ಭಾರತಕ್ಕೆ ಮತ್ತೊಂದು ಚೀನಾ ಮೊಬೈಲ್ ಕಂಪೆನಿ ಎಂಟ್ರಿ?!..ಶಿಯೋಮಿ, ಒನ್‌ಪ್ಲಸ್‌ಗೆ ಭಯ!!

6080mAh ಬಿಗ್ ಬ್ಯಾಟರಿ!

ಸ್ಮಾರ್ಟ್‌ಫೋನ್ ಇತಿಹಾಸದಲ್ಲಿಯೇ ಯಾವ ಮೊಬೈಲ್ ಹೊಂದಿರದ ಬ್ಯಾಟರಿ ಶಕ್ತಿಯನ್ನು ಹೊತ್ತು "ಯುಲೆಫೊನ್ ಪವರ್ 3ಎಸ್" ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಕಾಲಿಟ್ಟಿದೆ. ಇಷ್ಟು ದೊಡ್ಡ ಬ್ಯಾಟರಿ 5V/3A ಫಾಸ್ಟ್ ಚಾರ್ಜಗಿಂಗ್ ಮೂಲಕ ಕೇವಲ 120 ನಿಮಿಷಕ್ಕೆ ಪೂರ್ತಿ ಚಾರ್ಜ್ ಆಗಲಿದೆ ಎಂದು ಕಂಪೆನಿ ತಿಳಿಸಿದ್ದು, ಸ್ಮಾರ್ಟ್‌ಫೋನ್ 4 ದಿನಗಳಿಗಿಂತ ಹೆಚ್ಚು ಕಾರ್ಯನಿರ್ವಹಣೆ ನೀಡಲಿದೆ.!

6 ಇಂಚ್ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇ

ದೊಡ್ಡ ಡಿಸ್‌ಪ್ಲೇ ಇಷ್ಟ ಪಡುವವರಿಗಾಗಿಯೇ ''ಯುಲೆಫೊನ್ ಪವರ್ 3" ಸ್ಮಾರ್ಟ್‌ಫೋನ್ 6 ಇಂಚ್ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಮಧ್ಯಮ ಬಜೆಟ್ ಸ್ಮಾರ್ಟ್‌ಫೋನ್‌ಗಳು ಹೊಂದಿರದ 2160 x 1080 ಪಿಕ್ಸೆಲ್ ಫುಲ್ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿರುವ ಈ ಸ್ಮಾರ್ಟ್‌ಫೋನ್ ಮಲ್ಟಿಮೀಡಿಯಾ ಪ್ರಿಯರಿಗೂ ಹೇಳಿ ಮಾಡಿಸಿದಂತಿದೆ.

ಕ್ಯಾಮೆರಾಗೆ ಎಲ್ಲರೂ ಫಿದಾ

''ಯುಲೆಫೊನ್ ಪವರ್ 3" ಸ್ಮಾರ್ಟ್‌ಫೋನ್ ಒಪ್ಪೊ ಮತ್ತು ವಿವೊ ಕಂಪೆನಿಗಳಿಗೆ ಟಾಂಗ್ ನೀಡಿದೆ. ಈ ಫೋನ್ ನಾಲ್ಕು ಕ್ಯಾಮೆರಾಗಳನ್ನು ಹೊಂದಿದ್ದು, 16MP ಮತ್ತು 5MPಯ ಎರಡು ರಿಯರ್ ಕ್ಯಾಮೆರಾ ಹಾಗೂ 21MP ಮತ್ತು 5MPಯ ಸೆಲ್ಫಿ ಕ್ಯಾಮೆರಾಗಳನ್ನು ಹೊಂದಿದೆ. ಡಿಸ್‌ಎಲ್‌ಆರ್ ರೀತಿಯ ಬೊಕ್ಕೆ ಚಿತ್ರಗಳನ್ನು ಈ ಸ್ಮಾರ್ಟ್‌ಫೋನ್‌ನಲ್ಲಿ ತೆಗೆಯಬಹುದಂತೆ.

ಪ್ರೊಸೆಸರ್ ಮತ್ತು RAM?

ಮೀಡಿಯಾಟೆಕ್ ಹೀಲಿಯೋ ಪಿ23 (64ಬಿಟ್) ಪ್ರೊಸೆಸರ್ ಅನ್ನು ''ಯುಲೆಫೊನ್ ಪವರ್ 3" ಸ್ಮಾರ್ಟ್‌ಫೋನಿನಲ್ಲಿ ಅಳವಡಿಸಲಾಗಿದೆ. ಇನ್ನು 6GB RAM ಮತ್ತು 64GB ಮೆಮೊರಿ ಸ್ಮಾರ್ಟ್‌ಫೋನ್‌ನಲ್ಲಿದ್ದು, ಆಂಡ್ರಾಯ್ಡ್ 8.0 ಮೂಲಕ ಸ್ಮಾರ್ಟ್‌ಫೋನ್ ರನ್ ಆಗಲಿದೆ.

1,999 ರೂ.ಗಳ ಈ ಸ್ಪೀಕರ್ ನೀರಿನ ಒಳಗೂ ಹಾಡುತ್ತದೆ! Riversong Fusion Speaker

ಇತರ ಫೀಚರ್ಸ್ ಮತ್ತು ಬೆಲೆ!!

'ಯುಲೆಫೊನ್ ಪವರ್ 3' ಸ್ಮಾರ್ಟ್‌ಫೋನ್ ಫೇಸ್‌ಐಡಿ, ಆಂಡ್ರಾಯ್ಡ್ ಓಡಿಯೋ ಅಪ್‌ಡೇಟ್, 90.7%ಬಾಡಿ ರೇಷ್ಯೂ ಹಾಗೂ ಫಿಂಗರ್‌ಪರಿಂಟ್ ಫೀಚರ್‌ನಂತಹ ಎಲ್ಲಾ ಅತ್ಯುತ್ತಮ ಫೀಚರ್‌ಗಳನ್ನು ಹೊಂದಿದೆ. ಈ ಎಲ್ಲಾ ಫೀಚರ್‌ಗಳನ್ನು ಹೊಂದಿರುವ ಈ ಸ್ಮಾರ್ಟ್‌ಫೋನ್ ಬೆಲೆ ಕೇವಲ 12,000 ರೂಪಾಯಿಗಳ ಆಸುಪಾಸಿನಲ್ಲಿದೆ.