ನೋಕಿಯಾದಿಂದ ದುಬಾರಿ ಆಂಡ್ರಾಯ್ಡ್‌ ಫೋನ್‌

ನೋಕಿಯಾ ಕಂಪೆನಿ ಸದ್ಯದಲ್ಲಿ ಸಾಧಾರಣ ವೆಚ್ಚದ ದುಬಾರಿ ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ ತಯಾರಿಸಲು ಯೋಜನೆ ರೂಪಿಸಿದೆ. ಈಗಾಗ್ಲೇ ಇದರ ವಿನ್ಯಾಸ ಕೆಲಸಗಳು ಪೂರ್ಣಗೊಂಡಿದ್ದು,ಇದೆ ಫೆಬ್ರವರಿ ಅಂತ್ಯದಲ್ಲಿ ಬಾರ್ಸಿಲೋನದಲ್ಲಿ ನಡೆಯಲಿರುವ ಮೊಬೈಲ್‌ ಕಾಂಗ್ರೆಸ್‌ ಅಧಿವೇಶನದಲ್ಲಿ ಈ ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಲಿದೆ.

ಈ ಬಗ್ಗೆ ನೋಕಿಯಾ ಕಂಪೆನಿ ಯಾವುದೇ ಅಧಿಕೃತ ಪ್ರಕಟಣೆ ಹೊರಡಿಸದಿದ್ದರೂ ಟೆಕ್‌ ವಲಯದಲ್ಲಿ ಈ ಸುದ್ದಿ ಹರಿದಾಡುತ್ತಿದೆ. ಮೈಕ್ರೋಸಾಫ್ಟ್‌ ಆಪರೆಟಿಂಗ್‌ ಸಿಸ್ಟಂನೊಂದಿಗೆ ಹೊರಬರುವ ನೋಕಿಯಾ ಸ್ಮಾರ್ಟ್‌ಫೋನ್‌ಗಳು ಈ ಬಾರಿ ಗೂಗಲ್‌ ಆಂಡ್ರಾಯ್ಡ್‌ ಆಪರೆಟಿಂಗ್‌ ಸಿಸ್ಟಂನೊಂದಿಗೆ ಹೊರಬರುತ್ತಿರುವುದು ವಿಶೇಷವಾಗಿದೆ.

ನೋಕಿಯಾದ ಈ ಹೊಸ ಸ್ಮಾರ್ಟ್‌ಫೋನ್‌ಗೆ Vertu Ti ಎಂದು ಹೆಸರಿಡಲಾಗಿದ್ದು, ಈಗಾಗ್ಲೇ ಇದರ ಚಿತ್ರ ಲೀಕ್‌ ಆಗಿದೆ. Vertu Ti ಆಂಡ್ರಾಯ್ಡ್‌ 4.0 ಐಸಿಎಸ್‌ ಓಎಸ್‌,1.5GHz ಕ್ಯಾಲ್ಕಮ್‌ ಸ್ನಾಪ್‌ಡ್ರ್ಯಾಗನ್‌ ಪ್ರೊಸೆಸರ್‌ನೊಂದಿಗೆ ಹೊರಬರಲಿದೆ.
ಈ ಸ್ಮಾರ್ಟ್‌ಫೋನ್‌ 1,250mAh ಬ್ಯಾಟರಿ ಜೊತೆ ಉತ್ತಮ ಗುಣ ಮಟ್ಟದ ಕ್ಯಾಮೆರಾದಿಂದಿಗೆ ಹೊರಬರಲಿದ್ದು ಇದರ ಬೆಲೆ ಸುಮಾರು 2 ಲಕ್ಷ ಇದೆಯೆಂಬ ಸುದ್ದಿ ಹರಿದಾಡುತ್ತಿದೆ. ಇಷ್ಟೆ ಅಲ್ಲದೇ ಇದರಲ್ಲಿ ಇನ್ನಷ್ಟು ಹೊಸ ವಿಶೇಷತೆಗಳಿದ್ದು . ಈ ವಿಶೇಷತೆ ಏನೇನು ಎನ್ನುವುದಕ್ಕೆ ಸ್ಮಾರ್ಟ್‌ಫೋನ್‌ ಅಧಿಕೃತವಾಗಿ ಬಿಡುಗಡೆಯಾದ ಬಳಿಕವಷ್ಟೇ ತಿಳಿಯಬೇಕಿದೆ.