ಶೀಘ್ರವೇ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳುವ ವಿವೊ V9 ಸ್ಮಾರ್ಟ್ ಫೋನ್..!

ಭಾರತೀಯ ಮಾರುಕಟ್ಟೆಯಲ್ಲಿ ಇದೇ ತಿಂಗಳ ಅಂತ್ಯಕ್ಕೆ ವಿವೊ ಬಿಡುಗಡೆ ಮಾಡಲು ಮುಂದಾಗಿರುವ ವಿವೊ ವಿ9 ಸ್ಮಾರ್ಟ್ ಪೋನ್ ಫೋಟೋ ಲೀಕ್ ಆಗಿದ್ದು, ಇದು ಐಫೋನ್ X ಡಿಸೈನ್ ಅನ್ನು ಕಾಪಿ ಮಾಡಿದಂತಿದೆ. ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ಇದು ಹೊಸ ಅಲೆಯನ್ನು ಹುಟ್ಟಿಸಲಿದೆ ಎನ್ನಲಾಗಿದೆ. ಈ ಸ್ಮಾರ್ಟ್ ಫೋನ್ ರಷ್ಯಾ ವರ್ಲ್ಡ್ ಕಪ್ 2018 ಅಧಿಕೃತ ಸ್ಮಾರ್ಟ್ ಫೋನ್ ಆಗಿ ಮಾರಾಟವಾಗಲಿದೆ.

ವಿವೊ V9 ಸ್ಮಾರ್ಟ್ ಫೋನ್ 6 ಇಂಚಿನ ಅಮೊಲೈಡ್ FHD ಪ್ಲಸ್ ಗುಣಮಟ್ಟದ ಡಿಸ್ ಪ್ಲೇಯನ್ನು ಒಳಗೊಂಡಿದ್ದು, ಕ್ವಾಲ್ಕಮ್ ಸ್ನಾಪ್ ಡ್ರಾಗನ್ 660 ಪ್ರೋಸೆಸರ್ ಅನ್ನು ಕಾಣಬಹುದಾಗಿದೆ. ಅಲ್ಲದೇ 4GB RAM ಮತ್ತು 64GB ಇಂಟರ್ನಲ್ ಮೆಮೊರಿಯನ್ನು ಹೊಂದಿದೆ. ಇದೊಂದು ಮಧ್ಯಮ ಸರಣಿಯ ಸ್ಮಾರ್ಟ್ ಫೋನ್ ಆಗಲಿದೆ.

ವಿವೊ V9 ಸ್ಮಾರ್ಟ್ ಫೋನ್ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಕಾಣಬಹುದಾಗಿದ್ದು, 12 MP + 8 MP ಕ್ಯಾಮೆರಾವನ್ನು ಕಾಣಬಹುದಾಗಿದ್ದು, ಇದು ಆಂಡ್ರಾಯ್ಡ್ 8.0 ಒರಿಯೋದಲ್ಲಿ ಇದು ಕಾರ್ಯನಿರ್ವಹಿಸಲಿದೆ. ಅಲ್ಲದೇ ಫನ್ ಟಚ್ OS 4.0 ಅನ್ನು ಅಳವಡಿಸಲಾಗಿದೆ.

ಇದಲ್ಲದೇ ಈ ಸ್ಮಾರ್ಟ್ ಪೋನ್ ಮುಂಭಾಗದಲ್ಲಿ 24MP ಕ್ಯಾಮೆರಾವನ್ನು ನೀಡಲಾಗಿದೆ. ಅಲ್ಲದೇ ಇದರೊಂದಿಗೆ ಫ್ಲಾಷ್ ಲೈಟ್ ಅನ್ನು ಕಾಣಬಹುದಾಗಿದೆ. ಇದಲ್ಲದೇ 3250mAh ಬ್ಯಾಟರಿಯನ್ನು ನೋಡಬಹುದಾಗಿದೆ. ಅಲ್ಲದೇ ಫಾಸ್ಟ್ ಚಾರ್ಜಿಂಗ್ ಆಯ್ಕೆಯನ್ನು ಕಂಪನಿ ನೀಡಿದ್ದು, 4G LTE ಸಪೋರ್ಟ್ ಮಾಡಲಿದೆ.

ಇದಲ್ಲದೇ ಈ ಸ್ಮಾರ್ಟ್ ಪೋನ್ ರೂ.24000ಕ್ಕೆ ದೊರೆಯುವ ಸಾಧ್ಯತೆ ಇದೆ. ಈಗಾಗಲೇ ಇಂಡೋನೆಷ್ಯಾದಲ್ಲಿ ಈ ಸ್ಮಾರ್ಟ್ ಫೋನ್ ಬೆಲೆ ಲೀಕ್ ಆಗಿದೆ ಎನ್ನಲಾಗಿದೆ. ಶೀಘ್ರವೇ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್ ಫೋನ್ ಹೊಸ ಅಧ್ಯಯವನ್ನು ಹುಟ್ಟಿಹಾಕಲಿದೆ.