ಭಾರತದಲ್ಲಿ iQOO Z10 ಫೋನ್ ಬಿಡುಗಡೆ ದಿನಾಂಕ ಪ್ರಕಟ!..ಇರಲಿದೆ 7,300mAh ಬ್ಯಾಟರಿ!

ಬಜೆಟ್ ಬೆಲೆಗಳಲ್ಲಿ ಅತ್ಯುತ್ತಮ ಸ್ಮಾರ್ಟ್‌ಫೋನ್ ತಯಾರಿಕೆಗೆ ಹೆಸರಾದ iQOO ಕಂಪೆನಿಯು ಮುಂದಿನ ಏಪ್ರಿಲ್ 11 ರಂದು ಭಾರತದಲ್ಲಿ ತನ್ನ ವಿನೂತನ iQOO Z10 ಸ್ಮಾರ್ಟ್‌ಫೋನನ್ನು ಪರಿಚಯಿಸುವುದಾಗಿ ಘೋಷಿಸಿದೆ. ಇತ್ತೀಚಿಗಷ್ಟೇ ಗೇಮಿಂಗ್ ಪ್ರಿಯರಿಗಾಗಿ iQOO Neo 10R ಸ್ಮಾರ್ಟ್‌ಫೋನನ್ನು ಬಿಡುಗಡೆ ಮಾಡಿರುವ iQOO ಕಂಪೆನಿಯು ಇದೀಗ ದೊಡ್ಡ ಬ್ಯಾಟರಿ ಹುಡುಕುವ ಸ್ಮಾರ್ಟ್‌ಫೋನ್ ಗ್ರಾಹಕರಿಗಾಗಿ ಈ ಹೊಸ iQOO Z10 ಸ್ಮಾರ್ಟ್‌ಫೋನನ್ನು ಪರಿಚಯಿಸುತ್ತಿದೆ. ಈ ಫೋನ್ 7,300mAh ಬ್ಯಾಟರಿಯನ್ನು ಹೊತ್ತು ಹೊಂದಿದ್ದು, ಇದು ಭಾರತದಲ್ಲಿ ಈಗಾಗಲೇ ಲಭ್ಯವಿರುವ ಸ್ಮಾರ್ಟ್‌ಫೋನ್‌ಗಳಲ್ಲಿ ಅತಿದೊಡ್ಡ ಬ್ಯಾಟರಿ ಸ್ಮಾರ್ಟ್‌ಫೋನ್ ಇದಾಗಿರಲಿದೆ. ಇಷ್ಟೇ ಅಲ್ಲದೆ, ಈ ಸ್ಮಾರ್ಟ್‌ಫೋನ್ ಡ್ಯುಯಲ್-ಕ್ಯಾಮೆರಾ ಸೆಟಪ್‌ನಲ್ಲಿ ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಇರುವುದನ್ನು ದೃಢಪಡಿಸಲಾಗಿದೆ.

iQOO Z10 ಸ್ಮಾರ್ಟ್‌ಫೋನ್ ವೈಶಿಷ್ಟ್ಯಗಳು

iQOO Z10 ಸ್ಮಾರ್ಟ್‌ಫೋನ್ ಕುರಿತು iQOO ಬಿಡುಗಡೆ ಮಾಡಿದ ಟೀಸರ್‌ಗಳಲ್ಲಿ ಕೆಲವು ಮಾಹಿತಿಗಳು ಲಭ್ಯವಿದೆ. ಕೆಲವು ವರದಿಗಳು ಈ ಸ್ಮಾರ್ಟ್‌ಫೋನ್‌ನಲ್ಲಿ ಇತರ ವಿಶೇಷಣಗಳನ್ನೂ ಪಟ್ಟಿ ಮಾಡಿವೆ. ಹೊಸ iQOO Z10 ಸ್ಮಾರ್ಟ್‌ಫೋನ್ 120Hz ರಿಫ್ರೆಶ್ ರೇಟ್ ಹೊಂದಿರುವ 6.67-ಇಂಚಿನ ಕ್ವಾಡ್-ಕರ್ವ್ಡ್ FHD+ AMOLED ಡಿಸ್ಪ್ಲೇ ಅನ್ನು ಒಳಗೊಂಡಿರುತ್ತದೆ. ಈ ಫೋನ್ ಕ್ವಾಲ್ಕಾಮ್‌ನ ಸ್ನಾಪ್‌ಡ್ರಾಗನ್ 7s Gen 3 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ, ಇದು 8GB ಅಥವಾ 12GB RAM ಮತ್ತು 128GB ಅಥವಾ 256GB ಶೇಖರಣಾ ಆಯ್ಕೆಗಳನ್ನು ಒದಗಿಸುತ್ತದೆ ಎಂದು ಹೇಳಿವೆ.

