ಈ ನಡುವೆ ಭಾರತೀಯ ಮಾರುಕಟ್ಟೆಗೆ ಸ್ಯಾಮ್ಸಂಗ್‌ ಗ್ಯಾಲಾಕ್ಸಿ ನೋಟ್‌ ಬಂದ ನಂತರ ಕೊಂಚ ದೊಡ್ಡಗಾತ್ರದ ಫಾಬ್ಲೆಟ್‌ಗಳಿಗೆ ಬೇಡಿಕೆ ಹೆಚ್ಚುತ್ತಿದ್ದು, ಗ್ರಾಹಕರು ಸ್ಮಾರ್ಟ್‌ಫೋನ್ಸ್‌ ಬದಲಾಗಿ ಫಾಬ್ಲೆಟ್‌ಗಳತ್ತ ಮುಖ ಮಾಡಿದ್ದಾರೆ.
ಅಂದಹಾಗೆ ಈ ಸಾಲಿಗೆ ಇತ್ತೀಚೆಗೆ ಸ್ಥಳೀಯ ತಯಾರಕರುಗಳಾದ ಸ್ಪೈಸ್‌ ಹಾಗೂ ಐಬಾಲ್‌ ಸಂಸ್ಥೆಗಳು ನೂತನ ಬಜೆಟ್‌ ಸ್ನೇಹಿ ಫಾಬ್ಲೆಟ್‌ ಗಳಾದಂತಹ ಸ್ಟೆಲ್ಲರ್‌ ಹಾರಿಜಾನ್‌ ಮಿ-500 ಹಾಗೂ ಐಬಾಲ್‌ ಆಂಡಿ 5ಸಿ ಮಾದರಿಗಳನ್ನು ಮಾರುಕಟ್ಟೆಗೆ ಪರಿಚಯಿಸಿವೆ. ಈ ಎರಡೂ ಫಾಬ್ಲೆಟ್‌ನಲ್ಲಿ ಯಾವುದನ್ನು ಖರೀದಿಸುವುದು ಎಂದು ಗೊಂದಲದಲ್ಲಿ ನೀವಿದ್ದರೆ ಅದಕ್ಕೂ ಮುನ್ನ ಇವೆರಡರ ನಡುವಿನ ಹೋಲಿಕೆಯನ್ನು ಒಮ್ಮೆ ಓದಿ ನೋಡಿ.
ಗಾತ್ರ ಹಾಗೂ ಸುತ್ತಳತೆ: ಐಬಾಲ್‌ ಆಂಡಿ 5c ಫಾಬ್ಲೆಟ್‌ನ ಸುತ್ತಳತೆಯ ಕುರಿತು ಸಂಸ್ಥೆ ಯಾವುದೇ ಮಾಹಿತೀ ನೀಡಿಲ್ಲ, ಅಂದಹಾಗೆ ಸ್ಫೈಸ್‌ ಸ್ಟೆಲ್ಲರ್‌ ಹಾರಿಜಾನ್‌ 143 x 77.4 x 10.5 mm ಸುತ್ತಳತೆಯೊಂದಿಗೆ 205 ಗ್ರಾಂ ತೂಕವಿದೆ.
ದರ್ಶಕ: ಎರಡೂ ಫಾಬ್ಲೆಟ್‌ಗಳಲ್ಲಿ 5 ಇಂಚಿನ ಟಚ್‌ಸ್ಕ್ರೀನ್‌ ದರ್ಶಕವಿದ್ದು 480 x 800 ಪಿಕ್ಸೆಲ್ಸ್‌ ಹೊಂದಿವೆ.
ಪ್ರೊಸೆಸರ್‌: ಈ ವಿಭಾಗದಲ್ಲಿ ಸ್ಟೆಲ್ಲರ್‌ ಹಾರಿಜಾನ್‌ 1GHz ಕ್ವಾಲ್‌ಕಾಮ್‌ ಸ್ನಾಪ್‌ಡ್ರಾಗನ್‌ ಪ್ರೊಸೆಸರ್‌ ಹೊಂದಿದ್ದರೆ, ಆಂಡಿ 5c ನಲ್ಲಿ 1GHz ಕಾರ್ಟೆಕ್ಸ್‌ A9 ಪ್ರೊಸೆಸರ್‌ ಹೊಂದಿದೆ.
