ಮಾರ್ಚ್ 4ಕ್ಕೆ Tecno Pop X ಭಾರತಕ್ಕೆ ಎಂಟ್ರಿ: ಅತ್ಯಂತ ಕಡಿಮೆ ಬೆಲೆ!

ಬಜೆಟ್ ಬೆಲೆಯ ಸ್ಮಾರ್ಟ್‌ಫೋನ್‌ಗಳ ತಯಾರಿಕೆಗೆ ಹೆಸರಾಗಿರುವ Tecno ಕಂಪೆನಿಯು ಭಾರತ ಮಾರುಕಟ್ಟೆಗೆ ಮತ್ತೊಂದು ಹೊಸ ಎಂಟ್ರಿ-ಲೆವೆಲ್ ಸ್ಮಾರ್ಟ್‌ಫೋನ್ ಅನ್ನು ಪರಿಚಯಿಸಲು ಸಜ್ಜಾಗಿದೆ. Tecno ಕಂಪನಿಯು ತನ್ನ ಹೊಸ 'Tecno Pop X' ಸ್ಮಾರ್ಟ್‌ಫೋನ್ ಅನ್ನು ಇದೇ ಮಾರ್ಚ್ ಮೊದಲ ವಾರದಲ್ಲಿ ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಘೋಷಿಸಿದೆ. ಈ ಫೋನ್ ಬಿಡುಗಡೆಗೆ ಸಂಬಂಧಿಸಿದಂತೆ ವಿಶೇಷ ಮೈಕ್ರೋಸೈಟ್ ಕೂಡ ಲೈವ್ ಆಗಿದ್ದು, ಡಿಸೈನ್ ಹಾಗೂ ಪ್ರಮುಖ ವೈಶಿಷ್ಟ್ಯಗಳ ಬಗ್ಗೆ ಮಾಹಿತಿಯನ್ನು ಬಹಿರಂಗಪಡಿಸಿದೆ. ಈ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.

Tecno Pop X: ಮಾರ್ಚ್ 4 ರಂದು ಬಿಡುಗಡೆ
ಕಂಪನಿಯ ಮಾಹಿತಿ ಪ್ರಕಾರ, Tecno Pop X ಸ್ಮಾರ್ಟ್‌ಫೋನ್ ಮಾರ್ಚ್ 4 ರಂದು ಮಧ್ಯಾಹ್ನ 12 ಗಂಟೆಗೆ ಭಾರತದಲ್ಲಿ ಲಾಂಚ್ ಆಗಲಿದೆ. ಈ ಫೋನ್ Amazon ಮೂಲಕ ಮಾರಾಟಕ್ಕೆ ಬರುತ್ತಿದ್ದು, ಆರಂಭಿಕವಾಗಿ ಕನಿಷ್ಠ ಒಂದು ವೈಟ್ ಬಣ್ಣದ ಆಯ್ಕೆಯಲ್ಲಿ ಲಭ್ಯವಾಗುವ ನಿರೀಕ್ಷೆಯಿದೆ.

ಡಿಸೈನ್ ದೃಷ್ಟಿಯಿಂದ ನೋಡಿದರೆ, Tecno Pop X ಫೋನ್‌ಗೆ ಫ್ಲಾಟ್ ಹಿಂಭಾಗ ಮತ್ತು ಫ್ಲಾಟ್ ಫ್ರೇಮ್ ನೀಡಲಾಗಿದೆ. ಹಿಂಭಾಗದಲ್ಲಿ ಪಿಲ್-ಆಕಾರದ ಕ್ಯಾಮೆರಾ ಐಲ್ಯಾಂಡ್ ಕಾಣಿಸುತ್ತದೆ. ಜೊತೆಗೆ ಇನ್ಫ್ರಾರೆಡ್ ಸೆನ್ಸರ್ ಹಾಗೂ ಎಲ್‌ಇಡಿ ಫ್ಲ್ಯಾಶ್ ಕೂಡ ಇದೆ.

Tecno Pop X ಫೋನ್‌ಬಲಭಾಗದಲ್ಲಿ ಪವರ್ ಬಟನ್ ಮತ್ತು ವಾಲ್ಯೂಮ್ ಕಂಟ್ರೋಲ್ ಬಟನ್‌ಗಳು ಇದ್ದು, ಎಡಭಾಗದಲ್ಲಿ ಸಿಮ್ ಟ್ರೇ ನೀಡಲಾಗಿದೆ. ಬಜೆಟ್ ವಿಭಾಗದಲ್ಲಿ ಬರುತ್ತಿದ್ದರೂ, ಈ ಫೋನ್‌ನಲ್ಲಿ 120Hz ರಿಫ್ರೆಶ್ ರೇಟ್‌ ಇರುವ ಡಿಸ್ಪ್ಲೇ ಇರುವುದನ್ನು ಸೂಚಿಸಲಾಗಿದೆ.

