಎರಡು ಅತ್ಯುನ್ನತ ಮೊಬೈಲ್ ಗಳನ್ನು 2012 ಜನವರಿ ವೇಳೆಗೆ ಹೊರತರಲು ಯೋಜನೆ ರೂಪಿಸಿದೆ.

2012 ಜನವರಿಯ ಎರಡನೇ ವಾರದಲ್ಲಿ ಮೊದಲ ಆಂಡ್ರಾಯ್ಡ್ ಫೋನ್ ಬರಲಿದೆ ಎಂದು ಐವಿಕೆ ಮೊಬೈಲ್ ಕಂಪನಿ ಸಿಇಒ ಅನಿಲ್ ಕೌಶಿಕ್ ತಿಳಿಸಿದ್ದಾರೆ. ಈ ಸ್ಮಾರ್ಟ್ ಫೋನ್ ಆಂಡ್ರಾಯ್ಡ್ 2.3 ಜಿಂಜರ್ ಬ್ರೆಡ್ ಆಪರೇಟಿಂಗ್ ಸಿಸ್ಟಮ್ ಪಡೆದುಕೊಂಡಿದೆ. 4.3 ಇಂಚಿನ ಟಚ್ ಸ್ಕ್ರೀನ್ ಡಿಸ್ಪ್ಲೇ ಹೊಂದಿದ್ದು, 1GHz ಪ್ರೊಸೆಸರ್ ನೊಂದಿಗೆ ಕಾರ್ಯ ನಿರ್ವಹಿಸಲಿದೆ.

ಎಸ್ ಐಸಿಟಿ ಸಹಯೋಗದೊಂದಿಗೆ ಜನವರಿ ಕೊನೆಯಲ್ಲೂ ಇನ್ನೊಂದು ಮೊಬೈಲ್ ತೆರೆಕಾಣಲಿದೆ. ಈ ಸ್ಮಾರ್ಟ್ ಫೋನ್ 5 ಇಂಚಿನ ಟಚ್ ಸ್ಕ್ರೀನ್ ಡಿಸ್ಪ್ಲೇ ಪಡೆದುಕೊಂಡಿದ್ದು, ಡ್ಯೂಯಲ್ ಕ್ಯಾಮೆರಾ ಇರುವುದು ವಿಶೇಷ. ಆಂಡ್ರಾಯ್ಡ್ 2.3 ಜಿಂಜರ್ ಬ್ರೆಡ್ ಆಪರೇಟಿಂಗ್ ಸಿಸ್ಟಮ್ ಪಡೆದುಕೊಂಡಿರುವ ಜೊತೆ 1GHz ಪ್ರೊಸೆಸರ್ ಕೂಡ ಇದರಲ್ಲಿದೆ.

2012ರ ಜನವರಿ ವೇಳೆಗೆ ಬಿಡುಗಡೆಗೊಳ್ಳುವ ನಿರೀಕ್ಷೆಯಿರುವ ಈ ಎರಡೂ ಫೋನ್ ಗಳು 15,000 ರೂ ಗಿಂತ ಕಡಿಮೆ ಬೆಲೆ ಇರುವ ಅಂದಾಜಿದೆ. ಹಾಗೆಯೇ ಫೆಬ್ರುವರಿ ಮಧ್ಯದಲ್ಲಿ ಆಂಡ್ರಾಯ್ಡ್ ಟ್ಯಾಬ್ಲೆಟ್ ಕೂಡ ಬಿಡುಗಡೆಯಾಗುವ ಸೂಚನೆ ನೀಡಿದೆ.

ಅಂತರರಾಷ್ಟ್ರೀಯ ಮೊಬೈಲ್ ಮಾರುಕಟ್ಟೆಯಲ್ಲಿ ಹೆಸರು ಮಾಡಿರುವ SICT ಇದೀಗ ಐವಿಕೆ ಮೊಬೈಲ್ ಸಹಯೋಗದೊಂದಿಗೆ ಹೊರತರುತ್ತಿರುವ ಈ ಸ್ಮಾರ್ಟ್ ಫೋನ್ ಗಳು ಭಾರೀ ಮಾರಾಟವಾಗುವ ನಿರೀಕ್ಷೆ ಹೊಂದಿದೆ.

Please Wait while comments are loading...
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot