ಶಿಯೋಮಿ ಎಂಐಯುಐ9ರ ಟಾಪ್ 7 ವಿಶೇಷತೆಗಳು.

ರೆಡ್ ಮಿ ನೋಟ್ 3 ಯಿಂದ ಎಂಐ 4ಐ ವರೆಗೆ ಎಂಐಯುಐ 9 ಬೆಂಬಲ.

ಗಾಳಿಸುದ್ದಿಯ ಪ್ರಕಾರ ರೆಡ್ ಮಿ ನೋಟ್ 3, ರೆಡ್ ಮಿ 2 ಪ್ರೈಮ್, ರೆಡ್ ಮಿ 3, ರೆಡ್ ಮಿ 3ಎಸ್, ಎಂಐ 4ಎಸ್, ಎಂಐ 4ಸಿ, ಎಂಐ 4ಐ, ಎಂಐ 5, ಎಂಐ ಮ್ಯಾಕ್ಸ್, ಎಂಐ ನೋಟ್ ಮತ್ತು ಎಂಐ ಪ್ಯಾಡ್ 2 ಅಪ್ ಡೇಟ್ ಪಡೆದುಕೊಳ್ಳಲಿವೆ. ಇತ್ತೀಚೆಗೆ ಬಿಡುಗಡೆಯಾದ ಎಂಐ 5ಎಸ್ ಮತ್ತು ಎಂಐ 5ಎಸ್ ಪ್ಲಸ್ ಈ ಪಟ್ಟಿಯಲ್ಲಿಲ್ಲ. ಆದರೆ, ನಮ್ಮ ನಂಬಿಕೆಯ ಪ್ರಕಾರ ಶಿಯೋಮಿ ಅಧಿಕೃತ ಪಟ್ಟಿಯಲ್ಲಿ ಇನ್ನೂ ಹೆಚ್ಚಿನ ಸಾಧನಗಳಿರುತ್ತವೆ.

ಮಲ್ಟಿ ವಿಂಡೋ ಬೆಂಬಲ.

ಎಂಐಯುಐ 9 ಅಪ್ ಡೇಟ್ ನಲ್ಲಿ ಸ್ಯಾಮ್ಸಂಗ್ ಸ್ಮಾರ್ಟ್ ಫೋನುಗಳಲ್ಲಿರುವ ಮಲ್ಟಿ ವಿಂಡೋ ಬೆಂಬಲ ಇರುವ ನಿರೀಕ್ಷೆಯಿದೆ. ಈ ವಿಶೇಷತೆಯಿಂದ ನೀವು ಒಂದೇ ಬಾರಿ ಎರಡು ತಂತ್ರಾಂಶಗಳನ್ನು ಒಂದರ ಪಕ್ಕ ಮತ್ತೊಂದನ್ನಿರಿಸಿ ಕೆಲಸ ಮಾಡಬಹುದು.

ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ನೋಟಿಫಿಕೇಶನ್ ಪ್ಯಾನೆಲ್ ನಿಂದಲೇ ಮರುತ್ತರಿಸಿ.

ಆ್ಯಪಲ್ ನ ಕ್ವಿಕ್ ರಿಪ್ಲೈ ರೀತಿಯಲ್ಲಿಯೇ ಎಂಐಯುಐ 9ನಲ್ಲಿ ನೋಟಿಫಿಕೇಶನ್ ಪ್ಯಾನೆಲ್ ನಿಂದಲೇ ಮರುತ್ತರಿಸುವ ಅವಕಾಶವಿರಲಿದೆ. ಮೆಸೇಜಿಂಗ್ ತಂತ್ರಾಂಶಗಳಾದ ವಾಟ್ಸಪ್, ಹೈಕ್ ಮತ್ತು ಟೆಲಿಗ್ರಾಮ್ ಕೂಡ ಇದನ್ನು ಉಪಯೋಗಿಸಬಹುದು.

ಡೋಝ್ ಮೋಡ್.

