ಭಾರತಕ್ಕೆ Vivo X300 ಮತ್ತು X300 Pro ಫೋನ್‌ಗಳು ಎಂಟ್ರಿ: ಬೆಲೆ, ಫೀಚರ್ಸ್ ನೋಡಿ!

ಭಾರತದ ಮೊಬೈಲ್ ಮಾರುಕಟ್ಟೆಯು ಬಹುನಿರೀಕ್ಷೆಯಿಂದ ಎದುರುನೋಡುತ್ತಿದ್ದ ಹೊಸ Vivo X300 ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ ಸರಣಿಯು ಇಂದು (2, ಡಿಸೆಂಬರ್) ಭರ್ಜರಿಯಾಗಿ ಬಿಡುಗಡೆಯಾಗಿದೆ. ನಿರೀಕ್ಷೆಯಂತೆಯೇ, ಈ ಸರಣಿಯಲ್ಲಿ Vivo X300 ಮತ್ತು X300 Pro ಎಂಬ ಎರಡೂ ಫೋನ್‌ಗಳು ಪರಿಚಯಗೊಂಡಿದ್ದು, ಈ ಎರಡೂ ಫೋನ್‌ಗಳು Zeiss ಪ್ರಮಾಣೀಕೃತ ಕ್ಯಾಮೆರಾ ವ್ಯವಸ್ಥೆ, Android 16 ಆಧಾರಿತ OriginOS 6 ಮತ್ತು ಶಕ್ತಿಶಾಲಿ 3nm MediaTek Dimensity 9500 ಪ್ರೊಸೆಸರ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಬಿಡುಗಡೆಯಾಗಿವೆ. ಈ ಕುರಿತ ಸಂಪೂರ್ಣ ಮಾಹಿತಿ ಈ ಕೆಳಕಂಡಂತಿದೆ.

Vivo X300 ಸರಣಿ: ಬೆಲೆ ಮತ್ತು ಲಭ್ಯತೆ
Vivo X300 ಮಾದರಿಯ ಬೆಲೆ ದೇಶದಲ್ಲಿ ₹75,999 ರಿಂದ ಆರಂಭವಾಗುತ್ತದೆ.( ಜೊತೆಗೆ ಲಾಂಚ್ ಆಫರ್‌ಗಳು ಇವೆ)
12GB + 256GB : ₹75,999
12GB + 512GB : ₹81,999
16GB + 512GB : ₹85,999
ಈ ಬೇಸ್ Vivo X300 ಮಾದರಿಯು Summit Red, Mist Blue ಮತ್ತು Phantom Black ಬಣ್ಣಗಳಲ್ಲಿ ಪರಿಚಯಗೊಂಡಿದೆ.

ಇತ್ತ Vivo X300 Pro ಏಕೈಕ 16GB RAM + 512GB ಸ್ಟೋರೇಜ್ ಮಾದರಿಯ ಬೆಲೆ ₹1,09,999 ರೂ.ಗಳಾಗಿವೆ.
ಈ ಮಾದರಿಯು Dune Gold ಮತ್ತು Elite Black ಎರಡು ಬಣ್ಣಗಳಲ್ಲಿ ಪರಿಚಯಗೊಂಡಿದೆ.

ಕಂಪನಿಯು Vivo X300 ಸರಣಿಗಾಗಿ ವಿಶೇಷ Telephoto Extender Kit ಅನ್ನು ₹18,999 ಕ್ಕೆ ಪರಿಚಯಿಸಿದೆ.

ಈ ಎರಡೂ ಫೋನ್‌ಗಳ ಪ್ರೀ-ಬುಕಿಂಗ್ ಈಗಾಗಲೇ ಪ್ರಾರಂಭವಾಗಿದ್ದು, ಮಾರಾಟವು ಡಿಸೆಂಬರ್ 10 ರಿಂದ ಆರಂಭವಾಗಲಿದೆ.

