Vivo T3 Ultra: ಬರ್ತಿದೆ ರಗಡ್ ಫೋನ್: 50MP ಕ್ಯಾಮೆರಾ, 5500mAh ಬ್ಯಾಟರಿ.. ಬೆಲೆ ಕೇವಲ ಇಷ್ಟು!

ವಿವೋ (Vivo) ಕಂಪನಿಯು ಭಾರತದಲ್ಲಿ ಹೊಸ ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಫೋನ್ ವಿವೋ T3 ಅಲ್ಟ್ರಾ (Vivo T3 Ultra) ಎಂಬ ಹೆಸರಿನೊಂದಿಗೆ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ. ಮುಂಬರುವ ಈ ಸ್ಮಾರ್ಟ್‌ಫೋನ್ ವಿವೋ T3 ಸರಣಿಯ ಭಾಗವಾಗಲಿದೆ. ಕಂಪನಿಯು ಮುಂದಿನ ತಿಂಗಳು ಅಂದರೆ, ಸೆಪ್ಟೆಂಬರ್ ತಿಂಗಳಲ್ಲಿ ವಿವೋ T3 ಅಲ್ಟ್ರಾವನ್ನು ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ವಿವೋ ಈ ಮುಂಬರುವ ಸ್ಮಾರ್ಟ್‌ಫೋನ್ ಅನ್ನು ಹಲವಾರು ಪರಿಶೀಲನಾ ಸೈಟ್‌ಗಳಲ್ಲಿ ಗುರುತಿಸಿದೆ. ಕೆಲವು ಪ್ರಮುಖ ವೈಶಿಷ್ಟ್ಯಗಳು ಸೋರಿಕೆಯಾಗಿವೆ.

ವಿವೋ T3 ಪ್ರೊ 5G (Vivo T3 Pro 5G) ಅನ್ನು ಇತ್ತೀಚೆಗೆ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ವಿವೋ T3, ವಿವೋ T3x ಮತ್ತು ವಿವೋ T3 Lite ನಂತರ ಇದು ಸರಣಿಯಲ್ಲಿ ನಾಲ್ಕನೇ ಫೋನ್ ಆಗಿದೆ. ವರದಿಯ ಪ್ರಕಾರ, ವಿವೋ T3 ಅಲ್ಟ್ರಾ ಸ್ಮಾರ್ಟ್‌ಫೋನ್ MediaTek Dimension 9200 SoC ಚಿಪ್‌ಸೆಟ್‌ ಅನ್ನು ಹೊಂದಿರಲಿದೆ. ಇದರ ಕ್ಯಾಮೆರಾ ಸೆಟಪ್ OIS ವೈಶಿಷ್ಟ್ಯದೊಂದಿಗೆ ಬರಲಿದೆ. ಈ ಫೋನಿನ ಬೆಲೆ ಮತ್ತು ವೈಶಿಷ್ಟ್ಯಗಳನ್ನು ತಿಳಿಯೋಣ ಬನ್ನಿ.

ವಿವೋ T3 ಅಲ್ಟ್ರಾ ಫೋನಿನ ಬೆಲೆ ಸೋರಿಕೆ

8GB ಮತ್ತು 128GB ಬೆಲೆ = 30,999 ರೂ.
8GB ಮತ್ತು 256GB ಬೆಲೆ = 32,999 ರೂ.
12GB ಮತ್ತು 256GB ಬೆಲೆ = 34,999 ರೂ.

ಸಾಮಾಜಿಕ ಜಾಲತಾಣಗಳಲ್ಲಿ ಸೋರಿಕೆಯಾದ ಮಾಹಿತಿಯ ಪ್ರಕಾರ, ವಿವೋ T3 ಅಲ್ಟ್ರಾ ಸೆಪ್ಟೆಂಬರ್ 2024 ರ ಆರಂಭದಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಇದು ಮೂರು ಸ್ಟೋರೇಜ್ ರೂಪಾಂತರಗಳಲ್ಲಿ ಲಭ್ಯವಿರುತ್ತದೆ. 8GB ಮತ್ತು 128GB ಬೆಲೆ 30,999 ರೂ., 8GB ಮತ್ತು 256GB ಬೆಲೆ 32,999 ರೂ. ಹಾಗೂ 12GB ಮತ್ತು 256GB ಬೆಲೆ 34,999 ರೂ. ಇರಲಿದೆ.