Tecno Pop X: ನಿರೀಕ್ಷಿತ ವೈಶಿಷ್ಟ್ಯಗಳು
ಅಮೆಜಾನ್ ನಲ್ಲಿ Tecno Pop X ಸ್ಮಾರ್ಟ್‌ಫೋನ್‌ಗಾಗಿ ಮೀಸಲಾಗಿರುವ ಮೈಕ್ರೋಸೈಟ್ ನಲ್ಲಿ ಕೇವಲ ವಿನ್ಯಾಸ ಮತ್ತು ಬಿಡುಗಡೆ ದಿನಾಂಕದ ಮೇಲೆ ಹೆಚ್ಚು ಗಮನಹರಿಸಲಾಗಿದೆ. ಅಂದರೆ, ಚಿಪ್‌ಸೆಟ್, ಬೆಲೆ ಮತ್ತು ಕ್ಯಾಮೆರಾ ಕಾನ್ಫಿಗರೇಶನ್ ಸೇರಿದಂತೆ ಮುಂಬರುವ Tecno Pop X ಫೋನ್‌ನ ಕುರಿತು ಹೆಚ್ಚಿನ ವಿವರಗಳನ್ನು ಕಂಪೆನಿಯು ಇನ್ನೂ ಬಹಿರಂಗಪಡಿಸಿಲ್ಲ. ಆದರೆ, ಉದ್ಯಮದ ನಿರೀಕ್ಷೆಗಳು Tecno Pop X ಸ್ಮಾರ್ಟ್‌ಫೋನ್‌ನಲ್ಲಿ 120Hz ರಿಫ್ರೆಶ್ ದರದೊಂದಿಗೆ 6.75 ಇಂಚಿನ ಡಿಸ್ಪ್ಲೇ ಇರುವುದನ್ನು ಸೂಚಿಸುತ್ತಿವೆ.

ಈ ಫೋನ್ ಯುನಿಸಾಕ್ T7250 ಪ್ರೊಸೆಸರ್‌ನಿಂದ ಚಾಲಿತವಾಗುವ ಸಾಧ್ಯತೆಯಿದೆ ಮತ್ತು 15W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಅನ್ನು ಬೆಂಬಲಿಸುವ 5000mAh ಬ್ಯಾಟರಿಯಿಂದ ಬೆಂಬಲಿತವಾಗಿರಬಹುದು. ವರದಿಗಳು ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ IP64 ರೇಟಿಂಗ್ ಅನ್ನು ಸೂಚಿಸುತ್ತವೆ, ಜೊತೆಗೆ 1.2 ಮೀಟರ್‌ಗಳವರೆಗೆ ಬೀಳುವ ಪ್ರತಿರೋಧವನ್ನು ಸೂಚಿಸುತ್ತವೆ. ಹಿಂಬದಿಯ ಕ್ಯಾಮೆರಾ ಸೆಟಪ್ 13 ಮೆಗಾಪಿಕ್ಸೆಲ್ AI ಮುಖ್ಯ ಸಂವೇದಕವನ್ನು ಒಳಗೊಂಡಿರಬಹುದು. ಮತ್ತು 10 ಸಾವಿಕ್ಕಿಂತ ಕಡಿಮೆ ಬೆಲೆಯಲ್ಲಿ ಬರುವ ಸೂಚನೆ ಇದೆ.

ಬಜೆಟ್ ವಿಭಾಗದಲ್ಲಿ ಸ್ಪರ್ಧೆ ಹೆಚ್ಚಾಗಲಿದೆ
ಭಾರತದ ಬಜೆಟ್ ಸ್ಮಾರ್ಟ್‌ಫೋನ್ ಮಾರುಕಟ್ಟೆ ದಿನದಿಂದ ದಿನಕ್ಕೆ ಸ್ಪರ್ಧಾತ್ಮಕವಾಗುತ್ತಿದೆ. ಕಡಿಮೆ ದರದಲ್ಲಿ ಉತ್ತಮ ಡಿಸ್ಪ್ಲೇ ಮತ್ತು ದೊಡ್ಡ ಬ್ಯಾಟರಿ ನೀಡುವ ಫೋನ್‌ಗಳಿಗೆ ಹೆಚ್ಚಿನ ಬೇಡಿಕೆ ಇದೆ. Tecno Pop X ಕೂಡ ಇದೇ ತಂತ್ರವನ್ನು ಅನುಸರಿಸುತ್ತಿರುವಂತೆ ಕಾಣುತ್ತಿದೆ. ವಿಶೇಷವಾಗಿ ಗ್ರಾಮೀಣ ಹಾಗೂ ಟಿಯರ್-2, ಟಿಯರ್-3 ನಗರಗಳಲ್ಲಿ ಈ ಫೋನ್ ಉತ್ತಮ ಪ್ರತಿಕ್ರಿಯೆ ಪಡೆಯುವ ಸಾಧ್ಯತೆ ಇದೆ. ಲಾಂಚ್ ದಿನಾಂಕ ಸಮೀಪಿಸುತ್ತಿರುವಂತೆ, ಪ್ರೊಸೆಸರ್, ನಿಖರ ಬೆಲೆ ಹಾಗೂ ಸಂಪೂರ್ಣ ಕ್ಯಾಮೆರಾ ವಿವರಗಳ ಬಗ್ಗೆ ಇನ್ನಷ್ಟು ಅಧಿಕೃತ ಮಾಹಿತಿ ಹೊರಬೀಳುವ ನಿರೀಕ್ಷೆಯಿದೆ. Tecno Pop X ಭಾರತದಲ್ಲಿ ಬಜೆಟ್ ವಿಭಾಗದಲ್ಲಿ ಮತ್ತೊಂದು ಗಮನಾರ್ಹ ಆಯ್ಕೆಯಾಗುತ್ತದೆಯೇ ಎಂಬುದು ಮಾರ್ಚ್ 4 ನಂತರ ಸ್ಪಷ್ಟವಾಗಲಿದೆ. ಅಲ್ಲಿಯವೆರಗೂ, ನಿಮ್ಮ ನೆಚ್ಚಿನ ಕನ್ನಡ ಗಿಜ್‌ಬಾಟ್‌ನಲ್ಲಿ ಲೈವ್ ಆಗಿರಿ.