ಆ್ಯಂಡ್ರಾಯ್ಡ್ 6.0 ಮಾರ್ಷ್ ಮೆಲ್ಲೋ ಜೊತೆಗೆ ಗೂಗಲ್ ಡೋಝ್ ಮೋಡ್ ಅನ್ನು ಒದಗಿಸಿತು, ಹಿಂಬದಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ತಂತ್ರಾಂಶಗಳನ್ನು ಮುಚ್ಚಿ ಬ್ಯಾಟರಿಯ ಆಯಸ್ಸನ್ನು ಹೆಚ್ಚಿಸಲು ಇದು ಸಹಾಯಕ. ಎಂಐಯುಐ 9ನಲ್ಲಿ ಇದೇ ರೀತಿಯ ಮತ್ತಷ್ಟು ಉತ್ತಮಗೊಳಿಸಿದ ವಿಶೇಷತೆಯನ್ನು ಎಂಐಯುಐ 9 ನೀಡಲಿದೆ, ಗೂಗಲ್ ಡೋಝ್ ಮೋಡ್ ಗೆ ಆ್ಯಂಡ್ರಾಯ್ಡ್ 7.0 ನೌಗಾಟ್ ನಲ್ಲಿ ಮಾಡಿದ ಬದಲಾವಣೆಯಂತೆ.

ಪ್ರಾಜೆಕ್ಟ್ ಸ್ವೆಲ್ಟೆ.

ಹೊಸತಾದ ಪ್ರಾಜೆಕ್ಟ್ ಸ್ವೆಲ್ಟೆ ಆಯ್ಕೆಯು ರ್ಯಾಮ್ ಬಳಕೆಯನ್ನು ಉತ್ತಮಗೊಳಿಸುತ್ತದೆ ಮತ್ತು ಸಿಸ್ಟಮ್ ಹಾಗೂ ಇನ್ನಿತರೆ ತಂತ್ರಾಂಶಗಳು ಉಪಯೋಗಿಸುವ ಮೆಮೊರಿಯ ಗಾತ್ರವನ್ನು ಕನಿಷ್ಟದಲ್ಲಿಡುತ್ತದೆ ಎನ್ನಲಾಗಿದೆ.

ಉತ್ತಮಗೊಂಡ ಡೇಟಾ ಸೇವರ್.

ಎಂಐಯುಐ 9ನಲ್ಲಿ ಈಗಿರುವ ಡೇಟಾ ಸೇವರ್ ಆಯ್ಕೆಯನ್ನು ಮತ್ತಷ್ಟು ಉತ್ತಮಗೊಳಿಸಲಾಗುತ್ತದೆ ಎಂಬ ನಿರೀಕ್ಷೆಯಿದೆ. ಇದರಿಂದ ಹೆಚ್ಚಿನ ಡೇಟಾ ಬ್ಯಾಕ್ ಗ್ರೌಂಡಿನಲ್ಲಿ ನಷ್ಟವಾಗುವುದನ್ನು ತಪ್ಪಿಸಬಹುದು.

ವಿಪಿಎನ್ ಯಾವಾಗಲೂ ಚಾಲ್ತಿಯಲ್ಲಿರುತ್ತದೆ.

ಎಂಐಯುಐ 9ನಲ್ಲಿ ವಿಪಿಎನ್ ಯಾವಾಗಲೂ ಚಾಲ್ತಿಯಲ್ಲಿರುತ್ತದೆ ಎನ್ನಲಾಗಿದೆ. ಇದರರ್ಥ, ಮತ್ತಷ್ಟು ಭದ್ರತೆ.

ಕಾಲ್ ಬ್ಲಾಕ್ ಮಾಡುವ ಸೌಲಭ್ಯ.

ಹೊಸ ಅಪ್ ಡೇಟ್ ನಲ್ಲಿ ಬಳಕೆದಾರರಿಗೆ ಬೇಡದ ಕರೆಗಳನ್ನು ಬ್ಲಾಕ್ ಮಾಡುವ ಸೌಲಭ್ಯವಿರಲಿದೆ. ಜೊತಗೆ ಕಾಲ್ ಸ್ಕ್ರೀನಿಂಗ್ ಬೆಂಬಲವೂ ಇರುವುದೆಂಬ ಸುದ್ದಿಗಳಿವೆ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