ಈ ಫೋನ್ ಫ್ರಾಸ್ಟ್ ಗ್ರೀನ್, ಲೂನಾ ಗ್ರೇ ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿರಲಿದೆ. ಇನ್ನೊಂದು ಮಾಹಿತಿಯ ಪ್ರಕಾರ, ವಿವೋ T3 ಅಲ್ಟ್ರಾ ಬೆಲೆ 27,999 ರೂ. ಗಿಂತ ಕಡಿಮೆ ಇರಲಿದೆ ಎನ್ನಲಾಗಿದೆ. ಇದು ಮೂನ್ ಆಶ್, ಫ್ರಾಸ್ಟ್ ಗ್ರೀನ್ ಬಣ್ಣಗಳಲ್ಲಿ ಲಭ್ಯವಿರುತ್ತದೆ. ಈ ಮೊಬೈಲ್‌ ಖರೀದಿ ಮೇಲೆ 3,000 ರೂ. ವರೆಗೆ ಡಿಸ್ಕೌಂಟ್ ಲಭ್ಯವಿರಲಿದೆ.

ವಿವೋ T3 ಅಲ್ಟ್ರಾ ಫೋನಿನ ವೈಶಿಷ್ಟ್ಯಗಳು

ಡಿಸ್ಲ್ಪೇ: ಸೋರಿಕೆಯ ಪ್ರಕಾರ, ವಿವೋ ಟಿ3 ಅಲ್ಟ್ರಾ ಸ್ಮಾರ್ಟ್‌ಫೋನ್ 6.77 ಇಂಚಿನ ದೊಡ್ಡ ಡಿಸ್ಲ್ಪೇಯನ್ನು ಹೊಂದಿರಲಿದೆ. ಇದು FullHD+ ರೆಸಲ್ಯೂಶನ್‌ನೊಂದಿಗೆ ಬಾಗಿದ AMOLED ಡಿಸ್ಲ್ಪೇ ಆಗಿರಲಿದೆ. ಇದು 120Hz ರಿಫ್ರೆಶ್ ರೇಟ್ ಮತ್ತು 4500 ನಿಟ್ಸ್ ಬ್ರೈಟ್‌ನೆಸ್ ಸಪೋರ್ಟ್‌ ಪಡೆದಿರಲಿದೆ.

ಪ್ರೊಸೆಸರ್: ಕಂಪನಿಯು ವಿವೋ T3 ಅಲ್ಟ್ರಾ ಫೋನಿನಲ್ಲಿ ಮೀಡಿಯಾ ಟೆಕ್‌ನ 4 ನ್ಯಾನೊಮೀಟರ್ ಫ್ಯಾಬ್ರಿಕೇಶನ್‌ಗಳಲ್ಲಿ ನಿರ್ಮಿಸಲಾದ ಡೈಮೆನ್ಸಿಟಿ 9200 ಪ್ಲಸ್ ಆಕ್ಟಾ-ಕೋರ್ ಪ್ರೊಸೆಸರ್‌ ಅನ್ನು ಅಳವಡಿಸಲಿದೆ. ಈ 8 ಕೋರ್ ಪ್ರೊಸೆಸರ್ 3.35 GHz ಗಡಿಯಾರದ ವೇಗದಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಕ್ಯಾಮೆರಾ: ಕಂಪನಿಯು ಮುಂಬರುವ ಈ ಫೋನನ್ನು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬಿಡುಗಡೆ ಮಾಡಲಿದೆ. ಸೋರಿಕೆಯ ಪ್ರಕಾರ, ಇದು 50 ಮೆಗಾಪಿಕ್ಸೆಲ್ ಸೋನಿ ಸಂವೇದಕವನ್ನು ಹೊಂದಿದ್ದು, OIS ತಂತ್ರಜ್ಞಾನವನ್ನು ಒಳಗೊಂಡಿರಲಿದೆ. ಇದರೊಂದಿಗೆ 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್, ಸೆಲ್ಫಿ ಮತ್ತು ಕರೆಗಾಗಿ 16 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾವನ್ನು ಹೊಂದಿರಲಿದೆ.

ಬ್ಯಾಟರಿ: ವರದಿಯ ಪ್ರಕಾರ, ವಿವೋ T3 ಅಲ್ಟ್ರಾ ಮೊಬೈಲ್‌ 5,500 mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರಲಿದೆ. ಈ ಸ್ಮಾರ್ಟ್‌ಫೋನ್ 80W ವೇಗದ ಚಾರ್ಜಿಂಗ್ ತಂತ್ರಜ್ಞಾನವನ್ನು ಹೊಂದಿರುತ್ತದೆ.

ಇತರ ವೈಶಿಷ್ಟ್ಯಗಳು: ಮುಂಬರುವ ವಿವೋ T3 ಅಲ್ಟ್ರಾ ಫೋನ್ ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ ಅಲ್ಟ್ರಾ-ಸ್ಲಿಮ್, IP68 ರೇಟಿಂಗ್‌ನೊಂದಿಗೆ IP64 ರೇಟಿಂಗ್‌ನೊಂದಿಗೆ ರುತ್ತದೆ. ಈ ಫೋನ್‌ನಲ್ಲಿ ಡ್ಯುಯಲ್ ಸ್ಪೀಕರ್‌, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಸಹ ಒದಗಿಸಲಾಗುತ್ತದೆ.