ಆಪರೇಟಿಂಗ್‌ ಸಿಸ್ಟಂ: ಎರಡೂ ಫಾಬ್ಲೆಟ್‌ಗಳಲ್ಲಿ ಆಂಡ್ರಾಯ್ಡ್‌ 4.0 ಐಸ್‌ಕ್ರೀಮ್‌ ಸ್ಯಾಂಡ್ವಿಚ್‌ ಆಪರೇಟಿಂಗ್‌ ಸಿಸ್ಟಂ ಹೊಂದಿವೆ.
ಕ್ಯಾಮೆರಾ: ಈ ವಿಭಾಗದಲ್ಲಿಯೂ ಕೂಡ ಎರಡೂ ಫಾಬ್ಲೆಟ್‌ಗಳಲ್ಲಿ 5MP ಹಿಂಬದಿಯ ಕ್ಯಾಮೆರಾ ಇದ್ದು, ಆಟೋ ಫೋಕಸ್‌ ಹಾಗೂ LED ಫ್ಲಾಷ್‌ ಸೇರಿದಂತೆ ವಿಡಿಯೋ ಕರೆಗಾಗಿ 0.3MPನ ಮುಂಬದಿಯ ಕ್ಯಾಮೆರಾ ಹೊಂದಿದೆ.
ಸ್ಟೋರೇಜ್‌: ಎರೆಡೂ ಫಾಬ್ಲೆಟ್‌ಗಳಲ್ಲಿ 4GB ಆಂತರಿಕ ಮೆಮೊರಿಯೊಂದಿಗೆ 512MB RAM ಹೊಂದಿವೆ. ಹಾಗೂ ಎರಡೂ ಫಾಬ್ಲೆಟ್‌ಗಳಲ್ಲಿ ಮೈಕ್ರೋ ಎಸ್‌ಡಿ ಕಾರ್ಡ್‌ ಸ್ಲಾಟ್‌ ಸೌಲಭ್ಯವಿದ್ದು 32GB ವರೆ ಮೆಮೊರಿ ವಿಸ್ತರಿಸಿಕೊಳ್ಳ ಬಹುದಾಗಿದೆ.
ಕನೆಕ್ಟಿವಿಟಿ: ಈ ವಿಚಾರದಲ್ಲೂ ಕೂಡ ಎರಡೂ ಫಾಬ್ಲೆಟ್‌ಗಳು 3G, ಬ್ಲೂಟೂತ್‌, Wi-Fi 802.11 b/g/n ಹಾಗೂ ಮೈಕ್ರೋ USB 2.0 ಹೊಂದಿವೆ.
ಬ್ಯಾಟರಿ: ಸ್ಟೆಲ್ಲರ್‌ ಹಾರಿಜಾನ್‌ನಲ್ಲಿ 2,400 mAh ಸಾಮರ್ತ್ಯದ ಬ್ಯಾಟರಿ ಇದ್ದರೆ, ಇಬಾಲ್‌ ಆಂಡಿ 5c ನಲ್ಲಿ 2,300 mAh Li-ion ಬ್ಯಾಟರಿ ಹೊಂದಿದೆ.
ಬೆಲೆ: ಖರೀದಿಸುವುದಾದರೆ ಈ ಬಜೆಟ್‌ ಸ್ನೇಹಿ ಫಾಬ್ಲೆಟ್ಸ್‌ಗಳಾದ ಸ್ಪೈಸ್‌ ಸ್ಟೆಲ್ಲರ್‌ ಹಾರಿಜಾನ್‌ ಮಿ-500 ಹಾಗೂ ಐಬಾಲ್‌ ಆಂಡಿ 5ಸಿ ರೂ.12,499 ಹಾಗೂ 12,999 ರೂ ದರದಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.