Vivo X300 ಸರಣಿ: ಗ್ರಾಹಕರಿಗಾಗಿ ಲಾಂಚ್ ಆಫರ್‌ಗಳು
Vivo X300 ಸರಣಿಗಾಗಿ ಹಲವು ಆಕರ್ಷಕ ಆಫರ್‌ಗಳನ್ನೂ ಘೋಷಿಸಿದೆ. HDFC, YES Bank ಸೇರಿದಂತೆ ಆಯ್ದ ಬ್ಯಾಂಕ್ ಕಾರ್ಡ್‌ಗಳ ಗ್ರಾಹಕರು ಈ ಫೋನ್‌ಗಳ ಮೇಲೆ 10% ತಕ್ಷಣದ ಕ್ಯಾಶ್‌ಬ್ಯಾಕ್ ಲಭ್ಯದೆ. ಇದರ ಜೊತೆಗೆ 1 ವರ್ಷದ ಹೆಚ್ಚುವರಿ ವಾರಂಟಿ, Google Gemini ಹೊಂದಿರುವ Jio Pro ಪ್ಲಾನ್ 18 ತಿಂಗಳು ಉಚಿತ, V-Shield ಸ್ಕ್ರೀನ್ ಡ್ಯಾಮೇಜ್ ಪ್ರೊಟೆಕ್ಷನ್ ಮೇಲೆ 70% ರಿಯಾಯಿತಿ ಮತ್ತು ಫೋನ್‌ ಖರೀದಿಯ ಜೊತೆಗೆ ಕೇವಲ ₹1,499 ಕ್ಕೆ Vivo TWS 3e ಇಯರ್‌ಬಡ್ಸ್ ಲಭ್ಯವಾಗುವ ಕೊಡುಗೆಗಳನ್ನು ಒದಗಿಸಲಾಗಿದೆ.

Vivo X300 ಸರಣಿ: ಪ್ರಮುಖ ಫೀಚರ್ಸ್ ಮತ್ತು ವೈಶಿಷ್ಟ್ಯಗಳು.
ಸ್ಟಾಂಡರ್ಡ್ Vivo X300 ಮಾದರಿಯು 120Hz ರಿಫ್ರೆಶ್ ರೇಟ್‌ನೊಂದಿಗೆ 6.31-ಇಂಚಿನ LTPO AMOLED ಡಿಸ್ಪ್ಲೇಯನ್ನು ಹೊಂದಿದೆ. ಇತ್ತ ಹೈ-ಎಂಡ್ Vivo X300 Pro ಮಾದರಿಯು ದೊಡ್ಡದಾದ 6.78-ಇಂಚಿನ 1.5K BOE Q10+ LTPO AMOLED ಸ್ಕ್ರೀನ್ ಅನ್ನು ಹೊಂದಿದೆ. ಈ ಎರಡೂ ಫೋನ್‌ಗಳು 16GB ವರೆಗೆ LPDDR5x Ultra RAM ಮತ್ತು 512GB ವರೆಗೆ UFS 4.1 ಆನ್‌ಬೋರ್ಡ್ ಮೆಮೊರಿಯೊಂದಿಗೆ ಬಂದಿವೆ.

ಕ್ಯಾಮೆರಾ ವಿಭಾಗದಲ್ಲಿ, Vivo X300 ನಲ್ಲಿ f/1.68 ಅಪರ್ಚರ್ ಮತ್ತು OIS ಹೊಂದಿರುವ 200MP ಮುಖ್ಯ ಕ್ಯಾಮೆರಾ, 50MP ಅಲ್ಟ್ರಾ-ವೈಡ್ ಮತ್ತು 50MP ಪೆರಿಸ್ಕೋಪ್ ಟೆಲಿಫೋಟೋ ಶೂಟರ್ ಇದೆ.. ಮತ್ತೊಂದೆಡೆ, Vivo X300 Pro ಮಾದರಿಯು OIS ಹೊಂದಿರುವ 50MP ಸೋನಿ LYT-828 ಪ್ರಾಥಮಿಕ ಸಂವೇದಕ, 50MP ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 200MP ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾವನ್ನು ಹೊಂದಿದೆ.

ಮುಂಭಾಗದಲ್ಲಿ, ಎರಡೂ ಫೋನ್‌ಗಳು 50MP ಸೆಲ್ಫಿ ಕ್ಯಾಮೆರಾ ಮತ್ತು ಪ್ರೊ ಇಮೇಜಿಂಗ್ VS1 ಮತ್ತು V3+ ಇಮೇಜಿಂಗ್ ಚಿಪ್‌ಗಳನ್ನು ಹೊಂದಿವೆ. ಬ್ಯಾಟರಿ ವಿಭಾಗದಲ್ಲಿ, Vivo X300 6,040mAh ಬ್ಯಾಟರಿ ಹೊಂದಿದ್ದರೆ, ; ಪ್ರೊ ಆವೃತ್ತಿಯು 6,510mAh ಬ್ಯಾಟರಿಯನ್ನು ಹೊಂದಿದೆ. ಎರಡೂ 90W ವೇಗದ ವೈರ್ಡ್ ಚಾರ್ಜಿಂಗ್ ಮತ್ತು 40W ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲಿಸುತ್ತವೆ. ಜೊತೆಗೆ ಧೂಳು ಮತ್ತು ನೀರಿನಿಂದ ರಕ್ಷಣೆಗೆ IP68 ಮತ್ತು IP69 ರೇಟಿಂಗ್ ಇವೆ.