ಆಂಡ್ರಾಯ್ಡ್ ಫೋನ್ ಯಾಕೆ ಬೇಕು..? ನೀವು ಊಹಿಸಲು ಸಾಧ್ಯವಾಗದ ಬೆಲೆಗೆ ಐಫೋನ್..!

LED ಡಿಸ್ ಪ್ಲೇ:

ಐಫೋನ್ X ನಲ್ಲಿ ಸ್ಯಾಮ್ ಸಂಗ್ ನಿಂದ ಖರೀದಿಸಿದಂತಹ OLED ಡಿಸ್ ಪ್ಲೆಯನ್ನು ಅಳವಡಿಸಲಾಗಿತ್ತು. ಇದು ಸ್ಮಾರ್ಟ್ ಫೋನ್ ಅಂದವನ್ನು ಹೆಚ್ಚು ಮಾಡಿತ್ತು ಅಲ್ಲದೇ ಬೆಲೆ ಜಾಸ್ತಿಗೂ ಕಾರಣವಾಗಿತ್ತು. ಆದರೆ ಸದ್ಯ ಕಡಿಮೆ ಬೆಲೆಯಲ್ಲಿ ನಿರ್ಮಾಣವಾಗುತ್ತಿರುವ ಐಪೋನಿನಲ್ಲಿ LED ಡಿಸ್ ಪ್ಲೇಯನ್ನು ಅಳವಡಿಸಲಾಗುತ್ತಿದ್ದು, ಇದರಿಂದಾಗಿ ಬೆಲೆಯಲ್ಲಿಯೂ ಇಳಿಕೆಯನ್ನು ಕಾಣಬಹುದಾಗಿದೆ.

ಸಿಂಗಲ್ ಕ್ಯಾಮೆರಾ:

ಐಫೋನ್ Xನಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಪಟ್ ಅನ್ನು ನೀಡಿದ್ದಂತಹ ಆಪಲ್. ಈ ಹೊಸ ಐಪೋನಿನಲ್ಲಿ ಸಿಂಗಲ್ ಕ್ಯಾಮೆರಾವನ್ನು ನೀಡುವ ಯೋಜನೆಯನ್ನು ರೂಪಿಸಿದ್ದು, ಹಿಂಭಾಗದಲ್ಲಿ ಒಂದೇ ಒಂದು ಕ್ಯಾಮೆರಾವನ್ನು ಮಾತ್ರವೇ ಅಳವಡಿಸಲಾಗಿದೆ. ಇದೆಲ್ಲವೂ ಐಫೋನ್ ನಿರ್ಮಾಣದ ವೆಚ್ಚವನ್ನು ಕಡಿಮೆ ಮಾಡಿದೆ.

3D ಟಚ್:

ಐಫೋನ್ Xನಲ್ಲಿ ಫೇಷಿಯಲ್ ರೆಗ್ನೇಷನ್ ಆಯ್ಕೆಯನ್ನು ನೀಡಿದ ಮಾದರಿಯಲ್ಲಿ 3D ಟಚ್ ಆಯ್ಕೆಯನ್ನು ಹೊಸದಾಗಿ ಬಿಡುಗಡೆಯಾಗಲಿರುವ ಐಫೋನಿನಲ್ಲಿ ನೀಡಲಿದೆ ಎನ್ನಲಾಗಿದೆ. ಇದದಲ್ಲದೇ 6.5 ಇಂಚಿನ ಡಿಸ್ ಪ್ಲೇ ಇದರಲ್ಲಿ ಇರಲಿದ್ದು, ಇದು ದೊಡ್ಡದಾಗಿ ಕಾಣುವಂತೆ ಮಾಡಲಿದೆ. ವಿಡಿಯೋ ನೋಡಲು ಮತ್ತು ಗೇಮ್ ಆಡಲು ಇದು ಹೇಳಿ ಮಾಡಿಸಿದ ಹಾಗೆ ಇರಲಿದೆ.

ಬೆಲೆ:

ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಯಲ್ಲಿ ಲಾಂಚ್ ಆಗಲಿರುವ ಐಫೋನ್ ಜನ ಸಾಮಾನ್ಯರ ಕೈಗೆ ಎಟುಕುವಂತೆ ಮಾಡುವ ಸಲುವಾಗಿ $700ಕ್ಕೆ ಮಾರಾಟ ಮಾಡಲಿದೆ. ಭಾರತೀಯ ರೂಗಳಲ್ಲಿ ಸುಮಾರು ರೂ.45000ದ ಆಸುಪಾಸಿನಲ್ಲಿ ಮಾರಾಟವಾಗುವ ನಿರೀಕ್ಷೆ ಇದೆ. ಇದೇ ಬೆಲೆಯಲ್ಲಿ ಮಾರಾಟವಾಗು ಆಂಡ್ರಾಯ್ಡ್ ಫೋನ್ ಗಳು ತೊಂದರೆಗೆ ಸಿಲುಕಲಿದೆ ಎನ್ನು ಮಾಹಿತಿಯೂ ಲಭ್ಯವಾಗಿದೆ.

ಮಾರುಕಟ್ಟೆಯಲ್ಲಿ ಸಂಚಲನ:

ಈಗಾಗಲೇ ಮಾರುಕಟ್ಟೆಯಲ್ಲಿ ಮಧ್ಯಮ ಬೆಲೆಯಲ್ಲಿ ಸಾಕಷ್ಟು ಸ್ಮಾರ್ಟ್ ಫೋನ್ ಗಳನ್ನು ಕಾಣಬಹುದಾಗಿದ್ದು, ಈಗ ಆಪಲ್ ಐಪೋನ್ ಅನ್ನು ಇಷ್ಟು ಕಡಿಮೆ ಬೆಲೆಗೆ ಮಾರಾಟ ಮಾಡಲು ಮುಂದಾದರೆ ಹೆಚ್ಚಿನ ಮಂದಿ ಇದರ ಕಡಗೆ ಆಕರ್ಷಿತರಾಗುತ್ತಾರೆ. ಇದರಿಂದಾಗಿ ಬೇರೆ ಆಂಡ್ರಾಯ್ಡ್ ಸ್ಮಾರ್ಟ್ ಫೋನ್ ತಯಾರಕರು ನಷ್ಟಕ್ಕೆ ಸಿಲುಕುವ ಸಾಧ್ಯತೆ ಹೆಚ್ಚಾಗಿದೆ.