ಮಾರುಕಟ್ಟೆಗೆ ಬಂದಿದೆ ನೀರಿನಲ್ಲಿ ತೊಳೆಯಬಹುದಾದ ಸ್ಮಾರ್ಟ್‌ಪೋನ್...!

ಈ ಪೋನನ್ನು ತೊಳೆಯಬಹುದು ಈ ಪೋನನ್ನು:

ಕ್ಯೋಸೆರಾ ಕಂಪನಿಯೂ ಮೊಟ್ಟ ಮೊದಲ ತೊಳೆಯಬಹುದಾದ ಸ್ಮಾರ್ಟ್‌ಪೋನನ್ನು ಅಭಿವೃದ್ಧಿಪಡಿಸಿದ್ದು, ಇದಕ್ಕೆ rafre ಎಂದು ನಾಮಕರಣ ಮಾಡಿದೆ. ಈ ಪೋನನ್ನು ನೀರಿನಲ್ಲಿ ತೊಳೆಯಬಹುದಾಗಿದ್ದು, ಬಿಸಿ ನೀರನ್ನು ಬಳಸಿಯೂ ವಾಷ್ ಮಾಡಬಹುದಾಗಿದೆ. ಇದರಿಂದ ಪೋನ್‌ಗೆ ಯಾವುದೇ ತೊಂದರೆ ಆಗುವುದಿಲ್ಲ ಎನ್ನಲಾಗಿದೆ.

ಒದ್ದೆ ಕೈನಲ್ಲೂ ಬಳಸಬಹುದು:

ಸಾಮಾನ್ಯ ಸ್ಮಾರ್ಟ್‌ಪೋನುಗಳ ಪರದೆಯನ್ನು ಒದ್ದೆ ಕೈನಿಂದ ಬಳಸಲು ಸಾಧ್ಯವಿಲ್ಲ ಆದರೆ ರಫ್ರಿ ಸ್ಮಾರ್ಟ್‌ಪೋನನ್ನು ಒದ್ದೆ ಕೈಯಿಂದಲೂ ಬಳಸಬಹುದಾಗಿದೆ. ಅಲ್ಲದೇ ಕೈಗೆ ಗ್ಲೌಸ್ ಧರಿಸಿಯೂ ಈ ಸ್ಮಾರ್ಟ್‌ಪೋನನ್ನು ಬಳಸಬಹುದಾಗಿದೆ.

ಮೂರು ಬಣ್ಣದಲ್ಲಿ ಲಭ್ಯ:

2017 ಮಾರ್ಚ್‌ ವೇಳೆಗೆ ಈ ಪೋನು ಜಪಾನ್ ಮಾರುಕಟ್ಟೆಯನ್ನು ಪ್ರವೇಶಿಸಲಿದ್ದು, ಮೂರು ಬಣ್ಣಗಳಲ್ಲಿ ಲಭ್ಯವಿರಲಿದೆ. ಪಿಲೇ ಪಿಂಕ್, ಕ್ಲಿಯರ್ ವೈಟ್ ಮತ್ತು ಲೈಟ್ ಬ್ಲೂ ಬಣ್ಣಗಳಲ್ಲಿ ದೊರೆಯಲಿದೆ.

ಆಂಡ್ರಾಯ್ಡ್ 7.0 ನಲ್ಲಿ ಕಾರ್ಯನಿರ್ವಹಣೆ:

ಈ ರಫ್ರಿ ಸ್ಮಾರ್ಟ್‌ಪೋನು ಆಂಡ್ರಾಯ್ಡ್ 7.0 ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಹಿಂಭಾಗದಲ್ಲಿ 13MP ಕ್ಯಾಮೆರಾ ಹೊಂದಿದ್ದು, 2GB RAM ಮತ್ತು 16GB ಇಂಟರ್ನಲ್ ಮೆಮೊರಿ ಈ ಪೋನಿನಲ್ಲಿದ್ದು, 3,000mAh ಬ್ಯಾಟರಿ ಸಹ ಇದೆ.