ಕ್ಯಾಮೆರಾ ವಿಭಾಗದಲ್ಲಿ, iQOO Z10 ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ 50MP ಸೋನಿ IMX882 ಪ್ರಾಥಮಿಕ ಸಂವೇದಕ ಮತ್ತು 2MP ಡೆಪ್ತ್ ಸಂವೇದಕವನ್ನು ಹೊಂದಿರಬಹುದು, ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಅನ್ನು ಬೆಂಬಲಿಸುತ್ತದೆ. ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗೆ, ಫೋನ್ 32MP ಮುಂಭಾಗದ ಕ್ಯಾಮೆರಾವನ್ನು ಒಳಗೊಂಡಿರಬಹುದು. iQOO Z10 ಸ್ಮಾರ್ಟ್‌ಫೋನಿನ ಪ್ರಮುಖ ವೈಶಿಷ್ಟ್ಯವೆಂದರೆ 7,300mAh ಬ್ಯಾಟರಿ, ಇದು 90W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ, ಇದರಿಂದಾಗಿ ಇದು ಒಂದೇ ಚಾರ್ಜ್‌ನಲ್ಲಿ ದೀರ್ಘಕಾಲ ಬಾಳಿಕೆ ನೀಡುವ ಸ್ಮಾರ್ಟ್‌ಫೋನ್‌ಗಳಲ್ಲಿ ಒಂದಾಗಲಿದೆ. ಇತರ ವೈಶಿಷ್ಟ್ಯಗಳಲ್ಲಿ, ಈ ಫೋನ್ 8.1mm ದಪ್ಪವಾಗಿದೆ ಮತ್ತು IR ಬ್ಲಾಸ್ಟರ್ ಅನ್ನು ಒಳಗೊಂಡಿದ್ದು, ಇದು ವಿವಿಧ ಸಾಧನಗಳಿಗೆ ರಿಮೋಟ್ ಕಂಟ್ರೋಲ್ ಆಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ.

iQOO Z10 ಸ್ಮಾರ್ಟ್‌ಫೋನ್ ಬೆಲೆ
ಭಾರತದಲ್ಲಿ iQOO Z10 5G ಸ್ಮಾರ್ಟ್‌ಫೋನ್ ಬೆಲೆ ₹20,000 ರಿಂದ ₹30,000 ರೂ.ಗಳ ನಡುವೆ ಇರಬಹುದು. ಇದರ ದೊಡ್ಡ ಬ್ಯಾಟರಿ, ಶಕ್ತಿಯುತ ಚಿಪ್‌ಸೆಟ್ ಮತ್ತು ಹೆಚ್ಚಿನ ರಿಫ್ರೆಶ್-ರೇಟ್ AMOLED ಡಿಸ್ಪ್ಲೇಯೊಂದಿಗೆ, ಈ ಫೋನ್ ಮಧ್ಯಮ ಶ್ರೇಣಿಯ ಬಳಕೆದಾರರಿಗೆ ದೀರ್ಘಾಯುಷ್ಯ ಮತ್ತು ಉತ್ತಮ ಕಾರ್ಯಕ್ಷಮತೆಯನ್ನು ಒದಗಿಸುತ್ತದೆ ಎಂದು ವರದಿಗಳು ಹೇಳಿವೆ. ಈ ಸ್ಮಾರ್ಟ್‌ಫೋನಿನ ಕುರಿತು ಹೆಚ್ಚಿನ ವಿವರಗಳು ಮುಂದಿನ ದಿನಗಳಲ್ಲಿ ಪ್ರಕಟವಾಗಲಿದ್ದು, ನೀವು ಕನ್ನಡ ಗಿಜ್‌ಬಾಟ್ ತಾಣದಲ್ಲಿ ಈ ಕುರಿತಾದ ತಾಜಾ ವರದಿಗಳನ್ನು ನಿರೀಕ್ಷಿಸಬಹುದು.

iQOO Neo 10R ಸ್ಮಾರ್ಟ್‌ಫೋನ್ ಹೇಗಿದೆ?
iQOO ತನ್ನ ಹೊಸ ಗೇಮಿಂಗ್-ಕೇಂದ್ರಿತ ಸಾಧನ 'iQOO Neo 10R' ಅನ್ನು ಭಾರತದಲ್ಲಿ ಇತ್ತೀಚಿಗಷ್ಟೇ ಪರಿಚಯಿಸಿದೆ. ₹25,000 ಕ್ಕಿಂತ ಕಡಿಮೆ ಬೆಲೆಗೆ ಲಭ್ಯವಿರುವ ಈ ಸ್ಮಾರ್ಟ್‌ಫೋನ್, ಸ್ನಾಪ್‌ಡ್ರಾಗನ್ 8s Gen 3 ಪ್ರೊಸೆಸರ್, ದೊಡ್ಡ ಬ್ಯಾಟರಿ ಮತ್ತು ಹೆಚ್ಚಿನ ರಿಫ್ರೆಶ್ ರೇಟ್ ಡಿಸ್‌ಪ್ಲೇಯೊಂದಿಗೆ ಬಜೆಟ್-ಸ್ನೇಹಿ ಬೆಲೆಯಲ್ಲಿ ಶಕ್ತಿಯುತ ಕಾರ್ಯಕ್ಷಮತೆಯನ್ನು ಒದಗಿಸುವುದಾಗಿ ಕಂಪೆನಿ ಹೇಳಿಕೊಂಡಿದೆ. ಹಾಗಾದರೆ, 'iQOO Neo 10R' ಸ್ಮಾರ್ಟ್‌ಫೋನ್ ನಿಜವಾಗಿಯೂ ಅಷ್ಟು ಶಕ್ತಿಶಾಲಿಯಾಗಿದೆಯಾ?, ನೈಜ ಜಗತ್ತಿನಲ್ಲಿ ಈ ಸ್ಮಾರ್ಟ್‌ಫೋನ್ ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂಬುದನ್ನು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.