ಶಿಯೋಮಿ ಪೋಕೋ ಪೋನ್ ಆಡ್ ನೋಡಿದ್ರೆ ಒನ್‌ಪ್ಲಸ್ 6 ಬೇಡ ಅಂತೀರಾ.!

ಮಾಸ್ಟರ್‌ ಆಫ್ ಸ್ಟೀಡ್:

ಮಾರುಕಟ್ಟೆಯಲ್ಲಿ ಬಿಡಗಡೆಗೂ ಮುಂಚೆ ಒನ್‌ಪ್ಲಸ್ 6 ಜಾಹಿರಾತಿನಲ್ಲಿ 'ದಿ ಸ್ಪೀಡ್ ಯೂ ನೀಡ್' ಎನ್ನುವ ಟ್ಯಾಗ್ ಲೈನಿನಲ್ಲಿ ಆಡ್‌ಗಳನ್ನು ನೀಡುತಿತ್ತು. ಈಗ ಮಾರುಕಟ್ಟೆಗೆ ಬರಲಿರುವ ಪೋಕೋ ಪೋನ್ 'ಮಾಸ್ಟರ್ ಆಫ್ ಸ್ಟೀಡ್' ಹೆಸರಿನಲ್ಲಿ ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಮುಂದಾಗಿದೆ.

ಒನ್‌ಪ್ಲಸ್‌ 6 ಗೆ ಸೆಡ್ಡು:

ಮಾರುಕಟ್ಟೆಯಲ್ಲಿ ಲಾಂಚ್ ಆಗಲಿರುವ ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ಗೆ ಸೆಡ್ಡು ಹೊಡೆಯುವ ಸಲುವಾಗಿಯೇ ಪೋಕೋ ಫೋನ್ ಅನ್ನು ಲಾಂಚ್ ಮಾಡಲಾಗುತ್ತಿದೆ. ಇದಲ್ಲದೇ ವಿನ್ಯಾಸದಲ್ಲಿಯೂ ಈ ಸ್ಮಾರ್ಟ್‌ಫೋನ್ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಲಿದೆ ಎನ್ನಲಾಗಿದೆ. ವಿನ್ಯಾಸದ ಫೋಟೋವನ್ನು ಹಾಕಲಾಗಿದೆ.

ಗೇಮರ್‌ಗಳಿಗಾಗಿಯೇ:

ಪೋಕೋಫೋನ್ ಅನ್ನು ಗೇಮರ್‌ಗಳಿಗಾಗಿಯೇ ಬಿಡುಗಡೆ ಮಾಡಲಾಗಿದ್ದು, ಇದಕ್ಕಾಗಿಯೇ ವೇಗದ ಪ್ರೋಸೆಸರ್ ನೊಂದಿಗೆ RAM ಅನ್ನು ನೀಡಲಿದೆ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಮಾರುಕಟ್ಟೆಯಲ್ಲಿ ಬೇಡಿಕೆಯನ್ನು ಸೃಷ್ಟಿಸಿಕೊಳ್ಳಲಿದೆ.

ಪ್ರೋಸೆಸರ್:

ಪೋಕೊ ಫೋನ್ F1 ಗೇಮರ್ ಗಳಿಗಾಗಿಯೇ ಲಾಂಚ್ ಮಾಡುತ್ತಿರುವ ಫೋನ್‌ ಆಗಿರುವುದರಿಂದಾಗಿ ಮಾರುಕಟ್ಟೆಯಲ್ಲಿ ಟಾಪ್ ಎಂಡ್ ಪ್ರೊಸೆಸರ್ ಆಗಿರುವ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 845 SOC ಪ್ರೊಸೆಸರ್ ಅಳವಡಿಸಿದೆ. ಇದರೊಂದಿಗೆ 6 GB RAM ಮತ್ತು 64 GB / 128 GB ಇಂಟರ್ನಲ್ ಮೆಮೊರಿಯೊಂದಿಗೆ ಈ ಸ್ಮಾರ್ಟ್‌ಫೋನ್ ಮಾರಾಟವಾಗಲಿದೆ.

ಮೊದಲ ಫೋನ್ ಪೋಕೊ ಫೋನ್ F1:

ಭಾರತೀಯ ಮಾರುಕಟ್ಟೆಯಲ್ಲಿ ಮೊದಲ ಭಾರಿಗೆ ಗೇಮಿಂಗ್ ಸ್ಮಾರ್ಟ್‌ಫೋನ್‌ ವೊಂದನ್ನು ಸಾಕಷ್ಟು ಕಡಿಮೆ ಬೆಲೆಗೆ ಮಾರಾಟ ಮಾಡಲು ಶಿಯೋಮಿ ಪೋನ್ F1 ಅನ್ನು ಲಾಂಚ್ ಮಾಡಲು ಮುಂದಾಗಿದೆ.

ದೊಡ್ಡ ಡಿಸ್‌ಪ್ಲೇ:

ಪೋಕೊ ಫೋನ್ F1 ಕುರಿತಂತೆ ಸಾಕಷ್ಟು ರೂಮರ್‌ಗಳು ಹರಿದಾಡುತ್ತಿದೆ. ಆದರೆ ಈ ಸ್ಮಾರ್ಟ್‌ಫೋನ್ ನಿರ್ಮಾಣದ ಬಗ್ಗೆ ಮಾತ್ರವೇ ಮಾಹಿತಿ ನೀಡಿರುವ ಶಿಯೋಮಿ, ವಿಶೇಷತೆಗಳ ಕುರಿತು ಯಾವುದೇ ಮಾಹಿತಿಯನ್ನು ಹೊರಹಾಕಿಲ್ಲ. ಆದರೆ ಮೂಲಗಳು ನೀಡಿರುವ ಮಾಹಿತಿ ಅನ್ವಯ 18:9 ಅನುಪಾತದ 6.3 ಇಂಚಿನ ಡಿಸ್‌ಪ್ಲೇಯನ್ನು ಈ ಸ್ಮಾರ್ಟ್‌ಫೋನಿನಲ್ಲಿ ಕಾಣಬಹುದಾಗಿದೆ.

ಕ್ಯಾಮೆರಾ:

ಪೋಕೊ ಫೋನ್ F1 ಸ್ಮಾರ್ಟ್‌ಫೋನಿನಲ್ಲಿ ಸೆಲ್ಫಿ ಕ್ಯಾಮೆರಾಗೆ ಹೆಚ್ಚು ಒತ್ತನ್ನು ನೀಡಲಾಗಿದ್ದು 20MP ಕ್ಯಾಮೆರಾ ನೀಡಲಾಗಿದೆ. ಕ್ಯಾಮರಾ ತಂತ್ರಜ್ಞಾನವೆ ಹೆಚ್ಚು ವಿಶೇಷ ಎಂದು ಶಿಯೋಮಿ ಮೂಲಗಳು ತಿಳಿಸಿವೆ. ಇದಕ್ಕಾಗಿಯೇ ಹೆಚ್ಚುವರಿ ಸೆನ್ಸಾರ್ ಅನ್ನು ಇದರಲ್ಲಿ ಅಳವಡಿಸಿದೆ.